प्रकटीकरण 11 मधील लोकप्रिय बायबल वचने

सामायिक करा

कारण त्याचवेळी सातव्या देवदूताने आपला रणशिंग वाजविला, त्याबरोबर स्वर्गातून अनेक प्रचंड ध्वनी झाले, त्या वाण्या म्हणत होत्या: “जगाचे राज्य आमच्या प्रभुचे आणि त्यांच्या ख्रिस्ताचे झाले आहे, ते युगानुयुग राज्य करील.”

राष्ट्रे तुमच्यावर क्रोधाविष्ट झाली होती; पण आता तुम्ही त्यांच्यावर क्रोधाविष्ट होण्याची वेळ आली आहे. आता मृतांचा न्याय करण्याची वेळ आली आहे, तुमचे सेवक संदेष्टे, तुमचे पवित्रजन आणि तुमच्या नावाचे भय धरणारे सर्व लहान थोर अशा सर्वांना पारितोषिके देण्याची, आणि पृथ्वीवर नाश करणार्‍यांचा नाश करण्याची वेळ आली आहे.”

आणि मी माझ्या दोन साक्षीदारांना घोंगडे पाट नेसून 1,260 दिवस भविष्य सांगण्यासाठी निवडणार आहे.”

पुढे साडेतीन दिवसानंतर परमेश्वरापासून येणारा जीवनदायी श्वास त्यांच्यामध्ये संचारला, तेव्हा ते आपल्या पायांवर उभे राहिले आणि ज्यांनी त्यांना पाहिले त्यांचा थरकाप उडाला.

त्यांच्या भविष्यवाणी करण्याच्या काळात पाऊस पडू नये म्हणून आकाश बंद करण्याचा त्यांना अधिकार देण्यात आला आहे; तसेच पृथ्वीवरील नद्यांचे व समुद्रांचे पाणी रक्तमय करण्याचा व त्यांना वाटेल तेव्हा आणि वाटेल तितक्या वेळा, लोकांत पीडा उत्पन्न करण्याचाही अधिकार देण्यात आला आहे.

ते दोन साक्षीदार पृथ्वीच्या प्रभुसमोर उभे असलेले “दोन जैतून वृक्ष” व दोन समया आहेत. आणि त्यांना कोणी अपाय करण्याचा प्रयत्न केल्यास, त्यांच्या तोंडातून अग्नी निघतो आणि त्यांच्या वैर्‍यांना गिळून घेतो आणि जर कोणी मनुष्य त्यांना अपाय करू इच्छील तर तो अशाप्रकारे मारला जाणे आवश्यक आहे.