JOHAN 5
5
Bethsaida dil a mizaw damsahna
1Tami nuain Judate pawi khat a um a, Jesu Jerusalem ah ahawtou hi. 2Tualeh Jerusalem ah belam kotpi kungah dil khat a uma, Hebrew ham in Bethsaida kichi innhim nga nei a um hi. 3Tua inn himte ah damloute, mittote kengbaite tualeh zengte tampi tuikiloh ngah in alum uhi. 4Aziehpen bangchihun ahiei khat chiengin vansawlsieng khat dil ah apeisuh a, tui ava sau zel hi, tuachi’n koipou tui kisau nua a lut masa pen pen khu bangchibang natna neinanleh suhdam in a um zel hi. 5Khunah mi pasal koi ahiei khat kum sawmthum leh kum giet damlouin a um hi. 6Ama khuna lum Jesu’n amutah in tambanga hun sawtpi um ahita chi athei a, akungah “Suhdam na ut ei?” achi hi.
7Damloupa’n “Pu, tui kisau chienga dil a hing koi ding mi ka nei sih a, Keima a ka pei chieng in, midangin ahing makhel zel hi,” achi hi. 8Jesu’n akungah “Thou inlen, na netpha la inlen, na kengin in peita in” achi hi. 9Tuachi’n tua mipa thakhat in adam pai a, anetpha ala a, kengin a peita hi. Tuani khu khawlni#Khawlni-Sabbath ahi. 10#Neh. 13.19; Jer. 17.21Tuaziehin Judaten suhdam a umpa kungah, “Khawlni ahia, na netpha na puoh dan ahi sih hi,” achi uhi.
11Aman amaute adawng a, “Ahing sudampa ngelngel in ka kungah, na netpha la inlen, peita in, ahing chi hi” chiin adawng hi. 12Tuachi’n amaun akung ah “Na netpha la inlen, na kengin peita in hing chipa koi ahiei?” chi’n adong uhi. 13Hinanleh damsaha um pa’n, ama damsahpa koi ahiei chi athei sih hi; aziehpen tua mun a mipi umte lah akipat in ana kigelmangta hi.
14Tuami nuain Jesu’n Pasian biehinn ah ama amu a, akungah, “En vawi, suhdamin na umta hi khielkia nawn sin, tuachilouin sil sezawsem na tungah ahing tung kha ding hi.” 15Tuachi’n tua mipa apawtkhie a, asudampa khu Jesu ahi chi Judate ava hilta hi. 16Tamte ziehin Judaten Jesu abawlsie ua, tha a sawmta uhi; tam silte khawlni a abawl ahi ziehin. 17Hinanleh Jesu’n amauh adawnga, “Ka Pa’n tutan dong ana asem a, ken zong ka sem hi,” achi hi. 18Tuaziehin Judaten Jesu tha atum semsem ua, Aman khawlni abawsiet guoh hilouin, Pasian ka pa ahi achi a, Pasian toh kibang a akibawl zieh in.
19Tuachi’n Jesu’n adawnga, akung uah, “Noute thutah ka hing hil ahi, Tapa in ama thuin bangma abawl thei sih hi. Pa in abawl amute loungal, aziehpen Aman abawl pouma tuate khu Tapa in zong abawl zel hi. 20Aziehpen Pain Tapa a it a, asilbawl zousie akungah amusah leng hi, tualeh lamdang na sah dinguh tamte sanga nasep thupizaw amusah ding hi. 21Pa in mishite akaithou a, ahinsah mabangin, Tapa in zong adeisahte kungah hinna apie hi. 22Pain koima tungthu akhen pieh sih a, thukhenna zousie Tapa kungah apekheta hi. 23Pa azatat bang ua mi zousie’n Tapa zong azatat theina dinguh ahi. Tapa zatat lou in, Pa Ama sawlpa zong a zatat sih uhi.
24Noute thutah ka hing hil ahi, Koipou ka thu za a ahing sawlpa gingta in kumtawn hinna aneita; thukhenna ah alut nawn sih ding a, shina apat hinna ah a lut zawta ahi. 25“Noute thutah ka hing hil ahi; Mishite’n Pasian Tapa aw azahna ding uh hun hing tung ding ahita, tuin zong atung ahita hi, tualeh aza pouma ahing ding uhi. 26Aziehpen Pain Ama a hinna akinei bangin Tapa in zong ama a hinna akineina dingin a peta hi. 27Tualeh Mihing Tapa ahizieh in thukhen vaihawmna thuneina zong a pie hi.
Thawkiana nite
28Tam silte lamdang sa sih un, aziehpen ahun tung ding ahita; khum hun chiengin hankhuh sunga um zousiein a aw aza ding ua, 29#Dan. 12.2Tualeh ahing thoudoh ding ua, silhoi bawlte khu kumtawn hinna tangin athou ding ua, tualeh sil gilou bawlte khu siemlou tangin athou ding uhi. 30“Ken ka thuin bangma ka bawl thei sih, ka zah bangin thu ka khen zel a, ka thukhen adih ahi. Aziehpen keima deilam bawl louin, Pa, kei hing sawlpa deilam ka bawl zaw hi.
Johan theipina
31Keima leh keima kitheipi hitaleng, ka thu theipi adih sih ding hi. 32Kei hing theipi midang khat a um hi, tualeh aman ahing theipina thu adih ahi chi ka thei hi.
Jesu tanchin theipina lite
33 #
Jn. 1.19-27; 3.27-30 Nouten Johan kungah mi na sawl ua, ama’n thutah tanchin atheipita hi. 34Hinanleh mihing akipat theipina ka pom ka china ahi sih a, ahivangin hundam a na um theina ding un, tam silte ka gen ahi. 35Johan pen meivah kuongpha leh taangpha tah ahi a, tualeh noute ama vah ah tomkhat nopsah na ut uhi.
Jesu nasep theipina
36Hinanleh Johan a sanga theipina lien zaw ka nei hi; Pa’n ka sep zou ding ahing pieh ka nasepte mama in, Pain Kei ahing sawl ahi chi ahing theipi hi. 37#Mat. 3.17; Mak. 1.11; Luk. 3.22Tualeh Pa kei hing sawlpa ngel in zong ka tanchin ahing theipi hi. Nouten bangmachihin a aw na za ngai sih ua, a mel zong na mu ngaisih uhi. 38Tualeh athu na lung sung uah na vom sih uhi; Ama ahing sawlpa na gintat lou zieh un.
Laisiengthou theipina
39Laisiengthou na hoisim ngel uhi, aziehpen asunga kumtawn hinna nei in na kingaituo uhi, tuate khu keima tanchin theisahna ahi. 40Hinanleh hinna na neina dingun ka kungah na hing pei nuom sih uhi. 41Ken mihingte pahtawina ka pom sih hi. 42Hinanleh nouten Pasian itna na lungsung uah na nei sih uhi, chi ka thei hi. 43Kei ka Pa min in ka hing pei a, noute’n na hing kipahpi sih uhi. Midang khat Ama min in hing pei leh na kipahpi ding uhi. 44Noute, khat leh khat kipahtawi tuona ngaina a, Pasian khat bou akipat a hing pawt pahtawina sui loute’n bangchin na gingta thei ding uoi? 45Pa kunga noute hing heh dingin hing ngaituo sih un; noute hing hehpa khat a um hi, ama khu na gintat uh Mosi ahi. 46Aziehpen Mosi ana gingta hita u’lachin kei zong na hing gingta ding uhi, aziehpen aman ka tungthu ana giel hi. 47Hinanleh nouten a thugelte na gintat sih uleh bangchi’n ka thute na gingta thei ding uoi?” achi hi.
सध्या निवडलेले:
JOHAN 5: ZOUBSI
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
JOHAN 5
5
Bethsaida dil a mizaw damsahna
1Tami nuain Judate pawi khat a um a, Jesu Jerusalem ah ahawtou hi. 2Tualeh Jerusalem ah belam kotpi kungah dil khat a uma, Hebrew ham in Bethsaida kichi innhim nga nei a um hi. 3Tua inn himte ah damloute, mittote kengbaite tualeh zengte tampi tuikiloh ngah in alum uhi. 4Aziehpen bangchihun ahiei khat chiengin vansawlsieng khat dil ah apeisuh a, tui ava sau zel hi, tuachi’n koipou tui kisau nua a lut masa pen pen khu bangchibang natna neinanleh suhdam in a um zel hi. 5Khunah mi pasal koi ahiei khat kum sawmthum leh kum giet damlouin a um hi. 6Ama khuna lum Jesu’n amutah in tambanga hun sawtpi um ahita chi athei a, akungah “Suhdam na ut ei?” achi hi.
7Damloupa’n “Pu, tui kisau chienga dil a hing koi ding mi ka nei sih a, Keima a ka pei chieng in, midangin ahing makhel zel hi,” achi hi. 8Jesu’n akungah “Thou inlen, na netpha la inlen, na kengin in peita in” achi hi. 9Tuachi’n tua mipa thakhat in adam pai a, anetpha ala a, kengin a peita hi. Tuani khu khawlni#Khawlni-Sabbath ahi. 10#Neh. 13.19; Jer. 17.21Tuaziehin Judaten suhdam a umpa kungah, “Khawlni ahia, na netpha na puoh dan ahi sih hi,” achi uhi.
11Aman amaute adawng a, “Ahing sudampa ngelngel in ka kungah, na netpha la inlen, peita in, ahing chi hi” chiin adawng hi. 12Tuachi’n amaun akung ah “Na netpha la inlen, na kengin peita in hing chipa koi ahiei?” chi’n adong uhi. 13Hinanleh damsaha um pa’n, ama damsahpa koi ahiei chi athei sih hi; aziehpen tua mun a mipi umte lah akipat in ana kigelmangta hi.
14Tuami nuain Jesu’n Pasian biehinn ah ama amu a, akungah, “En vawi, suhdamin na umta hi khielkia nawn sin, tuachilouin sil sezawsem na tungah ahing tung kha ding hi.” 15Tuachi’n tua mipa apawtkhie a, asudampa khu Jesu ahi chi Judate ava hilta hi. 16Tamte ziehin Judaten Jesu abawlsie ua, tha a sawmta uhi; tam silte khawlni a abawl ahi ziehin. 17Hinanleh Jesu’n amauh adawnga, “Ka Pa’n tutan dong ana asem a, ken zong ka sem hi,” achi hi. 18Tuaziehin Judaten Jesu tha atum semsem ua, Aman khawlni abawsiet guoh hilouin, Pasian ka pa ahi achi a, Pasian toh kibang a akibawl zieh in.
19Tuachi’n Jesu’n adawnga, akung uah, “Noute thutah ka hing hil ahi, Tapa in ama thuin bangma abawl thei sih hi. Pa in abawl amute loungal, aziehpen Aman abawl pouma tuate khu Tapa in zong abawl zel hi. 20Aziehpen Pain Tapa a it a, asilbawl zousie akungah amusah leng hi, tualeh lamdang na sah dinguh tamte sanga nasep thupizaw amusah ding hi. 21Pa in mishite akaithou a, ahinsah mabangin, Tapa in zong adeisahte kungah hinna apie hi. 22Pain koima tungthu akhen pieh sih a, thukhenna zousie Tapa kungah apekheta hi. 23Pa azatat bang ua mi zousie’n Tapa zong azatat theina dinguh ahi. Tapa zatat lou in, Pa Ama sawlpa zong a zatat sih uhi.
24Noute thutah ka hing hil ahi, Koipou ka thu za a ahing sawlpa gingta in kumtawn hinna aneita; thukhenna ah alut nawn sih ding a, shina apat hinna ah a lut zawta ahi. 25“Noute thutah ka hing hil ahi; Mishite’n Pasian Tapa aw azahna ding uh hun hing tung ding ahita, tuin zong atung ahita hi, tualeh aza pouma ahing ding uhi. 26Aziehpen Pain Ama a hinna akinei bangin Tapa in zong ama a hinna akineina dingin a peta hi. 27Tualeh Mihing Tapa ahizieh in thukhen vaihawmna thuneina zong a pie hi.
Thawkiana nite
28Tam silte lamdang sa sih un, aziehpen ahun tung ding ahita; khum hun chiengin hankhuh sunga um zousiein a aw aza ding ua, 29#Dan. 12.2Tualeh ahing thoudoh ding ua, silhoi bawlte khu kumtawn hinna tangin athou ding ua, tualeh sil gilou bawlte khu siemlou tangin athou ding uhi. 30“Ken ka thuin bangma ka bawl thei sih, ka zah bangin thu ka khen zel a, ka thukhen adih ahi. Aziehpen keima deilam bawl louin, Pa, kei hing sawlpa deilam ka bawl zaw hi.
Johan theipina
31Keima leh keima kitheipi hitaleng, ka thu theipi adih sih ding hi. 32Kei hing theipi midang khat a um hi, tualeh aman ahing theipina thu adih ahi chi ka thei hi.
Jesu tanchin theipina lite
33 #
Jn. 1.19-27; 3.27-30 Nouten Johan kungah mi na sawl ua, ama’n thutah tanchin atheipita hi. 34Hinanleh mihing akipat theipina ka pom ka china ahi sih a, ahivangin hundam a na um theina ding un, tam silte ka gen ahi. 35Johan pen meivah kuongpha leh taangpha tah ahi a, tualeh noute ama vah ah tomkhat nopsah na ut uhi.
Jesu nasep theipina
36Hinanleh Johan a sanga theipina lien zaw ka nei hi; Pa’n ka sep zou ding ahing pieh ka nasepte mama in, Pain Kei ahing sawl ahi chi ahing theipi hi. 37#Mat. 3.17; Mak. 1.11; Luk. 3.22Tualeh Pa kei hing sawlpa ngel in zong ka tanchin ahing theipi hi. Nouten bangmachihin a aw na za ngai sih ua, a mel zong na mu ngaisih uhi. 38Tualeh athu na lung sung uah na vom sih uhi; Ama ahing sawlpa na gintat lou zieh un.
Laisiengthou theipina
39Laisiengthou na hoisim ngel uhi, aziehpen asunga kumtawn hinna nei in na kingaituo uhi, tuate khu keima tanchin theisahna ahi. 40Hinanleh hinna na neina dingun ka kungah na hing pei nuom sih uhi. 41Ken mihingte pahtawina ka pom sih hi. 42Hinanleh nouten Pasian itna na lungsung uah na nei sih uhi, chi ka thei hi. 43Kei ka Pa min in ka hing pei a, noute’n na hing kipahpi sih uhi. Midang khat Ama min in hing pei leh na kipahpi ding uhi. 44Noute, khat leh khat kipahtawi tuona ngaina a, Pasian khat bou akipat a hing pawt pahtawina sui loute’n bangchin na gingta thei ding uoi? 45Pa kunga noute hing heh dingin hing ngaituo sih un; noute hing hehpa khat a um hi, ama khu na gintat uh Mosi ahi. 46Aziehpen Mosi ana gingta hita u’lachin kei zong na hing gingta ding uhi, aziehpen aman ka tungthu ana giel hi. 47Hinanleh nouten a thugelte na gintat sih uleh bangchi’n ka thute na gingta thei ding uoi?” achi hi.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.