Kusintii Andunya 3
3
Ide hai gbɔi amanɛ
1Wee njò nŋui í nɛ bisi í re mɛɛmui sako iyi Aɔ̃ Lafɛ̃ɛ í taka fei. Nŋui í naa bi abou nɔ í beeɛ í ni, ntɔ ntɔi Ilaaɔ̃ í ni i maà jɛ isoi jĩi ŋa iyi à wa si lambou ihɛ̃ fei?
2Ŋɔi abou í jɛa njòu í ni, à ya ka jɛ isoi jĩi ŋa iyi à wa si lambou ni. 3Amma jĩi iyi í wa si aninii lambou ihɛ̃, Ilaaɔ̃ í ni ka maà lu baa isoɛ hee má jɛ ka jɔɔ domi aa ka kui.
4Ŋɔi njòu í sɔ̃ abou í ni, i kaa ku ŋa pai. 5Amma Ilaaɔ̃ í mà iyi ajɔ iyi aa jɔɔ ŋa iju nŋɛ á cĩi nɔ iŋɛ mɔ aa yɛi bɛi nŋu takaɛ, i mà jiida do laalɔ ŋa.
6Ŋɔi abou í yɔɔ iyi isoi jĩi nɔu í sĩa ku yɛ, á dɔ̃ ku jɛ, nɔ á jɔ̀ inɛ ku nɛ bisi má. Ŋɔi í kaa í jɛ, nɔ í ka í na mɔkɔɛ iyi í wa kɔkɔɛu nɔ nŋu mɔ í jɛ. 7Nɔ ijui aŋa minji fei í cĩ à yɔɔ iyi aŋa à wɛɛ basĩ ŋɔi à kpã wuai figi à dĩ si fiti nŋa.
8Alɛ ajɔ nŋu Aɔ̃ Lafɛ̃ɛ í naa ku yiyi si lambou. Ŋɔi inɛɛu do aboɛu à gbɔ ibaɛ si inɔ lambou nɔ à sa à koo à lɔ si aninii jĩi ndii lambo ŋau, à waa manjiaa. 9Amma Aɔ̃ Lafɛ̃ɛ í kpe inɛɛu í ni, iwoi í wa.
10Ŋɔi í jɛ í ni, iyi ǹ gbɔ ibaɛ si inɔ lambou njo í mum domi ǹ wɛɛ basĩ nŋui í jɔ̀ ǹ manji.
11Ŋɔi Ilaaɔ̃ í beeɛ í ni, yooi í sɔ̃ɛ í ni ì wɛɛ basĩ. Isa i kù na i kù jɛ isoi jĩi iyi ǹ ganjiɛ ku jɛu si ya.
12Ŋɔi inɛɛu í jɛ í ni, abo iyi ì jilɛɛm ku bam kuwɛɛu nŋui í nam isoi jĩi nɔu ǹ jɛ.
13Ŋɔi Aɔ̃ Lafɛ̃ɛ í bee abou í ni, mii í jɔ̀ ì ce bɛɛbɛ. Ŋɔi abou í jɛ í ni, njòi í dĩ ijum ǹ bɛi ǹ jɛ.
Kiitii Ilaaɔ̃
14Ŋɔi Aɔ̃ Lafɛ̃ɛ í sɔ̃ njòu í ni,
si na iyi í jɔ̀ ì ce bɛɛbɛ an ceekpeɛ.
Si inɔi iŋa fei do mɛɛmui sako ŋa fei
awɔ akãi aa ya maa nɛò gɛndɛ
nɔ ilùlùi aa maa jɛ si kuwɛɛɛ fei.
15An dasi mbɛɛtɛ si gãmɛi awɔ do abou,
do si dimiɛ hee do si dimii abou fei.
Dimii abou á lɛgɛ iriɛ,
nɔ awɔ mɔ aa mɛɛ cicĩisɛɛ.
16Nɔ í sɔ̃ abou í ni,
an kɔ̃ɔsi wahalai asĩɛ,
waati kãma iyi aa bí fei do ara kuro nla nlai,
nɔ kubiɛ fei si mɔkɔɛi á ya wa,
nŋui á jɛ inɛ ngboɛ.
17-18Nɔ í sɔ̃ mɔkɔu í ni, si bɛi ì gbɔ idei aboɛ nɔ ì jɛ isoi jĩi iyi ǹ ni i maà jɛu,
an ceekpe ilɛ na iriɛ.
Agũ do fɔfɔ laalɔ ŋa aa fita si ilɛɛ.
Si kuwɛɛɛ fei aa ya ta gbugbãɛi jiida
ì bɛi ì baò mii ku jɛ.
19Aa ya da kokooi i bɛi i jɛ
hee ì koo ì nyiò ilɛ hai bii à takaɛ wa,
domi awɔ sãai,
bɛɛbɛ mɔi aa nyi si sãau má.
20Ŋɔi Adamu #3:20 Adamu Yaasei iriɛui í jɛ amanɛ. í sɔ aboɛu Ɛfa #3:20 Ɛfa Yaasei iriɛui í jɛ kuwɛɛ., domi nŋui í jɛ iyei inɛ fei. 21Ŋɔi Aɔ̃ Lafɛ̃ɛ í cea Adamu do aboɛ acɔi bata í dĩ nŋa.
Kulelei Adamu do Ɛfa
22Ŋɔi Aɔ̃ Lafɛ̃ɛ í ni, amanɛ mɔ wee í baa í yɛ bɛi inɛ akã nwa, nŋu mɔ í mà jiida do laalɔ. Ka ganjiɛ ku ka isoi jĩi ndii kuwɛɛ ku jɛ, ku ba ku maà na ku wɛɛ hee do ajɔ fei. 23Ŋɔi í jɔ̀ Aɔ̃ Lafɛ̃ɛ í leleɛ hai inɔ lamboi Edɛni koo logoo ilɛ hai bii à takaɛu. 24Bɛɛbɛi í leleò amanɛ nɔ í dasi amaleka ŋa iyi à ya kpe serubɛ̃ɛ ŋau si lamboi Edɛni ikpa nunui daakɔ. Amaleka ŋau à waa mu taakuba nɔ à waa fũu nɔ wa daana si inunu bɛi amɛi ina à waa degbeò kpãai jĩi ndii kuwɛɛu.
सध्या निवडलेले:
Kusintii Andunya 3: MKL
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
2021, SIM International et UEEB
Kusintii Andunya 3
3
Ide hai gbɔi amanɛ
1Wee njò nŋui í nɛ bisi í re mɛɛmui sako iyi Aɔ̃ Lafɛ̃ɛ í taka fei. Nŋui í naa bi abou nɔ í beeɛ í ni, ntɔ ntɔi Ilaaɔ̃ í ni i maà jɛ isoi jĩi ŋa iyi à wa si lambou ihɛ̃ fei?
2Ŋɔi abou í jɛa njòu í ni, à ya ka jɛ isoi jĩi ŋa iyi à wa si lambou ni. 3Amma jĩi iyi í wa si aninii lambou ihɛ̃, Ilaaɔ̃ í ni ka maà lu baa isoɛ hee má jɛ ka jɔɔ domi aa ka kui.
4Ŋɔi njòu í sɔ̃ abou í ni, i kaa ku ŋa pai. 5Amma Ilaaɔ̃ í mà iyi ajɔ iyi aa jɔɔ ŋa iju nŋɛ á cĩi nɔ iŋɛ mɔ aa yɛi bɛi nŋu takaɛ, i mà jiida do laalɔ ŋa.
6Ŋɔi abou í yɔɔ iyi isoi jĩi nɔu í sĩa ku yɛ, á dɔ̃ ku jɛ, nɔ á jɔ̀ inɛ ku nɛ bisi má. Ŋɔi í kaa í jɛ, nɔ í ka í na mɔkɔɛ iyi í wa kɔkɔɛu nɔ nŋu mɔ í jɛ. 7Nɔ ijui aŋa minji fei í cĩ à yɔɔ iyi aŋa à wɛɛ basĩ ŋɔi à kpã wuai figi à dĩ si fiti nŋa.
8Alɛ ajɔ nŋu Aɔ̃ Lafɛ̃ɛ í naa ku yiyi si lambou. Ŋɔi inɛɛu do aboɛu à gbɔ ibaɛ si inɔ lambou nɔ à sa à koo à lɔ si aninii jĩi ndii lambo ŋau, à waa manjiaa. 9Amma Aɔ̃ Lafɛ̃ɛ í kpe inɛɛu í ni, iwoi í wa.
10Ŋɔi í jɛ í ni, iyi ǹ gbɔ ibaɛ si inɔ lambou njo í mum domi ǹ wɛɛ basĩ nŋui í jɔ̀ ǹ manji.
11Ŋɔi Ilaaɔ̃ í beeɛ í ni, yooi í sɔ̃ɛ í ni ì wɛɛ basĩ. Isa i kù na i kù jɛ isoi jĩi iyi ǹ ganjiɛ ku jɛu si ya.
12Ŋɔi inɛɛu í jɛ í ni, abo iyi ì jilɛɛm ku bam kuwɛɛu nŋui í nam isoi jĩi nɔu ǹ jɛ.
13Ŋɔi Aɔ̃ Lafɛ̃ɛ í bee abou í ni, mii í jɔ̀ ì ce bɛɛbɛ. Ŋɔi abou í jɛ í ni, njòi í dĩ ijum ǹ bɛi ǹ jɛ.
Kiitii Ilaaɔ̃
14Ŋɔi Aɔ̃ Lafɛ̃ɛ í sɔ̃ njòu í ni,
si na iyi í jɔ̀ ì ce bɛɛbɛ an ceekpeɛ.
Si inɔi iŋa fei do mɛɛmui sako ŋa fei
awɔ akãi aa ya maa nɛò gɛndɛ
nɔ ilùlùi aa maa jɛ si kuwɛɛɛ fei.
15An dasi mbɛɛtɛ si gãmɛi awɔ do abou,
do si dimiɛ hee do si dimii abou fei.
Dimii abou á lɛgɛ iriɛ,
nɔ awɔ mɔ aa mɛɛ cicĩisɛɛ.
16Nɔ í sɔ̃ abou í ni,
an kɔ̃ɔsi wahalai asĩɛ,
waati kãma iyi aa bí fei do ara kuro nla nlai,
nɔ kubiɛ fei si mɔkɔɛi á ya wa,
nŋui á jɛ inɛ ngboɛ.
17-18Nɔ í sɔ̃ mɔkɔu í ni, si bɛi ì gbɔ idei aboɛ nɔ ì jɛ isoi jĩi iyi ǹ ni i maà jɛu,
an ceekpe ilɛ na iriɛ.
Agũ do fɔfɔ laalɔ ŋa aa fita si ilɛɛ.
Si kuwɛɛɛ fei aa ya ta gbugbãɛi jiida
ì bɛi ì baò mii ku jɛ.
19Aa ya da kokooi i bɛi i jɛ
hee ì koo ì nyiò ilɛ hai bii à takaɛ wa,
domi awɔ sãai,
bɛɛbɛ mɔi aa nyi si sãau má.
20Ŋɔi Adamu #3:20 Adamu Yaasei iriɛui í jɛ amanɛ. í sɔ aboɛu Ɛfa #3:20 Ɛfa Yaasei iriɛui í jɛ kuwɛɛ., domi nŋui í jɛ iyei inɛ fei. 21Ŋɔi Aɔ̃ Lafɛ̃ɛ í cea Adamu do aboɛ acɔi bata í dĩ nŋa.
Kulelei Adamu do Ɛfa
22Ŋɔi Aɔ̃ Lafɛ̃ɛ í ni, amanɛ mɔ wee í baa í yɛ bɛi inɛ akã nwa, nŋu mɔ í mà jiida do laalɔ. Ka ganjiɛ ku ka isoi jĩi ndii kuwɛɛ ku jɛ, ku ba ku maà na ku wɛɛ hee do ajɔ fei. 23Ŋɔi í jɔ̀ Aɔ̃ Lafɛ̃ɛ í leleɛ hai inɔ lamboi Edɛni koo logoo ilɛ hai bii à takaɛu. 24Bɛɛbɛi í leleò amanɛ nɔ í dasi amaleka ŋa iyi à ya kpe serubɛ̃ɛ ŋau si lamboi Edɛni ikpa nunui daakɔ. Amaleka ŋau à waa mu taakuba nɔ à waa fũu nɔ wa daana si inunu bɛi amɛi ina à waa degbeò kpãai jĩi ndii kuwɛɛu.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
2021, SIM International et UEEB