Aope chahwannyu me kahtanyuha jalunne ükong wang, hüyange yhalalan puhtam, Kahwang netan hayimlanne kahta yhalalan shemei yaomawe nge; hüyange iman-e lepu üshei iman sheko ne yah. Hüwante Kahwange i, “Ü-yaha jin jinte kahta phei jam yengohlak, hangjingne I-a hangko kahta hei, hüyangpoi I sha-a me peiye wangpeng gho ja phei me da hei ngohlak.”
Tüolan nyih hei hipak me kahtoknyu me Nephilimlan ngoh yangki, hüyange tüophei me-o, Kahwang hayimlan kahta yhalalan phei mei hüyange iman-e iman hayim puhtam; iman üshong hipak memuh wongnange, minngai kahta ne ngoh yangki.