Genesis 24
24
Isaaᴋ nulianikpoᴋ.
1Abraha inutoᴋaulerpoᴋ, jâringit unuktôtilugit Nâlekablo saimauserpâ (ilinganingine) tamaine.
2Abrahablo oᴋautivâ kivgarne, iglomine inutoᴋaunerpaujoᴋ, pimaklerteojoᴋ perᴋutinginik tamainik: Aggatit sibviamnut illikit,
3Nâlegarlo ᴋilaub Gûdinga nunablo Gûdinga taivlugo angermarikkinga, ernimnut nuliaksarsinianginavit Kânaanib panninginit nunaᴋatigijamnit.
4Inôlervigijamnulle illamnullo ingerganiarpotit, taikangat ernera Isaaᴋ nuliaksarsivlugo.
5Kivgab oᴋautivâ: Arnable maligomangipanga nunamut mattomunga? ernît uttertitaksarivigô tagva nunamut ipsomunga ᴋemaktarnut?
6Abrahab oᴋautivâ: Taimailitailigit, ernera uttertitaksaringilat taikunga!
7Nâlekab, ᴋilaub Gûdingata atâtama iglunganit inûlervimnillo aulartingmanga oᴋarvigivlungalo angermariklungalo, oᴋarlune: Kinguvâksarnut nuna tamanna tunijomavara; tâpsoma engeline sivunikkut tillilârpâ, taikangallo ernera nuliaksarsilârpat.
8Arnable maligomangipattit, uvamnut angernivit ilingavigijungnairniarpâtit. Kissiane ernera uttertitaksaringilat taikunga.
9Tagva kivgab aggane illivait angajoᴋâme sibvianganut, angervigivlugolo tamattominga.
10Kivgablo kamêlit tallimaujortut, angajoᴋâme kamêleᴋotingita illangit tiguvait aularlunelo, sunatuinaillo angajoᴋâme perᴋutingit naksarlugit. Aularlunelo ingergavoᴋ Mesopotâmiamut, Nahorib iglugasaksoanginut.
11Iglugasaksuillo sillatâne kamêlit aᴋopitipait imeᴋtarviub sannianut unnungmat, arnallo imeᴋtarvigivaktangat nalliutingmat;
12Oᴋarlunelo: Nâlegaᴋ, Gûdeojotit angajoᴋâmnut Abrahamut, tikkitautilaulangatôᴋ uvlome, nâpkigosungnîllo saᴋᴋertilauruk angajoᴋâmnut Abrahamut!
13Takovarma imeᴋtarviub sanniane ᴋikkartunga, iglugasaksuillo inungita panningit annilârput imeᴋtariartorlutik.
14Uigasuillo illanganut oᴋaleruma: Imeᴋtautit manileruk imertilungalo; — tâmnalo oᴋarpat: Imilaurit, kamêliᴋotitittauᴋ imertitsomagivakka; — tâmnale piksaurᴋojat kivgarnut Isaamut, taimaglo ᴋaujititauniarpunga, nâpkigosungnermik saᴋᴋertitsigavit angajoᴋâmnut.
15Oᴋautsit makkoa nârᴋârnagit sulle, sunaubva, Rebekka ᴋailerpoᴋ, Betuelib panninga, Abrahab nukangata Nahorib nuliangata Milkab erningata panninga, imeᴋtautine tuimiklugo.
16Inôsuktorlo tâmna kênatsiarikpoᴋ, uigasuk, angumiglo sulle aipaksarsilungitoᴋ. Tâmna attersârpoᴋ imeᴋtarvingmut, imeᴋtautinelo ullipkinamiuk, majoralerivoᴋ.
17Kivgab tagva aᴋpangerdlune pâriartorpâ, oᴋarlunelo: Imeᴋtautingnit imigalâlangatôᴋ!
18Oᴋautivâ: Imilaurit, Nâlegara! Imeᴋtautinelo aggangminut aᴋᴋartisârpâ imertilâllo.
19Imertijarêramiuglo oᴋautivâ: Kamêleᴋotitittauᴋ imertitsomagivakka, imerugungnairtilugit.
20Tuavilunelo imeᴋtautine kovivâ imervinginut, ammalo imeᴋtarvingmut aᴋpangerlune imeᴋtarivoᴋ, kamêleᴋotingit tamaita imertilugit.
21Angutiblo tattaminiarivâ nippeᴋaranele, ᴋaujijomavlune ingergarnine sullitsiartitaungmangât sullitsiartitaungimangâllônêt Nâlekamut.
22Kamêlit ilûnatik imerêrmattale, angutib ᴋingarmiutaᴋ goldeojoᴋ, sêkelib ᴋoppangatut oᴋumaitigijoᴋ, tallermiutaglo magguk, sêkeletut goldetut tallimaujortotut oᴋumaitigijuk tiguvait,
23Oᴋarlunelo: Kia pannigivâtît? Oᴋautilaungatôᴋ! Atâtavit iglungane siniktarviᴋarungnaralloarᴋitâ?
24Oᴋautivâ: Betuelib pannigivânga, Milkab erningata, Nahorimut erniarilauᴋtangata.
25Amma oᴋautivâ: Ivît nerᴋiksallo amigalungilat uvaptingne, siniktarviksaᴋatsiarpoᴋtauᴋ.
26Tagva angutib okkungalerlune Nâlegaᴋ opigidlarpâ,
27Oᴋarlunelo: Nâlegaᴋ, angajoᴋâma Abrahab Gûdinga, nakorijaule, nâpkiningnine mikseᴋârninelo angajoᴋâmnut allalungimagik. Uvangalo Nâlekab nangmineᴋ tassiorpânga apᴋome angajoᴋâma nukangata iglunganut.
28Uigasuglo aᴋpangerpoᴋ, tamakkoalo tamaita oᴋautigijartorpait anâname iglungane.
29Rebekkalo anneᴋarpoᴋ Lâbanemik attelingmik. Lâbanelo aᴋpangerpoᴋ imeᴋtarvingmut, angumut tâpsomunga,
30Takogamigit ᴋingarmiutaᴋ tallermiutaglo najarme tallîgingne, tussalaitalo Rebekkab najarme oᴋausingit, unipkârmat: Imâk oᴋautivânga angutib taipsoma. Tikkinamiuglo angut imeᴋtarvingme ᴋikkartoᴋ, kamêlit sanniane, —
31Oᴋautivâ: Itilaurit, saimausertaujotit Nâlekamut! Sôᴋ sillame ᴋikkarᴋêt? Iglo pijarêrpara, kamêliᴋotitillo iniksarsiormivlugit.
32Tagva angut iglomut iterpoᴋ; kamêlillo anudjarpait, ivingnik nerᴋiksaniglo tunitjivigivlugit. Imermiglo ᴋaitsivut, tâpsoma ingergaᴋatingitalo ittigangita ubvartaujutiksanganik.
33Nerᴋiksallo sâmiutivait tâpsomunga. Tâmnale oᴋarpoᴋ: Nerrijomangilanga oᴋarᴋârnanga perᴋojaunimnik. Oᴋarporle: Attê, oᴋalerit!
34Oᴋarpoᴋ: Abrahab kivgarivânga.
35Nâlekablo angajoᴋâra saimausidlarpâ angijorortilugolo, saukaniglo, tuktuvangniglo, silberemiglo, goldemiglo, kivganiglo angutinik, kivganiglo arnanik, kamêliniglo, siuterᴋortojuniglo tunitjivigivlugo.
36Saralo, angajoᴋâma nulianga, ernermik ernilauᴋpoᴋ angajoᴋâmnut, inutoᴋaugalloarame. Tâpsomunga tunivait perᴋutine tamaita.
37Angajoᴋâmalo angerᴋovânga ingminut, oᴋarlune: Nuliaksarserᴋongilagit ernimnut Kânaanib paninginit nunaᴋatigijamnit:
38Atâtamale iglunganut illamnullo ingergavlutit ernera nuliaksarsijaksarivat.
39Uvangale angajoᴋâmnut oᴋarpunga: Arnable maligomangipanga, ᴋanoᴋ tagva?
40Oᴋautivânga: Nâlekab saᴋᴋâne arvertarpunga: tâpsoma engeline illaurᴋolârpâ illingnut ingergatsiartilutillo, nuliaksarsijungnarᴋovlutit ernimnut illamnit, atâtamalo iglunganit.
41Angernivit ilingavigijungnairniarpâtit illamnut tikkikuvit; angerutiginagolo ᴋippilukpatit, angernivit ilingavigijungnairniarpâtit.
42Uvlome imeᴋtarvingmut tikkinama, oᴋarpunga: Nâlegaᴋ, Gûdeojotit angajoᴋâmnut Abrahamut, tamaunga ingergarama, ingergarnera sullitsiartitauletôᴋ illingnut!
43Takovarma, tamâne imeᴋtarviub sanniane ᴋikkartunga, uigasungmiglo anijoᴋarpat imeᴋtariartortomik, oᴋarvigigupkolo: Imeᴋtautingnit imigalâlangatôᴋ!
44Taimnalo oᴋarpat: Imilaurit, kamêliᴋotitittauᴋ imertitsomagivakka; — tâmnaule arnaᴋ Nâlekab piksaurᴋojanga angajoᴋâma erninganut.
45Oᴋautsit makkoa nârᴋârnagit sulle ômatipkut, sunaubva, Rebekka ᴋaivoᴋ, imeᴋtautine tuimiklugo, atersalerporlo imeᴋtarvingmut imeᴋtarlune. Tagva oᴋautivara: Imertilaunga!
46Imeᴋtautinelo aᴋᴋartisârpâ tuiminit, oᴋarlunelo: Imilaurit, kamêliᴋotitittauᴋ imertitsomagivakka. Imeramalo kamêlittauᴋ imertinivait.
47Apperigapko oᴋarlunga: Kia pannigivâtît? — kiovânga: Betuelib pannigivânga, Milkab erningata, Nahoremut erniarilauᴋtangata. Tagva ᴋingarmiutaᴋ illivara ᴋinganganut, tallermiutaglo tallîgingnut.
48Okkungavlungalo Nâlegaᴋ opigivara, Nâlegaᴋ nakorivlugo, angajoᴋâma Abrahab Gûdingata tassiormanga apᴋome idluartome, angajoᴋâma ᴋatangutingata panninganik tiguserᴋovlunga erninganut.
49Illipsele saᴋᴋertitsijomagupse naglingermik nelâgornermiglo angajoᴋâmnut, ᴋaujitissinga. Pijomangikupselônêt, ᴋaujitilaungmisinga. Tallerpiublônêt saumiublônêt tungânut sâniarpunga tagva.
50Labaniblo Betueliblo kiovâk oᴋarlutiglo: Tamanna Nâlekamit pivoᴋ. Sumik oᴋarlunuk illingnut sapperpoguk, ajortomiglônêt ajungitomiglônêt.
51Tagga, Rebekka sângnêpoᴋ, tiguleruk ingergalutillo, angajoᴋâvit erninganut nuliaksaurᴋovlugo, sorlo Nâlegaᴋ oᴋarmat.
52Oᴋausingit tamakkoa Abrahab kivgangata tussaramigit, okkungalerpoᴋ nunamut Nâlekab sângane.
53Kivgablo perᴋutit goldeojut, perᴋutillo silbereojut, annorâllo, tiguvait Rebekkamullo tunivait. Anningale anânangalo pivianartunik tunitjivigigivak.
54Tagva nerrivlunelo imerpoᴋ angutit illagijane illagivlugit, siniktarpullo. Kaulermalle, makiput oᴋarporlo: Aularᴋolersingatôᴋ angajoᴋâmnut!
55Anningale anânangalo oᴋarpuk: Uigasuk uvlilerle sulle uvaptingne tallimaujortuniglônêt; kingorngane aulalârpotit.
56Oᴋautivaille: Agviarniarasinga, Nâlekab ingergarnera sullitsiartingmago. Aularᴋolersingatôᴋ, angajoᴋâmnut ingerarᴋovlunga.
57Oᴋarput: Uigasuk ᴋairᴋolavut tukisiniarlugo.
58Rebekkalo ᴋairᴋovât apperivlugolo: Angut una ingergaᴋatigijomaviûk? Kiovoᴋ: Ahaila, ingergaᴋatigijomavara.
59Tagva aularᴋovât Rebekka ᴋattangutitik pairijigijangalo, illautilugik Abrahab kivganganut ingergaᴋatinginullo.
60Rebekkalo pillorirᴋovât oᴋautilugo: ᴋattangutîk tausendeoᴋattartunik pijoᴋarle illingnit; kinguvâksavillo ômigijimik upkoaᴋsoangit perᴋutigiligit!
61Tagva Rebekka parngnailerpoᴋ, kivgane illagivlugit; kamêlinullo ikkinamik, angut malikpât. Kivgable Rebekka tigugamiuk, aularpoᴋ.
62Isaarle tikkisimavoᴋ “Omajub uvamnik takojub puilavinganit”; nunab seᴋerngane nunaᴋarame.
63Unnulermallo, pisukpoᴋ natername, issumaksarsiorlune. Arloramelo kamêlit tikkilertut takovait.
64Rebekkablo ârlorlune Isaaᴋ takogamiuk, kamêlemit aᴋᴋarsârpoᴋ.
65Kivgamullo oᴋarpoᴋ: Angut tâmna kinauvâ, pagrearluta naternakut pisuktoᴋ? Kivgaᴋ oᴋarpoᴋ: Tâmnauvoᴋ angajoᴋâra. Tagva kênailitaᴋ tiguvâ mattuvlunelo ingminik.
66Kivgablo Isaaᴋ pinialauᴋtaminik tamainik ᴋanoᴋ unipkârvigijartorpâ.
67Isaable Rebekka itertipâ anânagilauᴋtame Sarab tuppinganut, Rebekkalo illaliorlugo nuliarivâ nagligilâlo. Taimak Isaaᴋ manigortaulerpoᴋ anâname toᴋungata kingorngagut.
Одоогоор Сонгогдсон:
Genesis 24: LIHB08
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Labrador Inuttitut Heritage Bible © Canadian Bible Society, 2008.
Genesis 24
24
Isaaᴋ nulianikpoᴋ.
1Abraha inutoᴋaulerpoᴋ, jâringit unuktôtilugit Nâlekablo saimauserpâ (ilinganingine) tamaine.
2Abrahablo oᴋautivâ kivgarne, iglomine inutoᴋaunerpaujoᴋ, pimaklerteojoᴋ perᴋutinginik tamainik: Aggatit sibviamnut illikit,
3Nâlegarlo ᴋilaub Gûdinga nunablo Gûdinga taivlugo angermarikkinga, ernimnut nuliaksarsinianginavit Kânaanib panninginit nunaᴋatigijamnit.
4Inôlervigijamnulle illamnullo ingerganiarpotit, taikangat ernera Isaaᴋ nuliaksarsivlugo.
5Kivgab oᴋautivâ: Arnable maligomangipanga nunamut mattomunga? ernît uttertitaksarivigô tagva nunamut ipsomunga ᴋemaktarnut?
6Abrahab oᴋautivâ: Taimailitailigit, ernera uttertitaksaringilat taikunga!
7Nâlekab, ᴋilaub Gûdingata atâtama iglunganit inûlervimnillo aulartingmanga oᴋarvigivlungalo angermariklungalo, oᴋarlune: Kinguvâksarnut nuna tamanna tunijomavara; tâpsoma engeline sivunikkut tillilârpâ, taikangallo ernera nuliaksarsilârpat.
8Arnable maligomangipattit, uvamnut angernivit ilingavigijungnairniarpâtit. Kissiane ernera uttertitaksaringilat taikunga.
9Tagva kivgab aggane illivait angajoᴋâme sibvianganut, angervigivlugolo tamattominga.
10Kivgablo kamêlit tallimaujortut, angajoᴋâme kamêleᴋotingita illangit tiguvait aularlunelo, sunatuinaillo angajoᴋâme perᴋutingit naksarlugit. Aularlunelo ingergavoᴋ Mesopotâmiamut, Nahorib iglugasaksoanginut.
11Iglugasaksuillo sillatâne kamêlit aᴋopitipait imeᴋtarviub sannianut unnungmat, arnallo imeᴋtarvigivaktangat nalliutingmat;
12Oᴋarlunelo: Nâlegaᴋ, Gûdeojotit angajoᴋâmnut Abrahamut, tikkitautilaulangatôᴋ uvlome, nâpkigosungnîllo saᴋᴋertilauruk angajoᴋâmnut Abrahamut!
13Takovarma imeᴋtarviub sanniane ᴋikkartunga, iglugasaksuillo inungita panningit annilârput imeᴋtariartorlutik.
14Uigasuillo illanganut oᴋaleruma: Imeᴋtautit manileruk imertilungalo; — tâmnalo oᴋarpat: Imilaurit, kamêliᴋotitittauᴋ imertitsomagivakka; — tâmnale piksaurᴋojat kivgarnut Isaamut, taimaglo ᴋaujititauniarpunga, nâpkigosungnermik saᴋᴋertitsigavit angajoᴋâmnut.
15Oᴋautsit makkoa nârᴋârnagit sulle, sunaubva, Rebekka ᴋailerpoᴋ, Betuelib panninga, Abrahab nukangata Nahorib nuliangata Milkab erningata panninga, imeᴋtautine tuimiklugo.
16Inôsuktorlo tâmna kênatsiarikpoᴋ, uigasuk, angumiglo sulle aipaksarsilungitoᴋ. Tâmna attersârpoᴋ imeᴋtarvingmut, imeᴋtautinelo ullipkinamiuk, majoralerivoᴋ.
17Kivgab tagva aᴋpangerdlune pâriartorpâ, oᴋarlunelo: Imeᴋtautingnit imigalâlangatôᴋ!
18Oᴋautivâ: Imilaurit, Nâlegara! Imeᴋtautinelo aggangminut aᴋᴋartisârpâ imertilâllo.
19Imertijarêramiuglo oᴋautivâ: Kamêleᴋotitittauᴋ imertitsomagivakka, imerugungnairtilugit.
20Tuavilunelo imeᴋtautine kovivâ imervinginut, ammalo imeᴋtarvingmut aᴋpangerlune imeᴋtarivoᴋ, kamêleᴋotingit tamaita imertilugit.
21Angutiblo tattaminiarivâ nippeᴋaranele, ᴋaujijomavlune ingergarnine sullitsiartitaungmangât sullitsiartitaungimangâllônêt Nâlekamut.
22Kamêlit ilûnatik imerêrmattale, angutib ᴋingarmiutaᴋ goldeojoᴋ, sêkelib ᴋoppangatut oᴋumaitigijoᴋ, tallermiutaglo magguk, sêkeletut goldetut tallimaujortotut oᴋumaitigijuk tiguvait,
23Oᴋarlunelo: Kia pannigivâtît? Oᴋautilaungatôᴋ! Atâtavit iglungane siniktarviᴋarungnaralloarᴋitâ?
24Oᴋautivâ: Betuelib pannigivânga, Milkab erningata, Nahorimut erniarilauᴋtangata.
25Amma oᴋautivâ: Ivît nerᴋiksallo amigalungilat uvaptingne, siniktarviksaᴋatsiarpoᴋtauᴋ.
26Tagva angutib okkungalerlune Nâlegaᴋ opigidlarpâ,
27Oᴋarlunelo: Nâlegaᴋ, angajoᴋâma Abrahab Gûdinga, nakorijaule, nâpkiningnine mikseᴋârninelo angajoᴋâmnut allalungimagik. Uvangalo Nâlekab nangmineᴋ tassiorpânga apᴋome angajoᴋâma nukangata iglunganut.
28Uigasuglo aᴋpangerpoᴋ, tamakkoalo tamaita oᴋautigijartorpait anâname iglungane.
29Rebekkalo anneᴋarpoᴋ Lâbanemik attelingmik. Lâbanelo aᴋpangerpoᴋ imeᴋtarvingmut, angumut tâpsomunga,
30Takogamigit ᴋingarmiutaᴋ tallermiutaglo najarme tallîgingne, tussalaitalo Rebekkab najarme oᴋausingit, unipkârmat: Imâk oᴋautivânga angutib taipsoma. Tikkinamiuglo angut imeᴋtarvingme ᴋikkartoᴋ, kamêlit sanniane, —
31Oᴋautivâ: Itilaurit, saimausertaujotit Nâlekamut! Sôᴋ sillame ᴋikkarᴋêt? Iglo pijarêrpara, kamêliᴋotitillo iniksarsiormivlugit.
32Tagva angut iglomut iterpoᴋ; kamêlillo anudjarpait, ivingnik nerᴋiksaniglo tunitjivigivlugit. Imermiglo ᴋaitsivut, tâpsoma ingergaᴋatingitalo ittigangita ubvartaujutiksanganik.
33Nerᴋiksallo sâmiutivait tâpsomunga. Tâmnale oᴋarpoᴋ: Nerrijomangilanga oᴋarᴋârnanga perᴋojaunimnik. Oᴋarporle: Attê, oᴋalerit!
34Oᴋarpoᴋ: Abrahab kivgarivânga.
35Nâlekablo angajoᴋâra saimausidlarpâ angijorortilugolo, saukaniglo, tuktuvangniglo, silberemiglo, goldemiglo, kivganiglo angutinik, kivganiglo arnanik, kamêliniglo, siuterᴋortojuniglo tunitjivigivlugo.
36Saralo, angajoᴋâma nulianga, ernermik ernilauᴋpoᴋ angajoᴋâmnut, inutoᴋaugalloarame. Tâpsomunga tunivait perᴋutine tamaita.
37Angajoᴋâmalo angerᴋovânga ingminut, oᴋarlune: Nuliaksarserᴋongilagit ernimnut Kânaanib paninginit nunaᴋatigijamnit:
38Atâtamale iglunganut illamnullo ingergavlutit ernera nuliaksarsijaksarivat.
39Uvangale angajoᴋâmnut oᴋarpunga: Arnable maligomangipanga, ᴋanoᴋ tagva?
40Oᴋautivânga: Nâlekab saᴋᴋâne arvertarpunga: tâpsoma engeline illaurᴋolârpâ illingnut ingergatsiartilutillo, nuliaksarsijungnarᴋovlutit ernimnut illamnit, atâtamalo iglunganit.
41Angernivit ilingavigijungnairniarpâtit illamnut tikkikuvit; angerutiginagolo ᴋippilukpatit, angernivit ilingavigijungnairniarpâtit.
42Uvlome imeᴋtarvingmut tikkinama, oᴋarpunga: Nâlegaᴋ, Gûdeojotit angajoᴋâmnut Abrahamut, tamaunga ingergarama, ingergarnera sullitsiartitauletôᴋ illingnut!
43Takovarma, tamâne imeᴋtarviub sanniane ᴋikkartunga, uigasungmiglo anijoᴋarpat imeᴋtariartortomik, oᴋarvigigupkolo: Imeᴋtautingnit imigalâlangatôᴋ!
44Taimnalo oᴋarpat: Imilaurit, kamêliᴋotitittauᴋ imertitsomagivakka; — tâmnaule arnaᴋ Nâlekab piksaurᴋojanga angajoᴋâma erninganut.
45Oᴋautsit makkoa nârᴋârnagit sulle ômatipkut, sunaubva, Rebekka ᴋaivoᴋ, imeᴋtautine tuimiklugo, atersalerporlo imeᴋtarvingmut imeᴋtarlune. Tagva oᴋautivara: Imertilaunga!
46Imeᴋtautinelo aᴋᴋartisârpâ tuiminit, oᴋarlunelo: Imilaurit, kamêliᴋotitittauᴋ imertitsomagivakka. Imeramalo kamêlittauᴋ imertinivait.
47Apperigapko oᴋarlunga: Kia pannigivâtît? — kiovânga: Betuelib pannigivânga, Milkab erningata, Nahoremut erniarilauᴋtangata. Tagva ᴋingarmiutaᴋ illivara ᴋinganganut, tallermiutaglo tallîgingnut.
48Okkungavlungalo Nâlegaᴋ opigivara, Nâlegaᴋ nakorivlugo, angajoᴋâma Abrahab Gûdingata tassiormanga apᴋome idluartome, angajoᴋâma ᴋatangutingata panninganik tiguserᴋovlunga erninganut.
49Illipsele saᴋᴋertitsijomagupse naglingermik nelâgornermiglo angajoᴋâmnut, ᴋaujitissinga. Pijomangikupselônêt, ᴋaujitilaungmisinga. Tallerpiublônêt saumiublônêt tungânut sâniarpunga tagva.
50Labaniblo Betueliblo kiovâk oᴋarlutiglo: Tamanna Nâlekamit pivoᴋ. Sumik oᴋarlunuk illingnut sapperpoguk, ajortomiglônêt ajungitomiglônêt.
51Tagga, Rebekka sângnêpoᴋ, tiguleruk ingergalutillo, angajoᴋâvit erninganut nuliaksaurᴋovlugo, sorlo Nâlegaᴋ oᴋarmat.
52Oᴋausingit tamakkoa Abrahab kivgangata tussaramigit, okkungalerpoᴋ nunamut Nâlekab sângane.
53Kivgablo perᴋutit goldeojut, perᴋutillo silbereojut, annorâllo, tiguvait Rebekkamullo tunivait. Anningale anânangalo pivianartunik tunitjivigigivak.
54Tagva nerrivlunelo imerpoᴋ angutit illagijane illagivlugit, siniktarpullo. Kaulermalle, makiput oᴋarporlo: Aularᴋolersingatôᴋ angajoᴋâmnut!
55Anningale anânangalo oᴋarpuk: Uigasuk uvlilerle sulle uvaptingne tallimaujortuniglônêt; kingorngane aulalârpotit.
56Oᴋautivaille: Agviarniarasinga, Nâlekab ingergarnera sullitsiartingmago. Aularᴋolersingatôᴋ, angajoᴋâmnut ingerarᴋovlunga.
57Oᴋarput: Uigasuk ᴋairᴋolavut tukisiniarlugo.
58Rebekkalo ᴋairᴋovât apperivlugolo: Angut una ingergaᴋatigijomaviûk? Kiovoᴋ: Ahaila, ingergaᴋatigijomavara.
59Tagva aularᴋovât Rebekka ᴋattangutitik pairijigijangalo, illautilugik Abrahab kivganganut ingergaᴋatinginullo.
60Rebekkalo pillorirᴋovât oᴋautilugo: ᴋattangutîk tausendeoᴋattartunik pijoᴋarle illingnit; kinguvâksavillo ômigijimik upkoaᴋsoangit perᴋutigiligit!
61Tagva Rebekka parngnailerpoᴋ, kivgane illagivlugit; kamêlinullo ikkinamik, angut malikpât. Kivgable Rebekka tigugamiuk, aularpoᴋ.
62Isaarle tikkisimavoᴋ “Omajub uvamnik takojub puilavinganit”; nunab seᴋerngane nunaᴋarame.
63Unnulermallo, pisukpoᴋ natername, issumaksarsiorlune. Arloramelo kamêlit tikkilertut takovait.
64Rebekkablo ârlorlune Isaaᴋ takogamiuk, kamêlemit aᴋᴋarsârpoᴋ.
65Kivgamullo oᴋarpoᴋ: Angut tâmna kinauvâ, pagrearluta naternakut pisuktoᴋ? Kivgaᴋ oᴋarpoᴋ: Tâmnauvoᴋ angajoᴋâra. Tagva kênailitaᴋ tiguvâ mattuvlunelo ingminik.
66Kivgablo Isaaᴋ pinialauᴋtaminik tamainik ᴋanoᴋ unipkârvigijartorpâ.
67Isaable Rebekka itertipâ anânagilauᴋtame Sarab tuppinganut, Rebekkalo illaliorlugo nuliarivâ nagligilâlo. Taimak Isaaᴋ manigortaulerpoᴋ anâname toᴋungata kingorngagut.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Labrador Inuttitut Heritage Bible © Canadian Bible Society, 2008.