LUKAS 14
14
Marung tuk daha' na batung daha' bau
1 #
Lk 6:6-11; 11:37 Té' ji hangun tegu Dau Kelarah, tei nah Yesus alem ji uma kelunan aya' daha' Farisi, tei kuman alem uma na', lim kelunan aleng té' tinan pah ngetneng lelan nyineng Iha'. 2Alem nunan dih té' nah ji kelunan aleng perah betung melo' tinan. 3Pelalau nah Yesus meteng daha' aleng puboh surat Tuhan dahin daha' Farisi, ken Na', “Tekep kah petagéh kelunan perah té' Dau Kelarah iah, nusi' tekep iah? 4Bi daha' atih tepaka' tua. En Na' gem nah usu kelunan atih dahin petagéh iha, pelalau nyihu iha' tei uli. 5#Mat 12:11; Lk 13:15 Ken Na' men daha' atih, “Hi kah men hang kam aleng té' keledei kelebau kah legak alem lesung tegu Dau Kelarah pelalau em kaséh mahin iha' musang té' dau anan?” 6Bi nusi' nah daha' atih deng nyu'ei dahun Na' atih.
7 #
Mat 23:6
Iha' Ha' na ji ivun men daha' aleng uh en uvui atih, tegu Iha' nyineng tuk daha' atih mili ngavan aleng sayu avan daha' melo', ken Na' men daha' atih, 8#Ivun 25:6-7 “Tegu daha' muvui ika' tei pahlung hawa', meng pekwat tei melo' ha' ngavan aleng bau, bahi té' kelunan aleng en na' uvui aleng en daha' ju men hang kam, 9pelalau kelunan aleng muvui ika' dahin muvui iha' lahuh nei kuma' men ika', “Hiréh im melo, ngavan kelunan atih aleng anih,’ ken na' men ika', pelalau ha'éh tua nah ika' melo' té' avan aleng bah hida loh. 10Bi tegu ika' en daha' uvui, melo' nah im té' ngavan aleng bah hida loh, ja tegu kelunan aleng muvui ika' atih nei ateng, iha' kuma' men ika', ‘U bakéh, nei nah im peju ha' ujung inih la'an,’ ken na'. Uréh nah ika' en na' ju ha' unan kelunan lim aleng melo' pahlung peji dahim atih. 11#Mat 23:12; Lk 18:14 Avin ha'ut-ha'ut la'ung aleng meju batung na' dep, iha' nah aleng seng en daha' na liva, dahin hi-hi aleng ngeliva kenep na', iha' seng en daha' ju.”
12Kuma' pah Yesus lahuh men laké' aleng muvui Iha', “Tegu ika' muvui kuman pahlung ngedau, malem kah, meng muvui bakéh ka' dahin harim dahin pahu ka' dahin daha' aleng kaya', bahi daha' atih ngalui uvui ka'. 13#Kel d M 14:29 Bi tegu ika' muvui pahlung, uvui nah kelunan aleng humé', dahin kelunan kelu'eng, dahin kepé', dahin kelunan buta', 14#Yoh 5:29 nurei ika' ala sayu lan men ika', avin nusi' nah té' avan daha' ngalui na' la'an men ika', avin ika' seng ala tuyu na' té' dau daha' aleng teneng nei peju murip.”
Ivun pahlung aleng dekaya'
Mat 22:1-10
15 #
Lk 13:29
Tegu ji la'ung aleng melo' pahlung dahin Na' kelenghi daho' aleng nunan, kuma' nah iha' men Yesus, “Sayu lan nah men kelunan aleng pahlung alem keligem Allah.” 16Ken Yesus men iha', “Té' nah ji la'ung kelunan aleng mangei kuri-kuri kelunan tei pahlung. 17Tegu daha' ngenep kuman en na' nyihu nah panyin na' tei mangei kelunan, ken na', ‘Nei nah, avin lim na' hu'uh temei.’ 18Bi lim daha' atih mukin dahin akei asi. Aleng una' atih kuma' men iha', ‘Akui uh melé' ji tana luma'. Akui seng ngenep tei nyineng na'. Akei asi kui, nusi' kui nei.’ 19Kuma' pah ji la'ung aleng ha' béh, ‘Akui hu'uh melé' pulu kelebau, akui seng ngenep tei pesek dalo'. Akei asi kui, nusi' kui nei.’ 20#1 Kor 7:33 Ken ji la'ung aleng ha' béh la'an, ‘Akui maring ngehawa', avin atih nusi' kui deng nei.’ 21Uli nah panyin atih dahin bara men taman na' lim daho' atih. Bunget nah laké' aya' atih dahin kuma' men panyin na' atih, ‘Tei nah im dahin salet ngeluyeng alan dahin tei ha' hangat-hangat alan aleng tei pala daléh, geri nah kelunan aleng humé' dahin kelunan kelu'eng dahin kelunan buta' dahin kelunan kepé'.’ 22Ken panyin atih, ‘U Amei, ket aleng uh im nyihu atih uh ek na nah, lan pah iha' nutih, bi té' loh kah la'an ngavan daha'.’ 23Ken laké' aya' atih men panyin na', ‘Tei nah im la'an arin, tei ha' alan aleng dekaya' dahin té' avan aleng puket dahin nangen daha' nei halem ja uma kui nih penu. 24Avin akui kuma' men kelo', ji la'ung pah em té' men hang daha' aleng ek uvui atih aleng seng mesek pahlung kui.’ ”
Marung tuk muau batung ta' dep
Mat 10:37-38
25Té' ji hangun, kelalau kahum nah daha' tei tugung Yesus. Ngelisah nah Iha' dahin kuma' men daha' atih, 26#Kel d M 33:9-10; Lk 18:29-30; Yoh 12:25 “Tana' ji kelunan nei ha' Akui, iha' ha' em deng melek taman na' dahin hinan na', hawan na' dahin anak na' dahin harin aké', harin doh na', dahin em mun ma'uk hengan na' dep pah lahuh, nusi' nah iha' deng anak sekulah Kui. 27#Mat 10:38; 16:24; Mk 8:34; Lk 9:23 Dahin hi aleng em nyi'un salip na' dahin ngioh Akui, nusi' nah iha' deng anak sekulah Kui. 28Avin hi kah men hang kam aleng ngenep na ji uma aleng bau dahin em melo' pelemana' na' una' dahin ngio' belaja' na' seng deng ateng ha' uh? 29Bahi tegu iha' uh mejek jihé' na' bi nusi' ha' deng pek'uh na', pelalau lim kelunan aleng nyineng marung tuk atih nuten iha', 30ken daha', ‘Kelunan anih mejek jihé' uma, bi nusi' ha' deng pek'uh na'.’ 31Laja' ano' kah aleng ngenep ti perang dahin ji laja' aleng ha' béh, dahin em melo' pakat una', bahi ha' em deng lawan iha' té' pulu libu' seladu laja' aleng nei pala iha' dahin seladu na' aleng dua'-pulu libu'? 32Awi ha' em deng, alem laja' aleng ha' béh atih su loh, en na' nyihu nah sihu na' tei meteng kuri lawih seng en daha' akei. 33Nunan pah lahuh, hi men hang kam aleng em pari melek lim-lim ketanun na', nusi' nah iha' deng anak sekulah Kui.
34 #
Mat 5:13; Mk 9:50 “Hia' adang ha' sayu, bi awi hia' atih tei beléh, té' nun kah ngavan na na' mih la'an? 35Nusi' nah té' bang na' men tana, nusi' pah té' bang na na' baja, bi en daha' sau tua nah. Hi-hi aleng té' iling ngavan kelenghi, kelenghi nah.”
Одоогоор Сонгогдсон:
LUKAS 14: TDK1990
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Bible in Today's Dahun Kayan Version © Bible Society of Malaysia, 1990.
LUKAS 14
14
Marung tuk daha' na batung daha' bau
1 #
Lk 6:6-11; 11:37 Té' ji hangun tegu Dau Kelarah, tei nah Yesus alem ji uma kelunan aya' daha' Farisi, tei kuman alem uma na', lim kelunan aleng té' tinan pah ngetneng lelan nyineng Iha'. 2Alem nunan dih té' nah ji kelunan aleng perah betung melo' tinan. 3Pelalau nah Yesus meteng daha' aleng puboh surat Tuhan dahin daha' Farisi, ken Na', “Tekep kah petagéh kelunan perah té' Dau Kelarah iah, nusi' tekep iah? 4Bi daha' atih tepaka' tua. En Na' gem nah usu kelunan atih dahin petagéh iha, pelalau nyihu iha' tei uli. 5#Mat 12:11; Lk 13:15 Ken Na' men daha' atih, “Hi kah men hang kam aleng té' keledei kelebau kah legak alem lesung tegu Dau Kelarah pelalau em kaséh mahin iha' musang té' dau anan?” 6Bi nusi' nah daha' atih deng nyu'ei dahun Na' atih.
7 #
Mat 23:6
Iha' Ha' na ji ivun men daha' aleng uh en uvui atih, tegu Iha' nyineng tuk daha' atih mili ngavan aleng sayu avan daha' melo', ken Na' men daha' atih, 8#Ivun 25:6-7 “Tegu daha' muvui ika' tei pahlung hawa', meng pekwat tei melo' ha' ngavan aleng bau, bahi té' kelunan aleng en na' uvui aleng en daha' ju men hang kam, 9pelalau kelunan aleng muvui ika' dahin muvui iha' lahuh nei kuma' men ika', “Hiréh im melo, ngavan kelunan atih aleng anih,’ ken na' men ika', pelalau ha'éh tua nah ika' melo' té' avan aleng bah hida loh. 10Bi tegu ika' en daha' uvui, melo' nah im té' ngavan aleng bah hida loh, ja tegu kelunan aleng muvui ika' atih nei ateng, iha' kuma' men ika', ‘U bakéh, nei nah im peju ha' ujung inih la'an,’ ken na'. Uréh nah ika' en na' ju ha' unan kelunan lim aleng melo' pahlung peji dahim atih. 11#Mat 23:12; Lk 18:14 Avin ha'ut-ha'ut la'ung aleng meju batung na' dep, iha' nah aleng seng en daha' na liva, dahin hi-hi aleng ngeliva kenep na', iha' seng en daha' ju.”
12Kuma' pah Yesus lahuh men laké' aleng muvui Iha', “Tegu ika' muvui kuman pahlung ngedau, malem kah, meng muvui bakéh ka' dahin harim dahin pahu ka' dahin daha' aleng kaya', bahi daha' atih ngalui uvui ka'. 13#Kel d M 14:29 Bi tegu ika' muvui pahlung, uvui nah kelunan aleng humé', dahin kelunan kelu'eng, dahin kepé', dahin kelunan buta', 14#Yoh 5:29 nurei ika' ala sayu lan men ika', avin nusi' nah té' avan daha' ngalui na' la'an men ika', avin ika' seng ala tuyu na' té' dau daha' aleng teneng nei peju murip.”
Ivun pahlung aleng dekaya'
Mat 22:1-10
15 #
Lk 13:29
Tegu ji la'ung aleng melo' pahlung dahin Na' kelenghi daho' aleng nunan, kuma' nah iha' men Yesus, “Sayu lan nah men kelunan aleng pahlung alem keligem Allah.” 16Ken Yesus men iha', “Té' nah ji la'ung kelunan aleng mangei kuri-kuri kelunan tei pahlung. 17Tegu daha' ngenep kuman en na' nyihu nah panyin na' tei mangei kelunan, ken na', ‘Nei nah, avin lim na' hu'uh temei.’ 18Bi lim daha' atih mukin dahin akei asi. Aleng una' atih kuma' men iha', ‘Akui uh melé' ji tana luma'. Akui seng ngenep tei nyineng na'. Akei asi kui, nusi' kui nei.’ 19Kuma' pah ji la'ung aleng ha' béh, ‘Akui hu'uh melé' pulu kelebau, akui seng ngenep tei pesek dalo'. Akei asi kui, nusi' kui nei.’ 20#1 Kor 7:33 Ken ji la'ung aleng ha' béh la'an, ‘Akui maring ngehawa', avin atih nusi' kui deng nei.’ 21Uli nah panyin atih dahin bara men taman na' lim daho' atih. Bunget nah laké' aya' atih dahin kuma' men panyin na' atih, ‘Tei nah im dahin salet ngeluyeng alan dahin tei ha' hangat-hangat alan aleng tei pala daléh, geri nah kelunan aleng humé' dahin kelunan kelu'eng dahin kelunan buta' dahin kelunan kepé'.’ 22Ken panyin atih, ‘U Amei, ket aleng uh im nyihu atih uh ek na nah, lan pah iha' nutih, bi té' loh kah la'an ngavan daha'.’ 23Ken laké' aya' atih men panyin na', ‘Tei nah im la'an arin, tei ha' alan aleng dekaya' dahin té' avan aleng puket dahin nangen daha' nei halem ja uma kui nih penu. 24Avin akui kuma' men kelo', ji la'ung pah em té' men hang daha' aleng ek uvui atih aleng seng mesek pahlung kui.’ ”
Marung tuk muau batung ta' dep
Mat 10:37-38
25Té' ji hangun, kelalau kahum nah daha' tei tugung Yesus. Ngelisah nah Iha' dahin kuma' men daha' atih, 26#Kel d M 33:9-10; Lk 18:29-30; Yoh 12:25 “Tana' ji kelunan nei ha' Akui, iha' ha' em deng melek taman na' dahin hinan na', hawan na' dahin anak na' dahin harin aké', harin doh na', dahin em mun ma'uk hengan na' dep pah lahuh, nusi' nah iha' deng anak sekulah Kui. 27#Mat 10:38; 16:24; Mk 8:34; Lk 9:23 Dahin hi aleng em nyi'un salip na' dahin ngioh Akui, nusi' nah iha' deng anak sekulah Kui. 28Avin hi kah men hang kam aleng ngenep na ji uma aleng bau dahin em melo' pelemana' na' una' dahin ngio' belaja' na' seng deng ateng ha' uh? 29Bahi tegu iha' uh mejek jihé' na' bi nusi' ha' deng pek'uh na', pelalau lim kelunan aleng nyineng marung tuk atih nuten iha', 30ken daha', ‘Kelunan anih mejek jihé' uma, bi nusi' ha' deng pek'uh na'.’ 31Laja' ano' kah aleng ngenep ti perang dahin ji laja' aleng ha' béh, dahin em melo' pakat una', bahi ha' em deng lawan iha' té' pulu libu' seladu laja' aleng nei pala iha' dahin seladu na' aleng dua'-pulu libu'? 32Awi ha' em deng, alem laja' aleng ha' béh atih su loh, en na' nyihu nah sihu na' tei meteng kuri lawih seng en daha' akei. 33Nunan pah lahuh, hi men hang kam aleng em pari melek lim-lim ketanun na', nusi' nah iha' deng anak sekulah Kui.
34 #
Mat 5:13; Mk 9:50 “Hia' adang ha' sayu, bi awi hia' atih tei beléh, té' nun kah ngavan na na' mih la'an? 35Nusi' nah té' bang na' men tana, nusi' pah té' bang na na' baja, bi en daha' sau tua nah. Hi-hi aleng té' iling ngavan kelenghi, kelenghi nah.”
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Bible in Today's Dahun Kayan Version © Bible Society of Malaysia, 1990.