Yuanis 6 मधील लोकप्रिय बायबल वचने

सामायिक करा

Sumombuto yo Iyo nu, “Aku yo su ingkookan kowiau. Isai poimaid so Aku, dai yo witilon om lugangon koimbagu.

Rongowo muyu yo! Bang mutangar Aku nu mongokan nu onsi Ku om monginum nu raa' Ku, koorotian kotorima' nu Atod nu Kinoringan. Powiau-o po nu lobuw tu, Atod nu Kinoringan, om okon ko kiat so lobuw. Pinutangar Ku iiri kiat so Atod nu Kinoringan om koponaak nu kowiawan musingkolaid

Ikod kou yo pogkari'-kari' modium nu ingkookan nu osikap-a munos, nga pogkari'-kari' kou yo modium nu ingkookan dai munos om koponaak nu kowiawan obana om musingkolaid. Aku, Anak nu Riniba su monaak nu ingkookan oono so kou, so' tinaakan Aku nu Kinoringan nu kuasa monaak nu kowiawan oono,” koo.

Koinginan-o po ni Amo Ku, kiawi' lobuw poimaid so Aku taakan nu kowiawan musingkolaid, om luli'an Ku nosiro ong pongoowi'an-o nu wonuo tu,” koo.

Sumombuto yo si Yisus nu, “Itu yo su koinginan nu Kinoringan waalon muyu, ono yo poimaid kou yo so Aku, ono sinuu' nu Niyo no,” koo.

Kiawi' lobuw nitaak ni Amo Ku so Aku no, nosiro yo su poimaid so Aku, om isai poimaid, torima'on Ku ya.

Sumombuto yo si Simun Pitrus nu, “Oo Tuhan, isai po ka otoop waidon mai? Tinongaran Mu no yo su monaak nu kowiawan musingkolaid.

Aku yo su ingkookan kiat so surga kowiau musingkolaid. Isai kookan nu ingkookan oono, miau musingkolaid. Ingkookan nitaak Ku no, ono yo koyuwan Ku tu, nitaak Ku so lobuw so wonuo tu su' miau nosiro musingkolaid,” koo.

D'ado ido poimaid so Aku, ong okon-a ko si Amo Ku, ono minonuu' so Aku no su mongurug so iyo poimaid so Aku. Om isai poimaid so Aku, luli'an Ku ong pongoowi'an-o nu wonuo tu.

So' ingkookan nitaak nu Kinoringan-o, Iyo yo ono linumoga' kiat so surga no om monaak nu kowiawan so lobuw so wonuo tu,” koo.

Aku yo su ingkookan kowiau.

Olapo yo Niyo baang-baang-i om mongunsopoto yo so Kinoringan, om suuo yo Niyo mompomaid Niyo ri potayad-tayad so lobuw-i. Soko iri ya gama' Niyo nu pait-i, om kiawi' lobuw-i nga minongokan-o sono sampai nowasug. Nowosugan-o po lobuw suang-i, tongaro yo ni Yisus mompomaid Niyo ri nu, “Impugo muyu yo kiawi' olu'-olu' no, om kodi muyu yo odai pudi sabat-a,” koo.

Kiro-kiro opat intawa limo nokilumitor kinogowan nosiro, milok po om nosiou-o nosiro si Yisus mompanou so kulit nu sungoi-i sundur dii so nosiro. Linumaa' sono sobana nosiro, nga mutongaro yo Iyo nu, “Ikod kou kilaa'! Si Yisus Aku ya itu,” koo.