JOHAN 6
6
Mipi tulnga vahna
1Tam silte nuain Jesu Galili tuipi, Tiberia zong kichi gal lamah apeita hi. 2Tuachi’n aman chinate tunga asil lamdang bawlte amu ziehun mipi tampiin Ama azui uhi. 3Jesu muol tungah akaltou a, tuanah anuazuite toh a tou uhi. 4Tualeh Judate peikan pawi hun a naita hi. 5Tuachi’n Jesu adah a, mi tampi akung lam zuon a hing pei amu in Philip kungah, “Tam mite neh ding tanghou hei a lei ding ihiei?” achi hi. 6Ama’n tam pen Philip ze etna ding a agen ahia, aziehpen Aman bang ahiei abawl ding atheisa ahi. 7Philip in “Michin in themkhat chiet a atan ding u’zong makhai#Makhai-Sap ham (Eng) Dinari akichi a, Romete sum ahi. zani man tanghou kiching nailou ding hi,” chiin adawng hi.
8Anuazuite lah a khat, Simon Peter sanggampa Andru in akungah, 9“Tanah naupang khat barli bu tanghou tun nga leh nga neu nou ni nei a um hi; ahivangin mi hizapi lah a dingin bangtham ahi diei?” achi hi. 10Tuachi’n Jesu’n “Mipite tousah un” achi hi. Tua mun ah loupa tampi a pou a, mipite loupa tungah atou ua, atam lam uh tul nga vel ahi uhi. 11Tualeh Jesu’n tanghoute ala a, kipah thu agen zouin, nuazuite kungah ahawm a, anuazuiten mipi toute kungah ahawm uhi, tuabangmain Ngate zong adeikhop chiet uh ahawm uhi. 12Tuachi’n khamtaha aneh nua un, Aman anuazuite kungah, “Bangma amanthai louna dingin khamval nengthemte luoh un,” achi hi. 13Tuaziehin aluohkhawm ua, barli bu tanghou tun nga nete khamval nente, aluoh uh seu sawm leh ni adim hi. 14Tuachi’n Jesu sillamdang bawl amu un tua mipiten, Tam mipa leitunga guolnei hing pei dingpa ahi tahtah hi, achi uhi.
Jesu tuitunga apeina
(Mat. 14.22-23; Mak. 6.45-52)
15Tuachi’n Jesu’n amauh hing pei a thatang hat a Ama man a kumpipa a bawl ding ahi uh chi athei tahin, Amatangin muol tung lam ah akihemkheta hi. 16Tualeh nitah lam ahing hitahin anuazuite tuipi lam ah a peisuh ua, 17kuong khat ah atuong ua, Kapernaum lam zuon in tui tungah apeita uhi. Tualeh khuo a mielta a Jesu lah akung uah ahing pei nai sih hi. 18Huipi hattah ahing laan ziehin tuihuol sangpipi in akijawh hi. 19Tuachi’n tai thum ahiei, tai li ahiei, a jep nua un Jesu tui tunga akenga pei a, kuong lam hing zuon in amu ua, azau mama uhi. 20Hinanleh Aman akung uah, “Keima ka hi, zau sih un” achi hi. 21Tuachi’n amaun thanuom tahin kuong sung ah a tuongsah ua, tualeh kuong khu azotna gam uh atung paita hi.
Jesu’n hinna tanghou ahi dan agenna
22Azing ni’n tuipi gallang khat a ding mipiten anuazuite tuonna loungal kuong dang a um sih chi leh Jesu anuazuite toh kuongah atuong sih a, anuazuite amauh ngenin apeita uh chi amu uhi. 23Ahivang in Tiberia tuipi akipat in, Mangpa’n kipahthu agen zou a tanghou anehna mun kung ah kuong dang ahing tung uhi. 24Mipiten tua mun ah Jesu hileh a nuazuite hileh a um nawn sih uh chi athei tahun, ama u’zong kuong neute ah atuong ua, Jesu sui in Kapernaum khuo ahing tung uhi.
25Amaute’n tuipi gal lang khatlam a Ama amu tah un, akungah, “Rabbi bangchih a tana tung na hiei?” achi uhi. 26Jesu’n adawnga akung uah, “Noute thutah ka hing hil ahi. Sillamdangte na mu zieh ua hing sui na hi sih ua, hinanleh tanghou na ne ua na gilva zieh ua na hing sui uh ahi. 27Ann mangthang sui in phiephie sih unlen, Mihing Tapa in ahing pieh ding kumtawn hinna donga umden ding ann sui in phe zaw un. Pa Pasian in Ama tungah chiemtena a akoita hi.”
28Tuachi’n amaun akungah, “Pasian nna ka sep theina ding un, bang ahiei ka bawl ding uh?” achi uhi. 29Jesu’n adawnga akung uah, “Pasian nasep khu tami ahi: Ama mi sawlpa gintat khu,” achi hi. 30Tuaziehin amaun Akung ah, “Ahileh ka mu ua ka hing gintat theina dingun bang chiemtena na hing ensah diei? 31#Pawt. 16.4,15; Late. 78.24Ka pu ka pate un gamdai gamgaw mun ah manna ane uh; Aman van akipat in neh ding tanghou apie, chia kigiel bangin,” achi uhi.
32Tuachi’n Jesu’n akung uah, “Adihtah in ka hing hil ahi, Mosi in tua tanghou van a kipat in ahing pe sih a, hinanleh ka Pain Van a kipat in tanghou dihtah ahing pe zaw hi. 33Aziehpen Pasian tanghou khu van a kipat a hing kumsuh leitung kunga hinna pepa khu ahi,” achi hi. 34Amaun akungah, “Mangpa tam tanghou khu koute hing pe ngitnget in,” achi uhi.
35Jesu’n akung uah, “Kei hinna tanghou khu ka hi, koipou ka kunga hing pei agilkiel ngai sih dinga, tualeh koipou kei hing gingta khu adangta ngai sih ding hi. 36Hinanleh ka hing hil ahi, Nouten kei hing muta napi in zong na hing gingta sih uhi. 37Ka pa’n kei ahing pieh zousie ka kungah ahing pei ding, tualeh ka kunga hing pei pouma ka notdoh vawt sih ding. 38Aziehpen Keima deilam bawl dinga van apata hing peisuh ka hi sih a, ahing sawlpa deilam bawl dinga hing peisuh ka hi zaw hi. 39Tualeh Pa kei hing sawlpa deilam khu tami ahi. Aman ahing pieh zousie khatbeh mansuo lou a, hinanleh ni tawp ni chienga kaithou zaw ding in. 40Tualeh tam khu ahing sawlpa deilam ahi, koipou Tapa mu a gingta in kumtawn hinna anei a, tualeh ken ni tawpni chienga ama ka kaithaw khu ahi.”
41Tuachi’n Judate atungah aphun ua, “Kei van a kipat a Tanghou hing kumsuh ka hi” achi zieh in. 42Amauten “Tam mipa Jesu Joseph tapa hilou amah? Anu leh apa zong ithei uh hilou amah? Van a kipat a hing kumsuh ka hi bangchi dan a achi ahiei?” achi uhi.
43Tuaziehin Jesu’n adawnga, a kung uah “Phun phun sih un. 44Pa kei hing sawlpa’n ahiip sihleh koima ka kungah ahing pei thei sih hi, tualeh Ken ama ni tawpni chiengin ka kaithou ding hi. 45#Isai. 54.13Guolneite laibu ah: Pasian in amaute zousie ahil sieng ding, chi gel ahi. Tuaziehin michin Pa thu za a, thei pouma ka kungah ahing pei zel uhi. 46Mi koima’n Pa amu ngai sih, Pasian a kipat a hing peipa loungal in, Ama’n Pa amuta hi. 47Chitahtahin ka hing hil ahi, koipou kei hing gingtain kumtawn hinna aneita. 48Kei hinna tanghou khu ka hi. 49Na pu na pate un gamdai ah manna ane ua, hinanleh a shi uhi. 50Tami van a kipat a hing kumsuh mi’n aneh a a shi louna ding uh khu ahi. 51Kei van a kipat a tanghou hing, hing kumsuh khu ka hi, mi koiin zong tam tanghou aneh leh kumtawnin ahing ding uh, tualeh ka tanghou pieh ding khu leitung pumpi hinna dinga ka pieh ding ka tahsa ahi,” achi hi.
52Tuaziehin Judate akiniel ua, “Bangchidan a tam Mipa’n atahsa neh dinga pe thei ding ahiei,” achi uhi. 53Tuachi’n Jesu’n akung uah, “Chitahtah in ka hing hil ahi, Mihing Tapa tahsa na neh ua, tualeh asisan na dawn lou u’leh nouma ah hinna na nei sih uhi. 54Koipou ka tahsa ne a, tualeh ka sisan dawn in kumtawn hinna aneita; tualeh ken ama khu ni tawpni chiengin ka kaithou ding hi. 55Aziehpen ka tahsa khu neh ding ann ahi a, ahi tahpi a; tualeh ka sisan zong dawn ding tahpi ahi hi. 56Koizong ka tahsa ne a, Ka sisan dawn khu Keima ah a um zing a, tualeh kei ama ah ka um zing hi. 57Pa hingin kei ahing sawl bangin Pa zieha ka hin bangin, tuaziehin koi zong kei hing ne pouma keima zal in ahing ding hi. 58Tami vanna kipat a hing kumsuh tanghou hing khu ahi; na pu na pate un manna ane ua, ashi bang uh ahisih, koizong tami tanghou ne pouma khu kumtawn in ahing ding,” achi hi. 59Tam thute khu Jesu’n Kapernaum kikhopna inn a athuhil lai a agen ahi.
Nuazuite ginlana
60Tuaziehin anuazuite tampi in tam thu azah tahun, “Tampen thu hasa ahi, koiin atheisiem mawh diei?” achi uhi. 61Jesu’n tam thu ah anuazuite aphun uh chi alungsima athei tahin, akung uah, “Tam thuin noute ahing sulung nopmaw amah? 62Mihing Tapa tu masang a aumna a kaltou mu u’lachin bang na suohta ding uoi le? 63Hinna pie khu Hagau ahi, tahsa pen bangma aphatuom sih, na kung ua ka thugente Hagau ahi a, tualeh Hinna zong ahi. 64Hinanleh na lah uah gingtalou lawikhat na um uhi,” achi hi. Aziehpen Jesu’n achiil akipat a, agingtaloute leh Ama mansah dingpa atheisa ahi. 65Aman tuaziehin ahi, “Ka Pa’n phalna apieh sih leh koima ka kungah ahing pei thei sih hi, chia na kung ua ka gen,” achi hi.
66Tua hun a kipat in anuazuite tampi anua peita ua, Ama azui nawn sih uhi.
Peter in Jesu Khrist agintatna aphuonna
67Tuachi’n Jesu’n sawm leh nite kungah, “Noute zong na peimang ding uh amah?” achi hi. 68#Mat. 16.16; Mak. 8.29; Luk. 9.20Simon Peter in adawnga akungah, “Mangpa koi kungah ka pei ding uoi? Nangma’n kumtawn hinna thute na nei hi. 69Nang Pasian hing Tapa Khrist khu na hi chi ka gingta ua, thei zong ka thei uhi,” achi hi.
70Jesu’n amauh adawnga, “Ken nou sawm leh nite ka hing tel hilou na hi uoi mah? Na lah ua mi khat dawimangpa ahi.” 71Ama’n Simon tapa, Juda Iskariot thu agenna ahi; ama zong sawmlenite laha tel hinapi Jesu lebawl a mansah dingpa khu ahi.
सध्या निवडलेले:
JOHAN 6: ZOUBSI
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
JOHAN 6
6
Mipi tulnga vahna
1Tam silte nuain Jesu Galili tuipi, Tiberia zong kichi gal lamah apeita hi. 2Tuachi’n aman chinate tunga asil lamdang bawlte amu ziehun mipi tampiin Ama azui uhi. 3Jesu muol tungah akaltou a, tuanah anuazuite toh a tou uhi. 4Tualeh Judate peikan pawi hun a naita hi. 5Tuachi’n Jesu adah a, mi tampi akung lam zuon a hing pei amu in Philip kungah, “Tam mite neh ding tanghou hei a lei ding ihiei?” achi hi. 6Ama’n tam pen Philip ze etna ding a agen ahia, aziehpen Aman bang ahiei abawl ding atheisa ahi. 7Philip in “Michin in themkhat chiet a atan ding u’zong makhai#Makhai-Sap ham (Eng) Dinari akichi a, Romete sum ahi. zani man tanghou kiching nailou ding hi,” chiin adawng hi.
8Anuazuite lah a khat, Simon Peter sanggampa Andru in akungah, 9“Tanah naupang khat barli bu tanghou tun nga leh nga neu nou ni nei a um hi; ahivangin mi hizapi lah a dingin bangtham ahi diei?” achi hi. 10Tuachi’n Jesu’n “Mipite tousah un” achi hi. Tua mun ah loupa tampi a pou a, mipite loupa tungah atou ua, atam lam uh tul nga vel ahi uhi. 11Tualeh Jesu’n tanghoute ala a, kipah thu agen zouin, nuazuite kungah ahawm a, anuazuiten mipi toute kungah ahawm uhi, tuabangmain Ngate zong adeikhop chiet uh ahawm uhi. 12Tuachi’n khamtaha aneh nua un, Aman anuazuite kungah, “Bangma amanthai louna dingin khamval nengthemte luoh un,” achi hi. 13Tuaziehin aluohkhawm ua, barli bu tanghou tun nga nete khamval nente, aluoh uh seu sawm leh ni adim hi. 14Tuachi’n Jesu sillamdang bawl amu un tua mipiten, Tam mipa leitunga guolnei hing pei dingpa ahi tahtah hi, achi uhi.
Jesu tuitunga apeina
(Mat. 14.22-23; Mak. 6.45-52)
15Tuachi’n Jesu’n amauh hing pei a thatang hat a Ama man a kumpipa a bawl ding ahi uh chi athei tahin, Amatangin muol tung lam ah akihemkheta hi. 16Tualeh nitah lam ahing hitahin anuazuite tuipi lam ah a peisuh ua, 17kuong khat ah atuong ua, Kapernaum lam zuon in tui tungah apeita uhi. Tualeh khuo a mielta a Jesu lah akung uah ahing pei nai sih hi. 18Huipi hattah ahing laan ziehin tuihuol sangpipi in akijawh hi. 19Tuachi’n tai thum ahiei, tai li ahiei, a jep nua un Jesu tui tunga akenga pei a, kuong lam hing zuon in amu ua, azau mama uhi. 20Hinanleh Aman akung uah, “Keima ka hi, zau sih un” achi hi. 21Tuachi’n amaun thanuom tahin kuong sung ah a tuongsah ua, tualeh kuong khu azotna gam uh atung paita hi.
Jesu’n hinna tanghou ahi dan agenna
22Azing ni’n tuipi gallang khat a ding mipiten anuazuite tuonna loungal kuong dang a um sih chi leh Jesu anuazuite toh kuongah atuong sih a, anuazuite amauh ngenin apeita uh chi amu uhi. 23Ahivang in Tiberia tuipi akipat in, Mangpa’n kipahthu agen zou a tanghou anehna mun kung ah kuong dang ahing tung uhi. 24Mipiten tua mun ah Jesu hileh a nuazuite hileh a um nawn sih uh chi athei tahun, ama u’zong kuong neute ah atuong ua, Jesu sui in Kapernaum khuo ahing tung uhi.
25Amaute’n tuipi gal lang khatlam a Ama amu tah un, akungah, “Rabbi bangchih a tana tung na hiei?” achi uhi. 26Jesu’n adawnga akung uah, “Noute thutah ka hing hil ahi. Sillamdangte na mu zieh ua hing sui na hi sih ua, hinanleh tanghou na ne ua na gilva zieh ua na hing sui uh ahi. 27Ann mangthang sui in phiephie sih unlen, Mihing Tapa in ahing pieh ding kumtawn hinna donga umden ding ann sui in phe zaw un. Pa Pasian in Ama tungah chiemtena a akoita hi.”
28Tuachi’n amaun akungah, “Pasian nna ka sep theina ding un, bang ahiei ka bawl ding uh?” achi uhi. 29Jesu’n adawnga akung uah, “Pasian nasep khu tami ahi: Ama mi sawlpa gintat khu,” achi hi. 30Tuaziehin amaun Akung ah, “Ahileh ka mu ua ka hing gintat theina dingun bang chiemtena na hing ensah diei? 31#Pawt. 16.4,15; Late. 78.24Ka pu ka pate un gamdai gamgaw mun ah manna ane uh; Aman van akipat in neh ding tanghou apie, chia kigiel bangin,” achi uhi.
32Tuachi’n Jesu’n akung uah, “Adihtah in ka hing hil ahi, Mosi in tua tanghou van a kipat in ahing pe sih a, hinanleh ka Pain Van a kipat in tanghou dihtah ahing pe zaw hi. 33Aziehpen Pasian tanghou khu van a kipat a hing kumsuh leitung kunga hinna pepa khu ahi,” achi hi. 34Amaun akungah, “Mangpa tam tanghou khu koute hing pe ngitnget in,” achi uhi.
35Jesu’n akung uah, “Kei hinna tanghou khu ka hi, koipou ka kunga hing pei agilkiel ngai sih dinga, tualeh koipou kei hing gingta khu adangta ngai sih ding hi. 36Hinanleh ka hing hil ahi, Nouten kei hing muta napi in zong na hing gingta sih uhi. 37Ka pa’n kei ahing pieh zousie ka kungah ahing pei ding, tualeh ka kunga hing pei pouma ka notdoh vawt sih ding. 38Aziehpen Keima deilam bawl dinga van apata hing peisuh ka hi sih a, ahing sawlpa deilam bawl dinga hing peisuh ka hi zaw hi. 39Tualeh Pa kei hing sawlpa deilam khu tami ahi. Aman ahing pieh zousie khatbeh mansuo lou a, hinanleh ni tawp ni chienga kaithou zaw ding in. 40Tualeh tam khu ahing sawlpa deilam ahi, koipou Tapa mu a gingta in kumtawn hinna anei a, tualeh ken ni tawpni chienga ama ka kaithaw khu ahi.”
41Tuachi’n Judate atungah aphun ua, “Kei van a kipat a Tanghou hing kumsuh ka hi” achi zieh in. 42Amauten “Tam mipa Jesu Joseph tapa hilou amah? Anu leh apa zong ithei uh hilou amah? Van a kipat a hing kumsuh ka hi bangchi dan a achi ahiei?” achi uhi.
43Tuaziehin Jesu’n adawnga, a kung uah “Phun phun sih un. 44Pa kei hing sawlpa’n ahiip sihleh koima ka kungah ahing pei thei sih hi, tualeh Ken ama ni tawpni chiengin ka kaithou ding hi. 45#Isai. 54.13Guolneite laibu ah: Pasian in amaute zousie ahil sieng ding, chi gel ahi. Tuaziehin michin Pa thu za a, thei pouma ka kungah ahing pei zel uhi. 46Mi koima’n Pa amu ngai sih, Pasian a kipat a hing peipa loungal in, Ama’n Pa amuta hi. 47Chitahtahin ka hing hil ahi, koipou kei hing gingtain kumtawn hinna aneita. 48Kei hinna tanghou khu ka hi. 49Na pu na pate un gamdai ah manna ane ua, hinanleh a shi uhi. 50Tami van a kipat a hing kumsuh mi’n aneh a a shi louna ding uh khu ahi. 51Kei van a kipat a tanghou hing, hing kumsuh khu ka hi, mi koiin zong tam tanghou aneh leh kumtawnin ahing ding uh, tualeh ka tanghou pieh ding khu leitung pumpi hinna dinga ka pieh ding ka tahsa ahi,” achi hi.
52Tuaziehin Judate akiniel ua, “Bangchidan a tam Mipa’n atahsa neh dinga pe thei ding ahiei,” achi uhi. 53Tuachi’n Jesu’n akung uah, “Chitahtah in ka hing hil ahi, Mihing Tapa tahsa na neh ua, tualeh asisan na dawn lou u’leh nouma ah hinna na nei sih uhi. 54Koipou ka tahsa ne a, tualeh ka sisan dawn in kumtawn hinna aneita; tualeh ken ama khu ni tawpni chiengin ka kaithou ding hi. 55Aziehpen ka tahsa khu neh ding ann ahi a, ahi tahpi a; tualeh ka sisan zong dawn ding tahpi ahi hi. 56Koizong ka tahsa ne a, Ka sisan dawn khu Keima ah a um zing a, tualeh kei ama ah ka um zing hi. 57Pa hingin kei ahing sawl bangin Pa zieha ka hin bangin, tuaziehin koi zong kei hing ne pouma keima zal in ahing ding hi. 58Tami vanna kipat a hing kumsuh tanghou hing khu ahi; na pu na pate un manna ane ua, ashi bang uh ahisih, koizong tami tanghou ne pouma khu kumtawn in ahing ding,” achi hi. 59Tam thute khu Jesu’n Kapernaum kikhopna inn a athuhil lai a agen ahi.
Nuazuite ginlana
60Tuaziehin anuazuite tampi in tam thu azah tahun, “Tampen thu hasa ahi, koiin atheisiem mawh diei?” achi uhi. 61Jesu’n tam thu ah anuazuite aphun uh chi alungsima athei tahin, akung uah, “Tam thuin noute ahing sulung nopmaw amah? 62Mihing Tapa tu masang a aumna a kaltou mu u’lachin bang na suohta ding uoi le? 63Hinna pie khu Hagau ahi, tahsa pen bangma aphatuom sih, na kung ua ka thugente Hagau ahi a, tualeh Hinna zong ahi. 64Hinanleh na lah uah gingtalou lawikhat na um uhi,” achi hi. Aziehpen Jesu’n achiil akipat a, agingtaloute leh Ama mansah dingpa atheisa ahi. 65Aman tuaziehin ahi, “Ka Pa’n phalna apieh sih leh koima ka kungah ahing pei thei sih hi, chia na kung ua ka gen,” achi hi.
66Tua hun a kipat in anuazuite tampi anua peita ua, Ama azui nawn sih uhi.
Peter in Jesu Khrist agintatna aphuonna
67Tuachi’n Jesu’n sawm leh nite kungah, “Noute zong na peimang ding uh amah?” achi hi. 68#Mat. 16.16; Mak. 8.29; Luk. 9.20Simon Peter in adawnga akungah, “Mangpa koi kungah ka pei ding uoi? Nangma’n kumtawn hinna thute na nei hi. 69Nang Pasian hing Tapa Khrist khu na hi chi ka gingta ua, thei zong ka thei uhi,” achi hi.
70Jesu’n amauh adawnga, “Ken nou sawm leh nite ka hing tel hilou na hi uoi mah? Na lah ua mi khat dawimangpa ahi.” 71Ama’n Simon tapa, Juda Iskariot thu agenna ahi; ama zong sawmlenite laha tel hinapi Jesu lebawl a mansah dingpa khu ahi.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.