मत्‍ति 24 मधील लोकप्रिय बायबल वचने

सामायिक करा

आसाति काम हेन्‍जाङ बार्‍हेनाङसिङ एमिभेनेङहेङ माया पालि लाअ्‌तावा। कालाउ बुङ न्‍हुअ्‌थिकापा थिर हिकालाइचाहिँ बान्‍चेपावा।

कालाउ सादेलको सारभिको इदोइ रेम्‍काबानाल दुनियाको गोताङ जात्‍यागेलाइता दासिको भाअ्‌सिङ हिम्‍पावा। इङकोन्‍हुअ्‌सो दोकादिना ल्‍वावा।

नेलाइ धुमगेलाइ जेङका रो धुमजेङका काथागेलाइ हिङस्‍वाना। माथिसु, इदोइ जेङलि दोङ गोयाङ, कालाउ बुङ दोकादिना ते इङको दोङ पहर माज्‍याङ।

हाइदोनु जात्‍याको खिलापता जात्‍या रो सारभिको खिलापता सारभि ल्‍होकावा। थामेथामेता आनिकाल रो भुइचाल हानावा। कालाउ बुङ इदोइ गोताङ तु:को थालनि खिनिङ ज्‍यावा।

आदेल रो सुमिङ मुअ्‌तेङ हानावा, कालाउ बुङ काङको कथन मुअ्‌तेङ मान्‍हावा।

हाइदोनु हेअ्‌मि काङको मिङर्‍हुतेङ ‘का ख्रिस्‍ट हिघा’ दोअ्‌तेङ लावा रो हेन्‍जाङहेङ आवाइपावा।

“कालाउ एम्‍बालाइ नेलाइहेङ रिमावा रो साजाइ पिलि चुमप्‍वावा, नेलाइहेङ सेअ्‌तावा रो काङको मिङको भाअ्‌सिङ गोताङ जात्‍याको द्‍याङगेलाइ नेलाइहेङ खानि माकिअ्‌तावा। इङको पहर हेन्‍जाङ ताइको खान्‍धुरहेङ लाअ्‌तावा। एमि भेनेङहेङ बाइमानि पातेङ सुमप्‍यावा रो खानि माकिअ्‌तावा। हेन्‍जा द्‍याङगेलाइ ‘का दोङ आगाधुइका हिघा’ दोअ्‌तेङ धाटाइकालाइ ओल्‍ह्‍यावा रो हेन्‍जाङ द्‍याङहेङ आवाइपावा।

कालाउ इसु एम्‍बालाइहेङ दोअ्‌हि, “होसपातेङ हिसु, हासु बुङ नेलाइहेङ माआवाइपाको

इदोइखातिर नेलाइ बुङ त्‍यार हिसु, हाइपानु का द्‍याङको चान नेलाइ माचिताइका पहरता ल्‍वावा।

“इदोइखातिर नाङघातेङ हिसु, हाइपानु हिदोइ दिना नेलाइको प्रभु ल्‍वावा, इङको नेलाइ मागेस्‍वाना।

“कालाउ बुङ इङको दिना रो पहर हेअ्‌लाउ ल्‍वाङ इङको हासुङ मागेखे। ना सादेलचरगेलाइ, ना का द्‍याङको चान दोङ गेखा। इदोइ काथाको बारेता परमेस्‍वर आबा खिनिङ गेखे।

हाइपानु ‘कादोङ ख्रिस्‍ट’ हिघा दोअ्‌तेङ रो ‘कादोङ आगाधुइका’ हिघा दोअ्‌तेङ ढाटाइकालाइ ओल्‍हेतेङ लावा। जेङलि दोनु साल्‍तेङ दिङगिल्‍कालाइहेङ बुङ भाडकाइलि बाबारका भारभुसाइका काम रो सरबङको कामगेलाइ तिङपावा।

का द्‍याङको चानको लोका बुङ नोआको दिनागेलाइभाइपाङ जेनावा। हाइपानु जेसापा सुमिङ चिता दुबिकाखान्‍तेङ लाम्‍फा नोआ चिजाहाजलिअ्‌ता दुल्‍का दिनाथिकापा, द्‍याङगेलाइ चातेङहिका, आम्‍तेङहिका रो बिहु पातेङहिका पादोङघाखे। कालाउ बाने लोतेङ एम्‍बालाइ झाराङहेङ झोपातेङ माचुम्‍पुपाधाउ एम्‍बालाइ हाइदोङ मागेहि। का द्‍याङको चान लोलाउ बुङ एन्‍साङ ज्‍यावा।