Mak 3
3
Jisas tevamwesa aji ah ngan temat
1Jisas ban mwetak le valin tangroan ut ah aji tedok dobo iginan ah ngan tei temat. 2Datngin tarutni ratti iginan leto nanong ah rat toni nuhu rama kitate apma ah Jisas batleli, niah tei teba woswos tenga. Bi ratmudi negita nuhu bat vamwesate aji le ren ah Sabat io tebu. 3Jisas bep mini aji i ngan temat nong nuhu, “Kosama dokah nedi boswos lemtan tarutni rahe.” 4Bi muhleli i tarutni nuhu, “Apma ah nondo Temwat bep nini kidi nuhu tan leli le ren ah Sabat? Tan bebejik, io tan neskani illan? Tan vamwesa masan non aji io tanih gabarani?”
Tehu ba ramdi ronga, ratbamu bepte apma bwaleh nga. 5Lelen Jisas mwegakat, bi mwigit vali ni, ba bware temudok nokon gonani no buju tei tetkol basla, bi rat teslal. Bep mini aji nong nuhu, “Kosanruhwani ngam.” Tesanruhwani ngar bi mwegabis bamul. 6Ajinan goah rat wuhu Temwat ramamlu dini valin tangroan bi raban nesasabisi mini datngin goah rat tahkuru Herod, bi ram leli hal u goah rabat tehi Jisas.
Tarutmumu rat sasabisi mwatwen sileng
7Jisas bi non tarutni ramamlu bi raban, bi ram sip sasari sileng ah Galili. Tarutmumu ramamlu dini ut Galili bi raban jukun. Tarut at Judia 8bi at Jerusalem bi li vinini niah Idumia, bi at li vinini niah almaun sileng ah Jodan. Bi mwegai tarut at li biribiri vini ah sasari ut Taea bi Saedon. Tarutmumu nong rat van jukun Jisas, gonani rat rongo vepnan leut ah teleli. 9Tarutni rat tei halkawu tokol. Jisas bep mini non tarutni nuhu rama dongvite aga u goah batsip nedi lin, gonani tarutni rat viviri basla. 10Tevamwesa tarutni halkawu lengleng, ba rasan ni halkawu lengleng ngama ah rat vivirik nuhu rabat tebwiri. 11Entorapmanan nga ah goah loah, tedi le ni rat kita, bi ramaiah lemtan, bi ram deng rabep nuhu, “Kik kobi Nujun God.” 12Jisas maskani dalekte tetkol mini loahni nuhu ranba vep sereserete hanan mini aji watwatnende ni.
Jisas tekitulu non atnan kasosoni, tei ni tesangwul vepnan karu
13Jisas mwesak li rep bi mahu ajini mapma ben niah tedoni ni. Ratepma ben 14bi mwigit ulu ajini tesangwul vepnan karu niah tehu niri atnan non kasosoni. Bep mini ni nuhu, “Nat kitulu gimi nuhu kandok bek. Bi nanesro gimi nuhu kan ban nedoptop nokon dalek. 15Bi rowomi man dok u goah kan goro loah dini goah loah mwidi le ni.”
16Han goah tei ni tesangwul vepnan karu nong ba tei naah, tei Saemon, niah Jisas tesru han i Pita, 17Jemes bi kisan ah Jon, niah tei temaru ah Sebedi. Jisas tesru haru i Boanajas, gonani ratru doptop basla. 18Andru, Pilip, Batolomiu, Matiu, Tomas, Jemes niah tei nujun Alpeas, Tadeas, Saemon ah tedoni basla vininan. 19Bi Judas Iskariot, niah tegai limalen ba bos i Jisas.
Datngin tarutni rat vep nuhu Jisas tevamwesa tarutni li rowon loah
20Jisas mul bamul ut ah tedok iginan. Tehu ba tarutmumu ram sasabisi mwetak ben, teleli ba gonge ah ni, bi non tarutni, ba taron no kanan tei tebulong. 21Entorah dajin nuru teman ratru rongo vepnan bi ramrupma metan, gonani ratru rongo goah tarutni rat vep nuhu mwedaltal.
22Datngin goah rat wuhu Temwat niah rat temlu dini ut Jerusalem ram mapma bi rabep nuhu, “Bielsebal mwidi le enang ahe.” Ba datngin rabep nuhu, “Bibi salenan loahni niah teskani rowok tegol mini, bi mogoro loahni lin.” 23Tehu ba Jisas mahu tarutni mapma bi mwatwo maun vehuran mini ni. Bep mini ni nuhu, “Gavak, nagoah Setan man goro Setan? 24Tigoah tarutnan vini bwaleh rabat sabwerani bi ramdi i maun go, ba vini nanong maneiah. 25Io tigoah aji mini nujunni rabat sabwera ni bi ramdi bamul i maun go, ba rabat badi nga bwaleh. 26Io tigoah anini niah ramdi le temwat non Setan rabatti i maun go, ba temwat nanong man badi nga i viuk, ba maneiah bi monok.
27“Aji tebu ah man bwih leiman aji ah rowon matkol bi mogodori non leut. Tigoah mandoni nuhu man leli tapmak ba man boji bawora, ba mwegasak bi mweapko non leut.
28“Mwetaknga letlet nambep mini gimi, God man bihni gabarak sera kapmwaan ni niah ajini ram leli io rabep, masen ah ran leli io ran bep vahalkawu lengleng. 29Ba u aji ah man bep apma tekapma vanokon Tabite Kokon, ba non kapmwaan nanong man baditenga nevihni gabarakante, gonani teleli kapmwaan ah mulngan tebulong.” 30Jisas tevep tapmak gonani datngin ajini rat vep nuhu, “Loah mwidi lelen.”
Dajin Jisas bi kisanni rat tepma nedongvi
31Dajin Jisas mini kisanni ramapma ben. Rat tepma bi ramdi nge wop bi ramasro vehuran nuhu rama uhleli Jisas ba nemapma. 32Tarutmumu ah rat sadok dalji Jisas rabep mini nuhu, “Dajim bi kisamni ramdite wop bi ram uhleli kik.” 33Jisas bep mini ni nuhu, “Dajik ah itan? Bi kisak ah itan?” 34Mwigit vali tarutmumu ah rat sadok dalji, bi bep mini ni nuhu, “Karu gita, dajikni naramdi ahe, bi kisakni naramdi ah. 35Gonani aji ah mweleli apma ah God modoni ba aji nanong niah bibi kisak, bi hojik, bi dajik.”
Одоогоор Сонгогдсон:
Mak 3: APMA
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Published by the Bible Society of the South Pacific in 1977.
Mak 3
3
Jisas tevamwesa aji ah ngan temat
1Jisas ban mwetak le valin tangroan ut ah aji tedok dobo iginan ah ngan tei temat. 2Datngin tarutni ratti iginan leto nanong ah rat toni nuhu rama kitate apma ah Jisas batleli, niah tei teba woswos tenga. Bi ratmudi negita nuhu bat vamwesate aji le ren ah Sabat io tebu. 3Jisas bep mini aji i ngan temat nong nuhu, “Kosama dokah nedi boswos lemtan tarutni rahe.” 4Bi muhleli i tarutni nuhu, “Apma ah nondo Temwat bep nini kidi nuhu tan leli le ren ah Sabat? Tan bebejik, io tan neskani illan? Tan vamwesa masan non aji io tanih gabarani?”
Tehu ba ramdi ronga, ratbamu bepte apma bwaleh nga. 5Lelen Jisas mwegakat, bi mwigit vali ni, ba bware temudok nokon gonani no buju tei tetkol basla, bi rat teslal. Bep mini aji nong nuhu, “Kosanruhwani ngam.” Tesanruhwani ngar bi mwegabis bamul. 6Ajinan goah rat wuhu Temwat ramamlu dini valin tangroan bi raban nesasabisi mini datngin goah rat tahkuru Herod, bi ram leli hal u goah rabat tehi Jisas.
Tarutmumu rat sasabisi mwatwen sileng
7Jisas bi non tarutni ramamlu bi raban, bi ram sip sasari sileng ah Galili. Tarutmumu ramamlu dini ut Galili bi raban jukun. Tarut at Judia 8bi at Jerusalem bi li vinini niah Idumia, bi at li vinini niah almaun sileng ah Jodan. Bi mwegai tarut at li biribiri vini ah sasari ut Taea bi Saedon. Tarutmumu nong rat van jukun Jisas, gonani rat rongo vepnan leut ah teleli. 9Tarutni rat tei halkawu tokol. Jisas bep mini non tarutni nuhu rama dongvite aga u goah batsip nedi lin, gonani tarutni rat viviri basla. 10Tevamwesa tarutni halkawu lengleng, ba rasan ni halkawu lengleng ngama ah rat vivirik nuhu rabat tebwiri. 11Entorapmanan nga ah goah loah, tedi le ni rat kita, bi ramaiah lemtan, bi ram deng rabep nuhu, “Kik kobi Nujun God.” 12Jisas maskani dalekte tetkol mini loahni nuhu ranba vep sereserete hanan mini aji watwatnende ni.
Jisas tekitulu non atnan kasosoni, tei ni tesangwul vepnan karu
13Jisas mwesak li rep bi mahu ajini mapma ben niah tedoni ni. Ratepma ben 14bi mwigit ulu ajini tesangwul vepnan karu niah tehu niri atnan non kasosoni. Bep mini ni nuhu, “Nat kitulu gimi nuhu kandok bek. Bi nanesro gimi nuhu kan ban nedoptop nokon dalek. 15Bi rowomi man dok u goah kan goro loah dini goah loah mwidi le ni.”
16Han goah tei ni tesangwul vepnan karu nong ba tei naah, tei Saemon, niah Jisas tesru han i Pita, 17Jemes bi kisan ah Jon, niah tei temaru ah Sebedi. Jisas tesru haru i Boanajas, gonani ratru doptop basla. 18Andru, Pilip, Batolomiu, Matiu, Tomas, Jemes niah tei nujun Alpeas, Tadeas, Saemon ah tedoni basla vininan. 19Bi Judas Iskariot, niah tegai limalen ba bos i Jisas.
Datngin tarutni rat vep nuhu Jisas tevamwesa tarutni li rowon loah
20Jisas mul bamul ut ah tedok iginan. Tehu ba tarutmumu ram sasabisi mwetak ben, teleli ba gonge ah ni, bi non tarutni, ba taron no kanan tei tebulong. 21Entorah dajin nuru teman ratru rongo vepnan bi ramrupma metan, gonani ratru rongo goah tarutni rat vep nuhu mwedaltal.
22Datngin goah rat wuhu Temwat niah rat temlu dini ut Jerusalem ram mapma bi rabep nuhu, “Bielsebal mwidi le enang ahe.” Ba datngin rabep nuhu, “Bibi salenan loahni niah teskani rowok tegol mini, bi mogoro loahni lin.” 23Tehu ba Jisas mahu tarutni mapma bi mwatwo maun vehuran mini ni. Bep mini ni nuhu, “Gavak, nagoah Setan man goro Setan? 24Tigoah tarutnan vini bwaleh rabat sabwerani bi ramdi i maun go, ba vini nanong maneiah. 25Io tigoah aji mini nujunni rabat sabwera ni bi ramdi bamul i maun go, ba rabat badi nga bwaleh. 26Io tigoah anini niah ramdi le temwat non Setan rabatti i maun go, ba temwat nanong man badi nga i viuk, ba maneiah bi monok.
27“Aji tebu ah man bwih leiman aji ah rowon matkol bi mogodori non leut. Tigoah mandoni nuhu man leli tapmak ba man boji bawora, ba mwegasak bi mweapko non leut.
28“Mwetaknga letlet nambep mini gimi, God man bihni gabarak sera kapmwaan ni niah ajini ram leli io rabep, masen ah ran leli io ran bep vahalkawu lengleng. 29Ba u aji ah man bep apma tekapma vanokon Tabite Kokon, ba non kapmwaan nanong man baditenga nevihni gabarakante, gonani teleli kapmwaan ah mulngan tebulong.” 30Jisas tevep tapmak gonani datngin ajini rat vep nuhu, “Loah mwidi lelen.”
Dajin Jisas bi kisanni rat tepma nedongvi
31Dajin Jisas mini kisanni ramapma ben. Rat tepma bi ramdi nge wop bi ramasro vehuran nuhu rama uhleli Jisas ba nemapma. 32Tarutmumu ah rat sadok dalji Jisas rabep mini nuhu, “Dajim bi kisamni ramdite wop bi ram uhleli kik.” 33Jisas bep mini ni nuhu, “Dajik ah itan? Bi kisak ah itan?” 34Mwigit vali tarutmumu ah rat sadok dalji, bi bep mini ni nuhu, “Karu gita, dajikni naramdi ahe, bi kisakni naramdi ah. 35Gonani aji ah mweleli apma ah God modoni ba aji nanong niah bibi kisak, bi hojik, bi dajik.”
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Published by the Bible Society of the South Pacific in 1977.