Nya-mangaji Mirningiya Jujiba 45 मधील लोकप्रिय बायबल वचने

सामायिक करा

“Barni-wardirrinja rra-nmaya nirru-wurdu kulu barni-wanantha! Kulu barninyamba-yunduyundumantha rra-nmaya wumba kanhirri-ja bajarnaji wabarrangu. Ngala kurdardi yirru kanhirri-janma marnajinju ngala yiwa ki-Yijandu ki-Kud karnili-ja marnajinju barra, ambuliyalu yirrunga barra, ngarna yabimanthawu barra awara yirrunga marda wudurruwu barra, ngarna barra ngulngundayawu nganinya wumba nuwarnu-wirndajkuwu, yirru nmanthalu lhungku, yirru yabirrinjawu nirru-manka.

Kurdardi yirru ngala yiwa. Yiwa barra karnili-yibarra wirdi marnaji. Yiwa kinga wirdi ambirriju ngathangka ngala ngarna ngulakari yilaa wirdi nyuwu-jawuthu ki-yumbulyumbumanthawu ki-awarawu, jarnini wirdi ngulakari yilaa alunga liyi-wuluwu liyi-jibiya Yijiba, alunga wiji.

Yiwa kalngiya ki-Yijandu ki-Kud, karnili-ja barra marnajinju yirrunga ambirriju. Kulu ngarna barra karna-ruwama yiku ki-Kud kangka karnili-yibarra wirdiwalangu marnaji nungkarnu-wirndajku, ngarna ngulngundayawu ma-ngarra alunga liyirrungaliyi-ardubirriyu kulu liyirrungaliyi-nganjingku, liyirrungaliyi-murimuribirriyu, kurdardi barra wirndajkirrinjawu nganinyaji barra kangka yiwa barra ki-Yijandu ki-Kud karnili-yibarra marnaji.

Kulu mili yurrulu ka-wukanyi alunga Jujiba liyikuliyi-babawu, “Marrirru, kirna-barlirra. Kawa rru-wingkaya wunumbarra ngathangkalu!” Kulu kalu-wingka barra yilalu wunumbarra. Kulu mili yurrulu ka-wukanyi, “Ngarna kalngiya Jujiba nyirrunga-anyira wumba kanhirri-jilima wabarrangu linji-ja aluwalu, karnala-ka karakarra wabarrangu, jilimanthalu marnaji Yijiba, kulu marningarna barra.

“Marnarnaji barra jinangu lhabayi ka-wayarrinji barra. Kulu yurrulu mili kambala-nmala kurdardi ki-lhabayiyu kanymarda kulu kanymarda arrkula yurrujurru kiwa-nmala kurdardi ki-lhabayiyu.

Kulu yiwa barra Jujiba, ka-arri alunga liyikuliyi-babawu, “Kalngiya barra ngarna Jujiba. Kulu wayi barra wunyatha? Yabi bajiwa?” Ngala li-mangaji likili-baba, wumba kumbi-nu alunga kalngiya yiwa, kulu kalinyamba-kala nalu-mi, kulu kalu-ruwama yiku, kalu-wardanka barra kurdandu barra yiku, marnalu barra yilaa ki-Jujiba. Karnalu-linginma barra bajarnaji wabarrangu wumba kalu-wardimanthaninya awara yiku, bajarnaji barra kalu-wardanka nalu-wurdu yiku kurdandu. Kulu li-ja likili-baba, kurdardi barra kalinyamba-ngarninymanma yiku, kalinyamba-wama yiku wambu.