Matiu 21 मधील लोकप्रिय बायबल वचने

सामायिक करा

“Makwam ñɨŋ God nugw pön, nugwo yad nugwöñ aku, rɨg yajöñ mag akwör cönɨŋö,” röŋa.

Aliö rɨmɨn, Jisas ñɨgö yadöŋa, “Nɨ ñɨgö mi yadmɨdla, an yadɨŋ God algör ör cönɨŋö, rön kwönö, rɨb mös yöxmɨjeñ, rɨb paŋyöbö iör yöx nugwöñ aku, cöna. Makwam bɨ kaucö wöröxöŋa akwör yöi; önöŋ ajmag pɨd dib kɨ kɨrɨrɨ rɨp röbö yuö mibɨl dib kwo duö, cöñ aku, diöna.

Nöbö mö akuyöbö Jisas nugwo pɨ mibɨl nɨg du gɨrön aja halön yadmä, “Nugwi! Depid yöxɨm yöxɨp hön yöx aku, hömɨd mɨk. Nugwo wä rö rɨmɨdöla! Nöbö Diba nugwo agal abmɨn hömɨd nöbö mɨk, nugwo wä rö rɨmɨdölɨŋö!” rɨmä.

Akuyöbö alön ñɨgö yadyöxön yadöŋa, “God Mönö kai kɨtim aku, God yadöŋa, ‘Ram na aku nɨ höjöpalɨb rama, jɨ ñɨŋ alöi aku, nöbö ap kib pɨb ram i röxgö,’ rö,” röŋa.

“Jerusalem nöbö mö ñɨŋ yajöña, ‘Kiŋ nöbö höimölɨb ñɨŋ aku, hön donki rola römɨdön, ñɨgö hömɨda. Nuŋ hön donki ha rol aku römɨdön hömɨdö,’ cöñɨŋö,” röŋa.

Aliö rɨmɨn, Jisas yadöŋa, “God Mönö kai kɨtim aku nugwölöiŋödö. Ñɨŋ kai kɨtön yadmä, ‘Nöbö ram urɨb bla, ñɨŋ rɨg ram urɨba rön, rɨg i pön yadmä, “Rɨg kɨ rɨg gwogwo gɨ röböxnɨŋö,” rɨmä. Makwam Nöbö Diba nuŋwör rɨmɨdmɨn, rɨg akwör ram nuŋwa mɨ rɨg wä mɨdö mɨda. Nöbö Diba nuŋ akuyöbö almɨdmɨn, an nugwön aiö waiö rɨmɨdölɨŋö,’ rɨmä.

“Rɨg waiö röböxöi aku, God ñɨgö Juda ada röböxön, nöbö mö hör akuyöbö, ap nugwo nölɨba nöiöñ akuyöbö, ñɨgö pön nugwidɨx mɨjöna.