Mataio 21 मधील लोकप्रिय बायबल वचने

सामायिक करा

Ma ko ho he mea lava e gogō atu ai koutou i te tatalo, ka vēnā lava oi maua e koutou, kāfai koutou e talitonu.”

Kae kua tali atu ia Iehu, “E lea atu au ki a te koutou, kāfai koutou e talitonu ma hē māhalohalo, e mafai e koutou oi fai te mea na fai e au ki te mati. E hē gata i tēnā, e mafai foki e koutou oi lea atu ki te mauga tēnei, ‘Fakamahiki ma togi ki loto o te tai,’ ma ka vēnā lava ona fai.

Ko te kaifenua nae havavali i mua o Iehu, ma ki lātou nae mulimuli mai i ona tua, kua taufai kālalaga, “Ke vīkia te Ataliki o Tavita! Ke fakamanuia e te Atua ki tē e hau i te igoa o te Aliki. Ke vīkia te Atua!”

Kua lea vē atu ia ki a te ki lātou, “E tūhia i nā Tuhituhiga Paia, ko te Atua na vāgana, ‘Ko toku fale ka takua he fale tatalo.’ Kae kua fai e koutou ma ana o tagata kaihohoa!”

“Lea ki te kakai o Hiona, Kikila, ko te koutou tupu e hau ki a te koutou! E loto maulalo ma e tiketike i luga o he āhini ma luga o he punua āhini poa, te punua a he āhini.”

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Kua toe vāgana atu ia Iehu, “Ko te mea ia e lea atu ai au ki a te koutou, ko nā fakamanuiaga e maua mai i te pule a te Atua ka kave kehe mai ia te koutou ma fōki ki nā mālō e ki lātou faia te finagalo o te Atua.”