Matyu 21 मधील लोकप्रिय बायबल वचने

सामायिक करा

Kem kenawaike abon, kem God erne be wos womette, ere kemne kuyese newote. Jisas ere emne etep wom.

Jisas ere emne awosein etep wom. Kem ek met. Kem God eterwoune kenawaike abote, kem porere pes mane tete, ari tebekap kem kir tobote. Kem me erne wote, ere ek sate. Etepwou berai. Gwo kow erne kem etep wote. Kow, ne etek tetan okke warte. Etep wote, kow ere kemri wobekap ere kuyese etepke tete.

Eterken temenemem tatame, eterken tipti wumenem tatame eme noubke etepke wobetem. Eteke, Keryen Devit eteri nan ere nemne yan labe, nema eteri sig eisau wobe. God ere erne won yam. God ere erne yenbo nente. God ere nemne kobo labe, ere erne won yawo, erne yenbo nenye. Eme etepke noubke tebetem.

Lagalapitin waren, ere emne etep wom. Kiyi temenem tame eme God eri tuma etepke bas rasem. Areri ake e arenken tuma namdebe ake. Eme etep bas rasem. Kem etep beke tobo. Eteri akek kem kel pet yaku kerebe. Etep tebe, eteri ake e sir pet tame etemri berasen sibe akekap. Ere etep wom.

Ere etepke bas rasem. Ne Jerusalem komri tatame emne yin etep wote. Kemri Aneyen ere yabe. Ere apeilake etemri kerap beke wole. Ere donki yen eri magel luke siye elenke yabe. Kiyiri tuma wusoubetem tame ere etep bas rasem.

Jisas ere etep wom. Ari woye tuma e kiyi temenem tame etem bas rasem tumakap. Ete tuma kem lam o kem beke la? Eme etepke bas rasem. Tame eme ake kerebetem, eme kiyi sepitim kwat eteke sene peten ake kerem. Ete kwat e kobor nawo kwat yenbowai. Keryen God ere emne peteram, eke eme ete kwat sene peten yewom. Nema etep lan, nema wom. Keryen God ere yenbowai nenem. Kiyi eme etep bas rasem.

Jisas ere Juda tatame emne sene etep wom. An kemne wobe. God eri panen siten komke God ere kemne won keroukte, kemri etek tetan ake ere akeite tame emne newote. Eteri yaku kerebe tame ere emne newote.