VPOM 6 मधील लोकप्रिय बायबल वचने

सामायिक करा

YHENSAIN ka nyang nyeisjvng thoq mas cangsoeu dius lyis kuot toh yvlyis auhuiq las nyah nhaiqlom mas kuk nyeis.

YHENSAIN ka nyeisjvng thoq mas cangsoeu dius lhung thank zis tsain kuot los yvlyis nyvng. Nyamoq ehnyet khau mha vjangh ma gis zis nghamh thuq nyeis.

Nghuot laus eq Noa gas YHENSAIN dah xikkhonh mas nyoqzons doeus.

Heika Noa dah diusjangh caiq cho nghuot. Noa gas nyah vcaiq bang mas dan, dyinghjet soeu nghuot. Noa gas Mangso yah dvgeh suh e.

Housoeh las YHENSAIN taiq zis gas, Ngos gvnkhanh toh dah dius, gaunyhauq gaudu yahge dang dah nghoq lyis nyeisjvng thoq masyah lhyang nyang mhont das: khasoeh ge lyis nyamoq lyis gvnkhanh gvng mas ngos auhuiq, ge.

Nyeisjvng thoq mas dius jebais zoh loh uhlyis, nyamoq gas nyelo jens nyoshoq khoeu los. Gywes so loloeu jens gas hau cangsoeu lonyi jens yungh yvlyis nyvng lyis nyamoq gas hauh bang lyis o khyvlyis khyen lha nyi tsain hwank. Hauh uhlyis YHENSAIN taiq zis gas, Dius gas suih shoh nghuot yvmvyah ngah dyos gas seq shei bang yah vcaiq vto ma yoh nyeis das. Housoeh las nyamoq dah buisnyeis gas dvxo aiqci zvn dvnghuot das, ge. Hauh buisnyeis lyis nyeisjvng thoq mas dam dius tsain nyeis. Hauh thang lhyi gywes so loloeu jens gas cangsoeu lonyi jens jyank mas los las nyamoq masyah loshang tsain bos. Nyamoq gas gohlhain nyings hoeuh dah thoeuqzoe jens nghuot.

Noa gas Mangso nyang lyis tying toh zis yah dvyhangteh dvnganh kuot.

Hauh uhlyis Mangso Noa lyis taiq zis gas, Suihshoh dvnganh lyis mhont das zis ngos nghamh thyet goeus. Khasoeh ge lyis hauh bang gvng mas nyeisjvng gas lhuot zo zis yah dyingh joq. Housoeh las, nyeisjvng yah dvgeh ngos nyamoq lyis mhont das.

Nah xiklyis Gofa saiq yah sangpho dvlom tsuk aq; houmha yvp tsain kat las vkhau yahge vthoq pheh eq saiqgyei yah juot aq.

Mangso ka nyeisjvng thoq mas yoeuh kat lyis, hauh zis gas dyoqbis goeus: khasoeh ge lyis suihshoh dvnganh gas nyeisjvng thoq mas nyamoq cho pheh dyoqbis loh.

Nvng yah dvgeh kang luiq das xiklyis dwis ya dwis dah gaunyhauq gaudu vja ja, vlus vzains dvzomh zomh sangpho mha yoeus kat aq.