Kusintii Andunya 2
2
1Bɛɛbɛi Ilaaɔ̃ í takaò lele do ilɛ do mii iyi í wa si fei í kpaò iriɛ. 2Hee ajɔ mɛɛjeu ku maa to Ilaaɔ̃ í kpa irii icɛɛ ŋa iyi wa ce fei, nɔ í sĩmi si ajɔ mɛɛjesiau. 3Nɔ í wee si ajɔ mɛɛjesiau í nyaa ikã domi si ajɔ nŋu bɛi í sĩmi waati iyi í kpa irii icɛi kutakau fei. 4Yaase bɛi í ce mbɛ si waati iyi Ilaaɔ̃ í taka lele do ilɛ.
Lamboi Edɛni
Si waati iyi Aɔ̃ Lafɛ̃ɛ í ce lele do ilɛ, 5waati bɛɛbɛ jĩi kãma kù fita si ilɛu titã, fɔfɔ gɔ mɔ kù fita, domi Aɔ̃ Lafɛ̃ɛ kù jɔ̀ ijĩ ku wɔ si waati bɛɛbɛ. Nɔ inɛ gɔ kù wɛɛ iyi á logoo ilɛu. 6Amma ikpã nla gɔ í ya le nɔ ku jɔ̀ ilɛu fei ku mandi.
7Aɔ̃ Lafɛ̃ɛ í ma amanɛi do sãa nɔ í fufu iwoi imɔɛ í daa si hunde nɔ amanɛ í jɛò ilu hunde. 8Nɔ Aɔ̃ Lafɛ̃ɛ í ce lambo si ilɛi Edɛni, ikpa nunui daakɔ, nɔ í so amanɛ iyi í takau í dasiɛ bɛ. 9Nɔ Aɔ̃ Lafɛ̃ɛ í jɔ̀ dimii jĩi fei í fita wa hai ilɛ. Jĩi ŋau à sĩa ku cɔ nɔ à dɔ̃ ku jɛ. Nɔ jĩi ndii kuwɛɛ mɔ í wa si aninii lambou, do jĩi iyi á jɔ̀ inɛ ku mà jiida do laalɔ.
10Hai ilɛi Edɛni bɛ ido gɔ wa cã nɔ í ya maa mua lambou mandi. Hai bi lambou nɔ idou í la amaawɔ mɛɛ. 11Irii amaawɔ sinteui í jɛ Pisɔ̃ɔ. Nŋui í kaako ilɛi Havila bii wura í wau. 12Wurai ilɛu bɛi í jɛ wura alala. Jĩi gɔ mɔ í wa bɛ má, à ya kpoo budeliɔmu, do kuta jiida gɔ iyi à ya kpe onisi. 13Irii amaawɔ minjisiai idoui í jɛ Giɔ̃ɔ. Nŋui í kaako ilɛi Etiopi. 14Irii amaawɔ mɛɛtasiai idoui í jɛ Tigure. Nŋui wa cã si ilɛi Asiri ikpa nunui daakɔ. Irii amaawɔ mɛɛsiai idoui í jɛ Efarata.
15Nɔ Aɔ̃ Lafɛ̃ɛ í so amanɛu í dasiɛ si inɔ lamboi Edɛni ku maa logooɛ nɔ ku maa cɔɔ. 16Nɔ Aɔ̃ Lafɛ̃ɛ í sɔ̃ inɛɛu í ni, jĩi iyi í wa si lambo bɛ fei aa yɔkɔ i jɛ isoɛ, 17amma jĩi iyi á jɔ̀ i mà jiida do laalɔu, maà jɛ isoɛ domi ajɔ iyi ì jɔɔ aa kui.
18Ŋɔi Aɔ̃ Lafɛ̃ɛ í ni, kù sĩa inɛmɔkɔ ku wɛɛ nŋu akã. An cea woo sobi iyi aŋaò aa jɔ njɛ. 19-20Wee hee ku maa taka amanɛ, í taka mɛɛmu ŋa tã. Do sãai í ceò mɛɛmu ŋau do yɛi ŋa fei, nɔ í jɔ̀ à naa bi amanɛ ku ba ku cɔ bɛi á kpe ŋa. Nɔ inɛɛu í sɔ mɛɛmui inɔ ilu ŋa do yɛi ŋa do mɛɛmui sako ŋau fei iri. Iri iyi í sɔ ŋau, nŋu mɔi à waa kpe ŋaò bɛ. Amma si aŋa fei kãma kù wɛɛ iyi í jɔɔ iyi á yɔkɔ ku sobiɛ.
21Ŋɔi Aɔ̃ Lafɛ̃ɛ í jɔ̀ inɛɛu í sũ dimii njoo nla gɔ. Si njoou bɛ ŋɔi í nya kũkũi kpakpaa cingaaɛ akã nɔ í bii agbɛu má. 22Nɔ í taka inaabo do kpakpaa cingaa iyi í nya hai si inɛmɔkɔu. Nɔ í naaɛ wa bi inɛmɔkɔu. 23Ŋɔi inɛmɔkɔu í ni,
ɛhɛ̃ɛ. Nsɛi bɛi arai inɛ ihɛ̃i í yɛi bɛi aram.
Inaaboi aa kpoo domi hai si inɛmɔkɔi í fita.
24Na nŋu inɛmɔkɔ á jɔ̀ iyeò baaɛ, nɔ nŋu do aboɛ a wɛɛ, nɔ aŋa minji fei a baa a jɛ ara akã.
25Waati bɛɛbɛ inɛmɔkɔu do aboɛu fei basĩi à wɛɛ, a kù nɔ a kù mà anyɔ.
सध्या निवडलेले:
Kusintii Andunya 2: MKL
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
2021, SIM International et UEEB
Kusintii Andunya 2
2
1Bɛɛbɛi Ilaaɔ̃ í takaò lele do ilɛ do mii iyi í wa si fei í kpaò iriɛ. 2Hee ajɔ mɛɛjeu ku maa to Ilaaɔ̃ í kpa irii icɛɛ ŋa iyi wa ce fei, nɔ í sĩmi si ajɔ mɛɛjesiau. 3Nɔ í wee si ajɔ mɛɛjesiau í nyaa ikã domi si ajɔ nŋu bɛi í sĩmi waati iyi í kpa irii icɛi kutakau fei. 4Yaase bɛi í ce mbɛ si waati iyi Ilaaɔ̃ í taka lele do ilɛ.
Lamboi Edɛni
Si waati iyi Aɔ̃ Lafɛ̃ɛ í ce lele do ilɛ, 5waati bɛɛbɛ jĩi kãma kù fita si ilɛu titã, fɔfɔ gɔ mɔ kù fita, domi Aɔ̃ Lafɛ̃ɛ kù jɔ̀ ijĩ ku wɔ si waati bɛɛbɛ. Nɔ inɛ gɔ kù wɛɛ iyi á logoo ilɛu. 6Amma ikpã nla gɔ í ya le nɔ ku jɔ̀ ilɛu fei ku mandi.
7Aɔ̃ Lafɛ̃ɛ í ma amanɛi do sãa nɔ í fufu iwoi imɔɛ í daa si hunde nɔ amanɛ í jɛò ilu hunde. 8Nɔ Aɔ̃ Lafɛ̃ɛ í ce lambo si ilɛi Edɛni, ikpa nunui daakɔ, nɔ í so amanɛ iyi í takau í dasiɛ bɛ. 9Nɔ Aɔ̃ Lafɛ̃ɛ í jɔ̀ dimii jĩi fei í fita wa hai ilɛ. Jĩi ŋau à sĩa ku cɔ nɔ à dɔ̃ ku jɛ. Nɔ jĩi ndii kuwɛɛ mɔ í wa si aninii lambou, do jĩi iyi á jɔ̀ inɛ ku mà jiida do laalɔ.
10Hai ilɛi Edɛni bɛ ido gɔ wa cã nɔ í ya maa mua lambou mandi. Hai bi lambou nɔ idou í la amaawɔ mɛɛ. 11Irii amaawɔ sinteui í jɛ Pisɔ̃ɔ. Nŋui í kaako ilɛi Havila bii wura í wau. 12Wurai ilɛu bɛi í jɛ wura alala. Jĩi gɔ mɔ í wa bɛ má, à ya kpoo budeliɔmu, do kuta jiida gɔ iyi à ya kpe onisi. 13Irii amaawɔ minjisiai idoui í jɛ Giɔ̃ɔ. Nŋui í kaako ilɛi Etiopi. 14Irii amaawɔ mɛɛtasiai idoui í jɛ Tigure. Nŋui wa cã si ilɛi Asiri ikpa nunui daakɔ. Irii amaawɔ mɛɛsiai idoui í jɛ Efarata.
15Nɔ Aɔ̃ Lafɛ̃ɛ í so amanɛu í dasiɛ si inɔ lamboi Edɛni ku maa logooɛ nɔ ku maa cɔɔ. 16Nɔ Aɔ̃ Lafɛ̃ɛ í sɔ̃ inɛɛu í ni, jĩi iyi í wa si lambo bɛ fei aa yɔkɔ i jɛ isoɛ, 17amma jĩi iyi á jɔ̀ i mà jiida do laalɔu, maà jɛ isoɛ domi ajɔ iyi ì jɔɔ aa kui.
18Ŋɔi Aɔ̃ Lafɛ̃ɛ í ni, kù sĩa inɛmɔkɔ ku wɛɛ nŋu akã. An cea woo sobi iyi aŋaò aa jɔ njɛ. 19-20Wee hee ku maa taka amanɛ, í taka mɛɛmu ŋa tã. Do sãai í ceò mɛɛmu ŋau do yɛi ŋa fei, nɔ í jɔ̀ à naa bi amanɛ ku ba ku cɔ bɛi á kpe ŋa. Nɔ inɛɛu í sɔ mɛɛmui inɔ ilu ŋa do yɛi ŋa do mɛɛmui sako ŋau fei iri. Iri iyi í sɔ ŋau, nŋu mɔi à waa kpe ŋaò bɛ. Amma si aŋa fei kãma kù wɛɛ iyi í jɔɔ iyi á yɔkɔ ku sobiɛ.
21Ŋɔi Aɔ̃ Lafɛ̃ɛ í jɔ̀ inɛɛu í sũ dimii njoo nla gɔ. Si njoou bɛ ŋɔi í nya kũkũi kpakpaa cingaaɛ akã nɔ í bii agbɛu má. 22Nɔ í taka inaabo do kpakpaa cingaa iyi í nya hai si inɛmɔkɔu. Nɔ í naaɛ wa bi inɛmɔkɔu. 23Ŋɔi inɛmɔkɔu í ni,
ɛhɛ̃ɛ. Nsɛi bɛi arai inɛ ihɛ̃i í yɛi bɛi aram.
Inaaboi aa kpoo domi hai si inɛmɔkɔi í fita.
24Na nŋu inɛmɔkɔ á jɔ̀ iyeò baaɛ, nɔ nŋu do aboɛ a wɛɛ, nɔ aŋa minji fei a baa a jɛ ara akã.
25Waati bɛɛbɛ inɛmɔkɔu do aboɛu fei basĩi à wɛɛ, a kù nɔ a kù mà anyɔ.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
2021, SIM International et UEEB