(Evangelio según San Juan) 2 मधील लोकप्रिय बायबल वचने

सामायिक करा

Juna nagkamchak Jesús aents dutikmainchaun iwainakua nunak Caná, Galilea awa nui dutikauwai. Aatus niina imanjin iwainakmatai jintintaiji aidauk dekas Apajuí Uchijimpapita tiajui.

Tama Jesús ayaak: —Dukuwah, ¿wagka dusha minash tujutme? Wi takamainjuk eke mina tsawanjuk jegatsui, tau.

Jesús ajaamau aidaun chichajak: —Buitsnum yumi aimjatajum, tiu. Timatai ajaamau aidau yumin buitsnum betsamtsat aimjaju. Dutikawagmatai Jesús chichaak: —Machik shikikjum fiesta chichamja auwá susatajum, tau. Tutai dutiksag susajui.

Tama Jesús ditan ayaak: —Jega Apajuí ememattaiya ju tegaktatjume, dutikawagmin kampatum tsawan asan ataktú jegamkattajai, tiuwai.

Nunik nuwi duwap etsentsjamu atatman juki chapikmag, jiyaká iwiyag, jega Apajuí ememattainum batsatunak ashí jiijui, uwig aidaunash, toro aidaunashkam. Dutikak kuichki yapajiin aidau kuichkijinak nugká nagkimjuk, mesajinash akaketkauwai. Dutika, paumá sujin aidaun chichajak: —Jui aina juka jiigtajum. Mina Apajú jeeg, wají sujutai emaigpajum, tiuwai.