YOHANES 17 मधील लोकप्रिय बायबल वचने

सामायिक करा

Kakoạko i sire kětạeng tataghuaneng i Amang lumiu katěngadẹ̌; hengetang i Amang e kai katěngadẹ̌.

Kai ini e pẹ̌bawiahẹ̌ tutune ringangu kakalẹ̌, tadeạu i sai masingkạ i Amang mang sěmbaụ kụ Duata kahěngang, dingangu makạkiral᷊a su Mawu Yesus Kristus kụ nirolohʼi Amang.

Bal᷊inewe samatang tumbạu waugi sire ini e, Iạ měkẹ̌kal᷊iomaneng. Iạ mal᷊aing měkẹ̌kal᷊iomaneng baugu taumata apan měmpạngimang si Siạ e ual᷊ingu pẹ̌sasahiding sire ini e. Iạ e měkẹ̌kal᷊iomaneng, Amang, mal᷊owọko i sire kěbị e masěmbaụ, kerẹewe i Amang e nasěmbaụ dingang-Ku, kerene lai Iạ dingang i Amang. Mal᷊owọko i sire masěmbaụ dingang i Kitẹ, tadeạu dunia e mangimang u i Amang e kai rimolohʼu Iạ.

Iạ e tawe mẹ̌gausẹ̌ tadeạu i Amang měngal᷊ạ si sire wọu dunia ini e, kaiso kawe měgẹ̌gausẹ̌ tadeạu i Amang e paněntanudẹ̌ si sire wọu i Ral᷊akisẹ̌.

Iạ e seng bọu napakawantugʼi sire ringangu kawawantugu Ruata kụ seng nionggọ Siạ e, tadeạu i sire masěmbaụ, kerẹewe i kitẹ mal᷊aing sěmbaụ; Iạ dingangi sire, mase i Amang dingangu Iạ; tadeạu i sire mamben těngadẹ̌ sěmbaụ. Tangu dunia e makakasingkạ u kawe i Amang dimolohu Iạ e, dingangu i Amang kụkěndagʼi sire kere i Amang kụkěndagu Iạ.