Jenɛɛsë 6 मधील लोकप्रिय बायबल वचने

सामायिक करा

'Ɔa plɛ nya ‑taaralɩ. 'Inya pala 'ɔɔn ‑sɩɔ dɛɛlɛ kä ‑gʋ 'ɔ nʋa' nyɔɔ ‑tʋtʋ ‑gälɩ.

Yawe 'jäa' nyüü ‑bɛ 'ü nöa' ‑balʋ 'kɔkɔmlɛ ‑tʋtʋ ‑gälɩ, ‑bɛ wiili kä 'fɩɔ 'üa plɛ boboa' falaa' ‑balʋa 'dooa 'pɛlɩ nɩ

‑Maa Noeelɔ nɩ, 'ɔa wii ma kä Yawe 'tʋ.

‑Jäsɩ Noea 'jüa 'jüa wii nʋa' ‑sisidɛɛ. Noea 'taɩn 'lɩa nyüüa ‑tɔrʋpɩɔ nɩ, 'ɔɔ bäa' Noe 'ɔɔ bä kä 'klɩgänyɔɔ, 'ɔɔ ma bä 'cɩcanyɔɔ. 'Ɔɔ nyra Nyɔsʋa ma 'nyɛɛ.

Yawe ‑nëma: «Nyɔɔlɔ 'n nʋa', 'nyaa 'ɔɔn ‑tʋtʋ ‑gälɩ 'baa, kolo 'ɔɔn ‑gälɩ 'kä ‑a ‑tɔɔ mlaa ‑gälɩ, ‑a ‑tɔɔ ‑pɛrɛdii nyra nyisie ‑gälɩ. 'I pa 'mɩ ‑gba dɛɛlɛ kä ‑gʋ 'n nʋa' 'üün.»

Nyüü cɛtɛa' ‑gälɩpaplakʋ ‑tʋtʋ ‑gälɩ nɩ, ‑bɛ 'ü ‑gua' 'ŋlëkayerü nɩ, Nyɔsʋaa nyɩbɛjü 'jäa' 'sɩrɩ nyüüa 'ŋlëkayerü 'naa' nɩ, 'ünya 'ba 'üa ‑tɔrʋpɩɔ 'ŋlëkayerü ‑mölöö 'ünya bä 'üa 'ŋlëgë. Yawe ‑nëma: «'Na ‑fʋflʋlʋ ‑nyɛɛa' 'klä ‑nëmä nyɔɔ 'lɩ ‑a ‑tɩɔrɔ, 'be 'jajɛ nyɔɔ bä. 'Ɔnya ‑sɩa ‑glʋɩuundoo (120) ‑tʋtʋ ‑gälɩ ‑sia.» 'Ia 'taɩn 'lɩ nyüü 'tëtëë ma bä ‑tʋtʋ ‑gälɩ, 'nɩmɩ 'taɩnlɩ ‑sia' 'ü bä kä 'lɩ. 'Üü bä tafunyüü ‑Kätɩsaa, 'üa 'nyrɩ ma mö. 'A 'taɩn 'lɩ Nyɔsʋaa 'jü jrea' nyüüa 'ŋlëkayerü nɩ, 'a ‑plɩɩ 'ü ‑glooro.

Noe nya nʋ wiilia 'fɩɔ Nyɔsʋa ‑gbala 'ɔɔn. 'A 'i 'ɔ nʋ.

'A 'ia ‑gʋ Nyɔsʋa nya ‑gbala Noe: «Nyüüa 'fɩɔa bʋblɔtaɩn 'a 'lɩjrä, 'ü 'sie ‑tʋtʋ bʋbɔgbi 'klɩ. 'Üü ‑bɛ ‑tʋtʋ kɔsɔ 'nyaa 'üün ‑gblooa.

Ko gofeetuua 'mɩɩ kpaki. ‑Tätä 'lɩmlɩ 'crʋgbë, 'kä ‑paaa 'lɩmlɩ nyra 'lɩ ‑gba 'kɔlëtaa.

Nyɔsʋa tɛa' ‑tʋtʋ ‑gälɩ nɩ, nyüüa bʋbɔgbi nya 'uun bʋblɔa; 'be nyüüa 'fɩɔa nʋnʋgbi bʋbɔ ‑tʋtʋ ‑gälɩ.

'Dɩdiia 'fɩɔa ‑tɔrʋpɩɔ nɩ, ‑kä ‑mä 'ia 'sɔrɔ 'sɔɔ 'mɩɩ 'lɩ 'jrara; nyɩbɛrʋ ‑bɛ 'ɛa 'ŋlʋʋa nɛ, 'ü nyra ‑mɔ 'mä 'lɩmlɩwʋ.