1CO - BUU 13
13
Inyɨme
1Inde wu to tre ri rɨme wari nkan ka ri rɨme miri ndu Izhi ama wu ran he ri nyɨme ran, wu he ka ishee riwa ki wo ran wan kuklu, a ran ri la kya ri ran. 2Inde ki to la tre Izhi riwa ari ye kusi, ki ri to kyawa krekre ama inde ki ran he ri nyɨme mgbron nji ran, ari tsro ri me ran he kyari ran. 3Wari tre ri me ka kyawa won wawu no wawa wana he ri kyari ran, ko ka meri ka kpa won no wa no wa gon, ama me ran he ri nyɨme ran, me ran fe kyari ran ari he kuklu. 4Inji riwa a he ri nyɨme ari vu sron, iyɨme ran ti ngu ran, iyɨme ran kpongawan ran, inyɨme ran ri sentu ran. 5Aran ri nzu tu ran, a ran ri nyime ngawan ran, a ran ri chichi ti fu ran, a ran ri suu tu ran, a ran ri ngɨzhi njo ri sron ran. 6Inyɨme ran ri to ro meme ti ran ama ari to ro la kpunji tre. 7Iyɨme ri de vu sron rimi kon ngye ri ikpa nyɨme rimi ko ngye, ari de yo sron ri ko ngye, nga vu dri rimi ko ngye.
8Inyɨme ran ri kre ran iya tre ri kusi ri kre, tre wa rɨme ri kukri, ikpantu ri kre. 9Kpunji tre, ikpantu mbu ran bran ran nga tre Izhi riwa ki la, kiran ri to lau kre ran. 10Ama inde chachu riwa Kristo ri ye, ko ngye riwa a ran tsra ran ari kre. 11Riwa me he ri vren, me ran tre ka ivreta-ka ka ivren nga meri ran kpa tre ka ivren. Zizan riwa me he rinkon me ka kya riwa vren chuwo. 12Ritu zizan me ya a ran ri kpan bran ran ritu me ya ri dzu kya ri ya sii, Zizan meto tsawen nye, meto-u kre-kre iwawu bibi riwa Izhi to wen kre- kre. 13Zizan, kyawa tra wanyi wa he, ri ikpanyɨme, ri yo sron nga nyɨme, ama inyɨme nye han waa wawu.
Одоогоор Сонгогдсон:
1CO - BUU 13: BUU
Тодруулга
Хувилах
Харьцуулах
Хуваалцах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
The word for the World International and The word for the World Nigeria