Johon 3 मधील लोकप्रिय बायबल वचने

सामायिक करा

Karon Issorte na dhârtiren âdmi nâniʹ dulârkeʹkoe je, Aiʹren miṭiʹ Hopon dankidie, jate, jahegi Ânire pâtyuʹe, ânido bang nosṭoʹe, kheʹ ononto jiui name.

Cekelaʹbang Issortedo dhârtiren âdmioaʹ bicâr laʹte aiʹren Hopontetʹ bang kolkâdie, kheʹ dhârtiren âdmi jate âni talate bacoʹako.

Jisu menkede, "Sârigi Ingte am metamikâning, naoa janam bang holenkheʹ ekegi Issoraʹ Rajjo bang lelnamako."

Eke ânire pâtyuʹe, âniaʹdo bicâr bang jutuʹa, Eke bang pâtyuʹe, âniaʹdo bicâr hongekantaya, cekelaʹbang ânido Issorren miṭiʹ Hopontetʹrigi bang pâtyukane.

Ar bicârdo hoʹkana nangka, dhârtire marsal hiʹkana, ar âdmikodo marsal khoiʹ nutgi ḍher dulârkedako, cekelaʹbang angkoaʹ sanam kâmikogi kharapgi tahelentakoa.

Ânido marangoʹlaʹ hoʹtaihaʹ, ar ingdo kâṭijoʹlaʹ hoʹtinghâʹ.

Jahegi kharap kâmiako, angkodo marsalre bang hijuʹako, karon marsalre hiʹlenkheʹ angkoaʹ sanam kâminaʹ dos sodoroʹtakoa.

Jahegi Hopontetʹre pâtyukane, ânido ononto jiui namkade, Kheʹ jahegi Hopontetʹ bang manoe, ânido jiui oho lelname, kheʹ Issordo âni cetanre edrenheʹ."

Ar Mosite alka sansun jagare bing cetanre rakablidie engkagi Âdmi Hoponho cetanre rakabilaʹ hoʹhaʹ

Botte Hopontetʹ dulârie, ar sanamaʹgi âniaʹ tire makâdie.