Mataio 24 मधील लोकप्रिय बायबल वचने

सामायिक करा

Ona ko te tuputupu pea o te āmiokino, ka hē toe lagona ai e te tokalahi o tagata he alofa. Kae ko te tino e onohai pea lava ke pa ki te ikuga, ka fakaolagia.

Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.

Ka lagona e koutou te faitapiha mai o nā taua e pili mai ma nā fakamatalaga e uiga ki ni taua i nā mea mamao, kae ia koutou nahe mātataku. Ko nā mea iēnei e tatau lava ke tutupu, kae e hē vēake ai la ko te ikuga kua pa mai.

Ka hiki taua tētahi fenua ki tētahi fenua, ma tētahi mālō ki tētahi mālō. Ka i ei nā oge ma nā mafuie i nā koga kehekehe uma. Ko nā mea uma iēnei e vē lava ko nā tīgā muamua o he fafine e fānau.

E mou kehe atu te lagi ma te lalolagi, ka ko aku kupu e tūmau pea lava.

Auā e tokalahi nā tino ka ōmamai i toku igoa ma lea vē atu, ‘Ko au ko te Mehia,’ ma ka ki lātou fakahehēa te tokalahi o tagata.

“Oi ko koutou ka puke ma tuku atu ke fakahāuāgia ma tāmate. Ka inohia koutou e mālō uma o te lalolagi ona ko au. E tokalahi nā tino ka fakavāivai i to lātou fakatuatua i te taimi tēnā; ka fakalata e tētahi tētahi ma inoino tētahi ki tētahi. E tokalahi foki nā pelofeta pepelo ka huhula mai ma pelogia e ki lātou te tokalahi o tagata.

Kua tali atu ia Iehu, “Koutou ke mataala kae ke nahe fakahehēa ai koutou e he tino.

Ko te mea ia, ko koutou foki e tatau ke nonofo hāuni; auā ko te Ataliki o te Tagata e hau i he taimi e hē manatu koutou e hau ai.

“Koutou la ke mataala, auā e hē koutou iloa pe ko he ā te aho ka hau ai te koutou Aliki.

“Kae e hēai he tino e ia iloa, pe pa mai āfea te aho tēnā ma te itūlā — e hē iloa e nā agelu i te lagi oi hē iloa foki e te Ataliki; kae nā ko te Tamana oioti te ia iloa.

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

E vē ko nā mea na tutupu i nā aho o Noa, ka vēnā foki lava nā mea ka tutupu kāfai te Ataliki o te Tagata ka haele mai. Auā i nā aho ka ko hēki tupu te lolo, nae fai lava e tagata nā mea nae māhani ai; nae kakai ma inu, nae āvavaga ia tamāloloa ma fafine, ke pa lava ki te aho na fano ai ia Noa ki luga o te vaka; kae e hēki ki lātou iloa lele te mea kua tupu ke pa lava ki te taimi na hau ai te lolo ma tāfefea uma ai ki lātou. Ka vēnā foki lava nā mea ka tutupu kāfai te Ataliki o te Tagata e haele mai.