Ntha 8 मधील लोकप्रिय बायबल वचने

सामायिक करा

Nao andû arîa maarî na ûûgî wa kûringa ciama a Misiri, nîmaageririe ciama ciao nîguo kûgîe rwagî nwatî makîremwa. Rwagî rwecûrîte kûndû kuonthe. Nao andû acio maaringaga ciama a Misiri nîmeerire mûthamaki atîrî, “Nî Ngai wîkîte ûndû ûyû.” Na wata ûrîa Ngai-Mûnene aaugîte, mûthamaki nîwatuîkire mûmû ngoro na akîrega kûthikîrîria Musa na Aroni.

Ngai-Mûnene nîwacokire akîra Musa atîrî, “Thiî kûrî mûthamaki na ûmwîre Ngai-Mûnene augîte atîrî, ‘Tiga andû akwa mathiî nîguo makangooce.

Nwatî rîrîa mûthamaki oonire atî ciûra nîikuîte, nîwaûmire ngoro rîngî wata ûrîa Ngai-Mûnene aaugîte na akîrega kûthikîrîria Musa na Aroni.

Ethîrwa nîûkûrega, nîngûverithia vûrûri waku na njîra ya gûtûma wîcûrwe nî ciûra.

Ngai-Mûnene nîwacokire akîra Musa atîrî, “Îra Aroni aringe nthî na mûragi wake, nîguo rûkûngû ruonthe rwa vûrûri wa Misiri rûtuîke rwagî.”

Nake Ngai-Mûnene nîwatûmire mîrumbî mînene ya ngi nyomba kwa mûthamaki na nyombarî cia anene ake na cia andû ake. Naguo vûrûri wonthe wa Misiri nîwacûkangire nîûndû wa ngi.