Joaancha Laenai 6
6
Saoqui oharaancai cacha rai lenone tiha Jesosone
1Nii baihate Calileea conemuri jeraque cuha Jesosone jana, 2sacuha cuure arajiin cachaauru, cunaitenacaauru rautaane coaracuruhane jaun.
3Nii janate cuu atane ucuuno choae iniin nelauriariin lauheque Jesoso, aina nerelanaa nichaanune aina, 4Jorioocuru beseta Fasocoa catainajeein.
5Nii jaunte arajiin turuuruha cachaaurune jaun: “Chu lenone coreterihacache, caa arajiin cachaauru rai”, naain bajae Ferifi rai Cana Coaunera Calaohi Jesoso. 6Niicha ichaneni coitucuha natiinte bajae Jesoso Ferifi caje, “Toohanrichaaincha”, naain.
7Niritiin bajaane jana: “Coroata fashai janoniane amihanenaa core jeeoneein faan coretichaachene niha natiin coatiha caa arajiin cacha naineriheita”, naa Ferifine baihate:
8-9“Caute ne caa canaanai rai saoquijieein faan, nii baiha coroatajaain ate, naaonjoaain niqui, nete caa araainei cacha nainenere carijiei”, naa nii Simoon Fedoro ocoala Anderesine jaunte:
10“Saan. Acaauru rai aitocuchete nelauriaauruhine satiin”, naa Jesosone jaunte:
“Nii omane choae nelauriaauchera”, naauruhane jana, nelauriaaure nii saoqui oaraancai quichaauru nejesina, enecuru, canaanaihuru, naaojoain janijilanaana.
11Nii janate nii faan teberiaain: “Nariha”, naain Cana Coaunera bajaane baiha, nii aina nerelanaa nichaanune rai nii faan te Cana Coaunera Calaohi Jesoso, chaluhacaanune coina. Chaluhacaanune janate, nii saoqui oharaancai cacha naine nii faan. Jerichanejeein techu nainecohanajae nii ate.
12Nii janate, inaeneeuruhane jana cautihane jaun: “Caa caute curujuaain raauche nijiaohane coataa”, naa Jesoso, aina nerelanaa nichaanune raine jaun, 13curuhacaanune janate ne, lechoonca coroata omariin faan caute. Nitohaneeinte caute, nii saoquijiei faan nefaain.
14Nii coaraainte: “Caate caa chauratane que turuha uha niicha jerecuri Cana Coaunera letono canaacha cohajeinecaihara”, naaure cachaauru.
15Nii jaunte jataain acaauru curuaanaa reey neein Jesoso tenaa jereein, counujueein amanaa jerecuruhane coarajihane jaun, acaauru que janoriin amue rautaenihane jaun. Nitohaneeinte acaauru que janoriin amuhin, atane ucuuno que iniha cue Jesoso, cuu jelai basiinjiin neeorihane coina.
Acau choae amuha Jesosone
16-17Nii janane, inae nocohecane jaun, jaiti turueniha Jesoso atane ucuuno cajena jaun, fauha cuhacaanu. Fauhina, leinjiin bote cuhane naain jera jaoha cuhacaanu, Caferenaaon turuhacaanune coina. Nii janate inae nalaaquiin cuhin nocojoe. 18-19Nii janate, inae bote cuhane fauhin cuujihacaanune jana, canacaanu sacuha uhe Jesoso, acau choae rurujueein uhin. Nitohaneeinte acau choae uhin canacaanu rohan nichuuntaain, nii acau jiheeitohane jana, fichafichanaa tabai nihane jana, nii bote nalaaene amuniha canacaanu rai janate coaracaanune jana, tajiha acau choae uhin rurujue, nii bote nichaae uhin. Nii jaunne coasiha nesoonetohacaanune janate:
20-21“Coa nesoonetohachera. Canune aihunra”, naane jaun, que tacaain coroajeein, nii bote cuhane fauhin amaacaanu. Nii janana cohaneeoriin turutoha cuhacaanu canacaanuhacha coinetihu.
22Nii cojoanoote, acaihanejein satononiha jera jaoha cunaa bote cuhane fauhin jera jaoha cuhacaanune jana, canaacaanu aina uheniha Jesosone jaun, nii que ereerecure. 23Nii jana jetaote, Tiberia nese caje uhin turuha uhe leinjiin bote. Turuhin jetaote, najauriha uhe nii Cana Coaunera bajaain niicha tei faan quihuruha najaan rohan. 24Nii jana cuu nenihacaanune jana, Jesoso netonai niha natiin nenihane jaun, nii bote cuhane nefaujuaain cuhin, nii nihacaanune jaaun Caferenaaon turuhin ariha uure.
“Ichaonaa esine tera lenoneneeinne neeun”, naa Jesosone
25Nii janate jera jaohin coaraa uuruhane jana, cuu nii Caferenaaon ne Jesoso. Nii jaunte rai: “Chabana cau turuhite cacha relaera”, naauruhane janate:
26“Nii quiicha ichai coaraquiche natiin, ‘Naaojoain caara’, naain inara suujuau erenaa coacuelanaala, nainaain obejeein lenonequichene jaunte cariirijieeiche”, naainte, 27“Coa sanaa inaera lenone corenihacha amihanihache. Acaihanejein ichaonaa tera chabana sanaachara nejeein lenone coreniha amihaneeuche. Nii nitajenaachara nejeein niha cacha najaan lenone tihanune coinate caletoae Ofa Cana Coaunera. Canune inaraacha cohajei Cacha Calaohi ineeunra”, naa Jesoso acaauru rai janate:
28“Chatohaneein nerichaanu Cana Coaunera jerenohi ichacaaunne coina”, naain bajaauruhane janate:
29“Caa niicha letoai nichaaunne esenetaaichenete jere Cana Coaunera”, naa Jesosone janate:
30“Chatohanaina ichaain canacaanu notaareei, coaraain esinaaen rauhijiriin Cana Coaunera letononeeine esenetaacaanune coina. 31Carene tabai que amuhemuhecuruha najaaun jetaote, neniha lenonene jaun jetao, dede caje faan rijijieein nenaa manaa neein curuajaain nenaa que jetao ichaohin amuhemuherejetocurelu canacaanu inoaesihuru. Nitohaneein jetaote, neniha lenonene jaun, ‘Dede caje nenaa faan rijijieein nenaa manaa te Cana Coaunera’, naa Cana Coaunera Quiricha inoaesi cuhane”, naauruhane jaunte:
32“Coatiha Moisesa nii dede caje nenaa faan manaa tihei. Acaihanejein Ofa Cana Coauneraachate nii dedeeu nenaa faan esine teraneein ne. 33Nii Ofa Cana Coauneraacha tei faante turue caa chauratane que, cachaauru rai ichaonaa chabana nitajenaachara nejeein nenaa terane que”, naa Jesosone jaunte:
34“Atiin canacaanu rai inetono janonaa bana, nii faan que canacaanu sihura curuaanaa”, naauruhane janate:
35“Canune cacha rai ichaonaa tera faan neein neeun. Cha teeinte carene uhe aca mijiteriaain. Cha teeinti quesenetae, aca cocoireriaain. 36Nete inara rai aitocoaaunne esenetaeneeiche, inara nota que quiicha ichai coaraquiche natiin.
37Satiin Ofa Cana Coauneraacha letoaite carene uhe. Nii jaunna carene uhi nihane sitaenereeunni.
38Coatiha quiicha ichana jerei ichacaaunne coina, dede caje uhin turuha uhaaun caa chauratane que. Acaihanejein caletoaera Ofa Cana Coauneraacha jerei ichacaaunne coinana cau turuun. 39Nabana nitajeeuruha cachaaurune coataate caletoae Ofa Cana Coaunera. Nii jaunna satiin nii carai niicha teeuri cachaauru ichateein michunajaa cureeunni inae saa cana janonaane bana.
40Nii Cana Coaunera Calaohi coaracuruhane esenetaauruha satiin cachaaurunete jere caletoaera Ofa Cana Coaunera, chabana nitajenaachara nejeein nenaa ichaonaa raa esenetaeraaurune coina.
Nii jaunna inae saa cana janonaane bana ichateein michunajaa cureeunni”, naain acaauru tonorae Jesoso. 41Niritiinte, “Canune dede caje faunaa faan neeunra”, naa Jesosone jaun nocoeje chanuure Jorioocuru.
42Nitohaneeinte ita rai: “Ta Jose calaohi Jesoso niha caane. Raotojoeein inaca, neba, naaojoain coitucuhacache natiin, dede caje faunaa nereta”, naauruha ita rai Jorioocurune janate:
43“Inae canu nocoeje chanuhichene jianecuchera. 44Chunei carene unaa nainihei, nii jereein neniha caletoaera Ofa Cana Coaunerane. Inae saa janonaane banana nii carene uhine ichatiha cureeunni. 45‘Satiinte relareein Cana Coaunera’, naa Cana Coaunera ere beracuru noaensiuruhacha laenai quiricha cuhane jaunte, satiin Ofa ere aonaain tonoraain que nerelanacaaurune, carene ureeincha.
46Chabana Ofa coaraai chunei. Acaihanejein canuhachane coaraaun caje unaa nichaaunne jaun.
47Esinaena rauhijiriin aitoreeunni. Quesenetaerate ichaonaa chabana nitajenaachara nejeein nenaa raa cureein.
48Canune ichaonaa chabana nitajenaachara nejeein nenaa tera lenoneneein neeunra.
49Neniha leinjiinejein cacha najaaun carene tabai choae amuhemuhecuruha inara inoaesihurune janate, que ichaaoruhane coina cojoanoo netojoeein manaa neein curuajaain nenaa quinacai nalae Ofa Cana Coaunera, que ichaaoruhane coina. Nete, satiin oore nii quihurera inara inoaesihuru inae binaaneein. 50Canune dede caje faunaa lenone neeun. Nii faan nichaaunne quicha, chabana orihaain. 51Canune nii lenone neein dede caje faunaa neein neeun. Nii lenone que ichaohin neite nirijijieein nitajenaachara nejeein niha cureein.
Nii lenone quiicha tenaa jereite, cajabereonneein ne. Acane tiha cureeunni, que ichaohin neeuruha caa chauratane que nenacaaurune coina”, naa Jesosone janate:
52“Chatohaneeina rai jaberoco que cana coroaatere”, naain nejesinajeein ita cotaicha rijitocure Jorioocuru.
53Nii jaunte: “Esinaena rauhijiriin aitoreeunni inara rai. Canune Cana Coaunera Calaohineein, jelai Cacha Calaohineein inaraacha cohajei ineein neeun. Cajabereeon quiin cacoichana coheneeichene, nihei ichaonaa esine ranaa nainiheeiche. 54Cajabereeon quiin cacoichana coerate, chabana nitajenaachara nejeein nenaa ichaonaa raa cureein. Acane, saa cana janonaane bana ichateein michuha cureeunni. 55Ichaonaa tera lenone esine neein niha cajabereeone janate, ichaonaa tera conacai ineein ne cacoichana. 56Nitohaneein cajabereeon quiin, cacoichana coerate, caniha jiniiquiin nereein. 57Nii caletoaera Ofa Cana Coaunerate ichaonaa siri. Nii jaunna que ichaohin neeun. Nii rijijieein techu, cacoreniha ichaoha cureein caque lenoneein nei.
58Nii dede caje faunaa lenone quena aitoon. Coatiha nii inara inoaesihuruhacha quii manaa rijijieein nihei. Nii manaa quihuruha niqui inara inoaesihuru, nete satiin oore nii quihurera. Jana nii caitoonjoan dede caje faunaa lenone quiha cachanete, chabana nitajenaachara nejeein niha cureein”, 59naain relanajae Jesoso, Caferenaaon, acaauru rai sinacoca asaae netaojiaauruha Jorioocurune jana.
Nitajenaachara nejeein nenaa ichaonaa tera erenaa
60Caritiin relanajaa Jesosone jaunte: “Caaintatoha jataain caa naitoonjoan. Chate nere tonorare”, naauruha nii caaijie arajiin cunacaauru cachaaurune janate, 61aohanriin:
“Ta aihane carautaaichene. 62Toohareichecha, jauriaa nihanulune jaaun jelaiha iniha cuhanune coaraquichene. 63Caa quere aonaain esenetaeraaurute, chaelai janonaa bana nitajenereein. Jana, caa aitocoaunne esenetaelanaala erenaa tonoraauruhite, ichaoha jaberoco niha natiin, nitajiha cureein suujue. Cha que nelatihei cana jaberoco, cana suujue colane. 64Nete jaiti caa aitocoaunne jaan esenetaaurene inara tabaauru”, nae acaauru rai Jesoso, inae inoaelu caje coaauneein, “Acaauru acaaurute quesenetaenereein. Jana, acate naaonjoain cacolurujueein naaonjoain caeteratiha cureein”, naain coitucuhane jaun.
65Nii jaunte: “Nii jereniha Ofane, carene unaa nainihei chunei”, naa Jesosone caijiete, 66jianijihacoaaure nii arajiin aina nerelananichaanune aina amuhemuhenacaauru niritoha Jesosone jaun.
67Nii jaunte: “Inara netonaiha cajaohin caratiriin amuriquiche”, naain bajaa lechoonca coroatajai nichaanune cajene jana:
68“Ahan aihei. Chuna nenacae curichaacaanu. Nii canacaanu relaaine jaan tejian nenacaaen ichaonaa chabana nitajenaachara nejeein nenaa teraneein ne. 69Canacaanune laaen ii esenetaacaanu. Nii jaunna acaihanejein Cana Coaunera Calaohi Curisitoneein neeine coitucuhacaanura”, naa Fedorone janate:
70“Canune lechoonca coroatajai nequichene cotijiaain raain neeun niqui. Nete, nii inara lechoonca coroataja nechu aansai moconajaeraneein ne”, nae Jesoso canacaanu rai. 71Nii Simoon calaohi Jodasi Isacariote quete aite Jesoso, aina nerelanaa nichaanune lechoonca coroataja niha natiin colurujuerichaain coitucuhane jaun.
Одоогоор Сонгогдсон:
Joaancha Laenai 6: URA
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2005, 2024, Wycliffe Bible Translators, Inc.
Joaancha Laenai 6
6
Saoqui oharaancai cacha rai lenone tiha Jesosone
1Nii baihate Calileea conemuri jeraque cuha Jesosone jana, 2sacuha cuure arajiin cachaauru, cunaitenacaauru rautaane coaracuruhane jaun.
3Nii janate cuu atane ucuuno choae iniin nelauriariin lauheque Jesoso, aina nerelanaa nichaanune aina, 4Jorioocuru beseta Fasocoa catainajeein.
5Nii jaunte arajiin turuuruha cachaaurune jaun: “Chu lenone coreterihacache, caa arajiin cachaauru rai”, naain bajae Ferifi rai Cana Coaunera Calaohi Jesoso. 6Niicha ichaneni coitucuha natiinte bajae Jesoso Ferifi caje, “Toohanrichaaincha”, naain.
7Niritiin bajaane jana: “Coroata fashai janoniane amihanenaa core jeeoneein faan coretichaachene niha natiin coatiha caa arajiin cacha naineriheita”, naa Ferifine baihate:
8-9“Caute ne caa canaanai rai saoquijieein faan, nii baiha coroatajaain ate, naaonjoaain niqui, nete caa araainei cacha nainenere carijiei”, naa nii Simoon Fedoro ocoala Anderesine jaunte:
10“Saan. Acaauru rai aitocuchete nelauriaauruhine satiin”, naa Jesosone jaunte:
“Nii omane choae nelauriaauchera”, naauruhane jana, nelauriaaure nii saoqui oaraancai quichaauru nejesina, enecuru, canaanaihuru, naaojoain janijilanaana.
11Nii janate nii faan teberiaain: “Nariha”, naain Cana Coaunera bajaane baiha, nii aina nerelanaa nichaanune rai nii faan te Cana Coaunera Calaohi Jesoso, chaluhacaanune coina. Chaluhacaanune janate, nii saoqui oharaancai cacha naine nii faan. Jerichanejeein techu nainecohanajae nii ate.
12Nii janate, inaeneeuruhane jana cautihane jaun: “Caa caute curujuaain raauche nijiaohane coataa”, naa Jesoso, aina nerelanaa nichaanune raine jaun, 13curuhacaanune janate ne, lechoonca coroata omariin faan caute. Nitohaneeinte caute, nii saoquijiei faan nefaain.
14Nii coaraainte: “Caate caa chauratane que turuha uha niicha jerecuri Cana Coaunera letono canaacha cohajeinecaihara”, naaure cachaauru.
15Nii jaunte jataain acaauru curuaanaa reey neein Jesoso tenaa jereein, counujueein amanaa jerecuruhane coarajihane jaun, acaauru que janoriin amue rautaenihane jaun. Nitohaneeinte acaauru que janoriin amuhin, atane ucuuno que iniha cue Jesoso, cuu jelai basiinjiin neeorihane coina.
Acau choae amuha Jesosone
16-17Nii janane, inae nocohecane jaun, jaiti turueniha Jesoso atane ucuuno cajena jaun, fauha cuhacaanu. Fauhina, leinjiin bote cuhane naain jera jaoha cuhacaanu, Caferenaaon turuhacaanune coina. Nii janate inae nalaaquiin cuhin nocojoe. 18-19Nii janate, inae bote cuhane fauhin cuujihacaanune jana, canacaanu sacuha uhe Jesoso, acau choae rurujueein uhin. Nitohaneeinte acau choae uhin canacaanu rohan nichuuntaain, nii acau jiheeitohane jana, fichafichanaa tabai nihane jana, nii bote nalaaene amuniha canacaanu rai janate coaracaanune jana, tajiha acau choae uhin rurujue, nii bote nichaae uhin. Nii jaunne coasiha nesoonetohacaanune janate:
20-21“Coa nesoonetohachera. Canune aihunra”, naane jaun, que tacaain coroajeein, nii bote cuhane fauhin amaacaanu. Nii janana cohaneeoriin turutoha cuhacaanu canacaanuhacha coinetihu.
22Nii cojoanoote, acaihanejein satononiha jera jaoha cunaa bote cuhane fauhin jera jaoha cuhacaanune jana, canaacaanu aina uheniha Jesosone jaun, nii que ereerecure. 23Nii jana jetaote, Tiberia nese caje uhin turuha uhe leinjiin bote. Turuhin jetaote, najauriha uhe nii Cana Coaunera bajaain niicha tei faan quihuruha najaan rohan. 24Nii jana cuu nenihacaanune jana, Jesoso netonai niha natiin nenihane jaun, nii bote cuhane nefaujuaain cuhin, nii nihacaanune jaaun Caferenaaon turuhin ariha uure.
“Ichaonaa esine tera lenoneneeinne neeun”, naa Jesosone
25Nii janate jera jaohin coaraa uuruhane jana, cuu nii Caferenaaon ne Jesoso. Nii jaunte rai: “Chabana cau turuhite cacha relaera”, naauruhane janate:
26“Nii quiicha ichai coaraquiche natiin, ‘Naaojoain caara’, naain inara suujuau erenaa coacuelanaala, nainaain obejeein lenonequichene jaunte cariirijieeiche”, naainte, 27“Coa sanaa inaera lenone corenihacha amihanihache. Acaihanejein ichaonaa tera chabana sanaachara nejeein lenone coreniha amihaneeuche. Nii nitajenaachara nejeein niha cacha najaan lenone tihanune coinate caletoae Ofa Cana Coaunera. Canune inaraacha cohajei Cacha Calaohi ineeunra”, naa Jesoso acaauru rai janate:
28“Chatohaneein nerichaanu Cana Coaunera jerenohi ichacaaunne coina”, naain bajaauruhane janate:
29“Caa niicha letoai nichaaunne esenetaaichenete jere Cana Coaunera”, naa Jesosone janate:
30“Chatohanaina ichaain canacaanu notaareei, coaraain esinaaen rauhijiriin Cana Coaunera letononeeine esenetaacaanune coina. 31Carene tabai que amuhemuhecuruha najaaun jetaote, neniha lenonene jaun jetao, dede caje faan rijijieein nenaa manaa neein curuajaain nenaa que jetao ichaohin amuhemuherejetocurelu canacaanu inoaesihuru. Nitohaneein jetaote, neniha lenonene jaun, ‘Dede caje nenaa faan rijijieein nenaa manaa te Cana Coaunera’, naa Cana Coaunera Quiricha inoaesi cuhane”, naauruhane jaunte:
32“Coatiha Moisesa nii dede caje nenaa faan manaa tihei. Acaihanejein Ofa Cana Coauneraachate nii dedeeu nenaa faan esine teraneein ne. 33Nii Ofa Cana Coauneraacha tei faante turue caa chauratane que, cachaauru rai ichaonaa chabana nitajenaachara nejeein nenaa terane que”, naa Jesosone jaunte:
34“Atiin canacaanu rai inetono janonaa bana, nii faan que canacaanu sihura curuaanaa”, naauruhane janate:
35“Canune cacha rai ichaonaa tera faan neein neeun. Cha teeinte carene uhe aca mijiteriaain. Cha teeinti quesenetae, aca cocoireriaain. 36Nete inara rai aitocoaaunne esenetaeneeiche, inara nota que quiicha ichai coaraquiche natiin.
37Satiin Ofa Cana Coauneraacha letoaite carene uhe. Nii jaunna carene uhi nihane sitaenereeunni.
38Coatiha quiicha ichana jerei ichacaaunne coina, dede caje uhin turuha uhaaun caa chauratane que. Acaihanejein caletoaera Ofa Cana Coauneraacha jerei ichacaaunne coinana cau turuun. 39Nabana nitajeeuruha cachaaurune coataate caletoae Ofa Cana Coaunera. Nii jaunna satiin nii carai niicha teeuri cachaauru ichateein michunajaa cureeunni inae saa cana janonaane bana.
40Nii Cana Coaunera Calaohi coaracuruhane esenetaauruha satiin cachaaurunete jere caletoaera Ofa Cana Coaunera, chabana nitajenaachara nejeein nenaa ichaonaa raa esenetaeraaurune coina.
Nii jaunna inae saa cana janonaane bana ichateein michunajaa cureeunni”, naain acaauru tonorae Jesoso. 41Niritiinte, “Canune dede caje faunaa faan neeunra”, naa Jesosone jaun nocoeje chanuure Jorioocuru.
42Nitohaneeinte ita rai: “Ta Jose calaohi Jesoso niha caane. Raotojoeein inaca, neba, naaojoain coitucuhacache natiin, dede caje faunaa nereta”, naauruha ita rai Jorioocurune janate:
43“Inae canu nocoeje chanuhichene jianecuchera. 44Chunei carene unaa nainihei, nii jereein neniha caletoaera Ofa Cana Coaunerane. Inae saa janonaane banana nii carene uhine ichatiha cureeunni. 45‘Satiinte relareein Cana Coaunera’, naa Cana Coaunera ere beracuru noaensiuruhacha laenai quiricha cuhane jaunte, satiin Ofa ere aonaain tonoraain que nerelanacaaurune, carene ureeincha.
46Chabana Ofa coaraai chunei. Acaihanejein canuhachane coaraaun caje unaa nichaaunne jaun.
47Esinaena rauhijiriin aitoreeunni. Quesenetaerate ichaonaa chabana nitajenaachara nejeein nenaa raa cureein.
48Canune ichaonaa chabana nitajenaachara nejeein nenaa tera lenoneneein neeunra.
49Neniha leinjiinejein cacha najaaun carene tabai choae amuhemuhecuruha inara inoaesihurune janate, que ichaaoruhane coina cojoanoo netojoeein manaa neein curuajaain nenaa quinacai nalae Ofa Cana Coaunera, que ichaaoruhane coina. Nete, satiin oore nii quihurera inara inoaesihuru inae binaaneein. 50Canune dede caje faunaa lenone neeun. Nii faan nichaaunne quicha, chabana orihaain. 51Canune nii lenone neein dede caje faunaa neein neeun. Nii lenone que ichaohin neite nirijijieein nitajenaachara nejeein niha cureein.
Nii lenone quiicha tenaa jereite, cajabereonneein ne. Acane tiha cureeunni, que ichaohin neeuruha caa chauratane que nenacaaurune coina”, naa Jesosone janate:
52“Chatohaneeina rai jaberoco que cana coroaatere”, naain nejesinajeein ita cotaicha rijitocure Jorioocuru.
53Nii jaunte: “Esinaena rauhijiriin aitoreeunni inara rai. Canune Cana Coaunera Calaohineein, jelai Cacha Calaohineein inaraacha cohajei ineein neeun. Cajabereeon quiin cacoichana coheneeichene, nihei ichaonaa esine ranaa nainiheeiche. 54Cajabereeon quiin cacoichana coerate, chabana nitajenaachara nejeein nenaa ichaonaa raa cureein. Acane, saa cana janonaane bana ichateein michuha cureeunni. 55Ichaonaa tera lenone esine neein niha cajabereeone janate, ichaonaa tera conacai ineein ne cacoichana. 56Nitohaneein cajabereeon quiin, cacoichana coerate, caniha jiniiquiin nereein. 57Nii caletoaera Ofa Cana Coaunerate ichaonaa siri. Nii jaunna que ichaohin neeun. Nii rijijieein techu, cacoreniha ichaoha cureein caque lenoneein nei.
58Nii dede caje faunaa lenone quena aitoon. Coatiha nii inara inoaesihuruhacha quii manaa rijijieein nihei. Nii manaa quihuruha niqui inara inoaesihuru, nete satiin oore nii quihurera. Jana nii caitoonjoan dede caje faunaa lenone quiha cachanete, chabana nitajenaachara nejeein niha cureein”, 59naain relanajae Jesoso, Caferenaaon, acaauru rai sinacoca asaae netaojiaauruha Jorioocurune jana.
Nitajenaachara nejeein nenaa ichaonaa tera erenaa
60Caritiin relanajaa Jesosone jaunte: “Caaintatoha jataain caa naitoonjoan. Chate nere tonorare”, naauruha nii caaijie arajiin cunacaauru cachaaurune janate, 61aohanriin:
“Ta aihane carautaaichene. 62Toohareichecha, jauriaa nihanulune jaaun jelaiha iniha cuhanune coaraquichene. 63Caa quere aonaain esenetaeraaurute, chaelai janonaa bana nitajenereein. Jana, caa aitocoaunne esenetaelanaala erenaa tonoraauruhite, ichaoha jaberoco niha natiin, nitajiha cureein suujue. Cha que nelatihei cana jaberoco, cana suujue colane. 64Nete jaiti caa aitocoaunne jaan esenetaaurene inara tabaauru”, nae acaauru rai Jesoso, inae inoaelu caje coaauneein, “Acaauru acaaurute quesenetaenereein. Jana, acate naaonjoain cacolurujueein naaonjoain caeteratiha cureein”, naain coitucuhane jaun.
65Nii jaunte: “Nii jereniha Ofane, carene unaa nainihei chunei”, naa Jesosone caijiete, 66jianijihacoaaure nii arajiin aina nerelananichaanune aina amuhemuhenacaauru niritoha Jesosone jaun.
67Nii jaunte: “Inara netonaiha cajaohin caratiriin amuriquiche”, naain bajaa lechoonca coroatajai nichaanune cajene jana:
68“Ahan aihei. Chuna nenacae curichaacaanu. Nii canacaanu relaaine jaan tejian nenacaaen ichaonaa chabana nitajenaachara nejeein nenaa teraneein ne. 69Canacaanune laaen ii esenetaacaanu. Nii jaunna acaihanejein Cana Coaunera Calaohi Curisitoneein neeine coitucuhacaanura”, naa Fedorone janate:
70“Canune lechoonca coroatajai nequichene cotijiaain raain neeun niqui. Nete, nii inara lechoonca coroataja nechu aansai moconajaeraneein ne”, nae Jesoso canacaanu rai. 71Nii Simoon calaohi Jodasi Isacariote quete aite Jesoso, aina nerelanaa nichaanune lechoonca coroataja niha natiin colurujuerichaain coitucuhane jaun.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2005, 2024, Wycliffe Bible Translators, Inc.