Gn 15 मधील लोकप्रिय बायबल वचने

सामायिक करा

Max yaon oc Abram yin c'ul tzet max yal Jehová bay, xan watx' max yun cancan yul sat Cham.

Max lajwi juntzan ti', max k'anjab Jehová yetok Abram yin esalil, cax max yalon bay axca ti': —Manchak ach xiw Abram, ayin ok ach in colo', caw wal miman a paktzebal ok a cha', ẍi Cham.

Axa yilay eltok Abram tu' yina yuj Cham, cax max yalon bay axca ti': —Ilab wal yili ajtok satcan; bisto wal juntzan waycan tu', ta chi bischaj oj. Axca ton tu' ok yun bisil eb enatil, ẍi Cham.

Axa yalon Cham bay Abram tu': —C'amak, a caw a c'ajol ok sataknenok, cax manak nak comon anima tu' ok ion canok, ẍi Cham bay.

Lajwi tu' max yalon Jehová bay axca ti': —Yowalil chojtaknej elok tol a eb enatil, ok tok cajan eb bay junokxa tx'ok conobal, cax yin mosejal ok ayjok ec' eb, ok etax eb sic'libil yin 400 abil.

Axa tak'wi Abram bay Cham axca ti': —Ach Wajawil Jehová, ¿tzet wal yopiso jun paktzebal tu' wuj? Ojtak sic'libil tol c'am junok wuninal max ak'a', yet chi sataknej masanil tzet ay ayin, xan a mac ok sataknencan masanil in tzet yetal ti', a ton nak in chekbej Eliezer aj Damasco.

A ton yet jun c'ual tu' max yak' Jehová is trato yetok Abram, max yalon axca ti': —A jun tx'otx' ti' ok wak' bay enatil, chita tit tx'otx' bay a' elom aej bay Egipto,*fn* masantac'al bay a' miman Éufrates.

Can makanxa inatilej mayal eq'uelok, catatu' ok meltzoj paxtek eb junelxa cayti', yujtol c'amto chi tz'aknaj ajapnok is yobtakil eb amorreo cayti', ẍi Jehová.