TAUNET 15 मधील लोकप्रिय बायबल वचने

सामायिक करा

Ak kiiyan Jehovah; ak kiityi inendet imanda amu noto.

Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot.

Ak kiimut inendet kwo sang’, ak kolenji, Inyal kipsengwet, iit kecheik, ngo tos imuchi iit: ak kolenji, Tenitu choto lagoguk.

Keero, kiityi inendet ng’olyotab Jehovah kolenji, Ma tun namei chichi tuguguk; ago namei tuguguk ne mong’une bortang’ung’.

Ak kilenji Jehovah Abram, Nai anyun iman ile, egu lagoguk toek eng’ emet ne ma nenywa, ak koot ichek bichoto; ak konyalil ichek eng’ kenyisiek bogol ang’wan

Kole Abram, Ee Kiptaiyat Jehovah, igona nee, kawe kalilot amatinye lakwa, ak inendet ne tun indii tugukyuk ko Elieser ne bo Damasko?

Ak kiiyomisgei Jehovah betunoto ak Abram, kole, Kiagochi iyoteng’ung’ emoni, koboch ainetab Misri agoi ainet ne o, ne kiguure Euprate

Ak tun weegugei kogeny kobwanei yu eng’ ibinda ne bo ang’wan: amu tomo konyi tengektab Amorik.