Mariko 5
5
Oyu ri kwebirimu bingi
1Mobahika eyisiria yengetsi, omo kihugo kya baGerase. 2Abere abilwa omo bwato, neryo-neryo omundu oyuri kwekirimu kibi mwahindana naye akalwa omo masinda; 3oyo wabya ikere omo masinda: isihari mundu oyu wangatoka erimuboha kandi, kutse omo buhurura; 4kusangwa abya iniabohire engendo nyingi omo muliki namahulula, nikwa mwananulago amahulula, nemiliki mwatsutsangayo; isihari omundu wabya namaka werimukinda. 5Omo kiro nomwitungi iniakabugabuga omo masinda noko bitwa, akayihutalya omo mabwe.
6Neryo alangira Yesu iniakine hali, mwatibita mwa mukukamira; 7mwabirikira nomulenge munene ati, Wanga kolaki kwingye, We Yesu oMugala woMungu wEndata koByosi kwehi? Ngakulahiriraya oko Mungu, sunyihutalaye. 8Ku sangwa iniamabibuga nomundu oyo ati, uwe kirimu kibi umelweko! 9Kandi Yesu mwamubulya ati, Erina ryawe uwendi kwehi? Naye mwasubirya ati, Erina ryage ni Milondo; kusangwa turi bangi. 10Neryo mobyamugo-ngagonga biti siahigebyo erilwa omo kihugo. 11Neryo habya ekihyo kinene kesyongurube, sikalira oko kitwa; 12kandi mobyamugonga gonga biti, Ututume omo syongurube, twingire musyo. 13Neryo mwaligirabyo. Nebirimu bibi mobyalwamo, mo bingira omo syongurube; nekihyo, eriganza ryakyo hakuhi nesyoelfu ibiri, mosykimira omo ngetsi sikalwa oko kitwa, mosyasenda omo ngetsi.
14Nabarisya mobatibita, mobayatulago oko muyi nomo kihugo ekyo, Nabandu mobasa erisyalebya kobyabere. 15Mo bahika oko Yesu, mobalangira omundu oyu wabya kwe syo mbinga inianikere, inianambite iniawite amenge ngabandi, omundu yowabya kwemilondo yebirimu; mobubaha. 16Naba langira omwatsi oyo mobatulago ekyabere oko wesyombinga noko syongurube. 17Neryo mobatsuka erigo Yesu alwe omo kihugo kyabo. 18Naye omugulu abingira omo bwato, omundu oyo wabya kwembinga mwamugonga-gonga ati, abye naye. 19Nikwa mwagana, mwabuga naye ati, Uye eka wawe eiri abira bawe, ubwirebo ebyo Mukama abiriku kolera, ngoko abirikuganyira. 20Naye mwagenda mwatsuka eritulago eDekapoli ebyo Yesu abirimukolera byosi; nabandu bosi mobasweka.
Mzuali waYairo
21Neryo Yesu abere abisokera eyisiria kandi omo bwato, endeko nene moyahindana erimutimbako; naye abya oko musike wengetsi. 22Neryo muguma woko bakama benyumba yerihindana, erina riwe Yairo; mwasa mwamulolako, mwagwa oko bisandu biwe, 23mwamugonga-gonga kutsibu, ati, Kali kage kakahola. Wase umuhire kwebyala byawe iniatoka erilamibwa neribyaho. 24Neryo mwagenda naye.
Nendeko nene moyamukwama moyamuhatatania. 25Neryo habya omukali oyo wabya iniakwire erisenda ryomusasi emituta erikumi nibiri, 26iniabiriagalwa kutsibu omo byala byabasaki bangi, iniabiririha ebyosi abye awite isiaritabukabuka nikwa iniabiritoha. 27Abere owa engulu ya Yesu, neryo mwamwasira kwemugongo omo ndeko mwatula oko lukimba luwe. 28Ku sangwa mwayibwira ati, Namatula oko lukimba luwe lusa, ngandilamibwa. 29Neryo-neryo erisenda ryomusasi moryoma; naye mowa omo mubiri wuwe kwamalama endwala yiwe. 30Kandi Yesu, eriminya omwisi wuwe kwakagala kabirimu lwako, mwabindukira endeko neryo-neryo, mwabulya ati, Ni ndi wamatula oko syongimba syage kwehi? 31Abiga buwe mobamusubirya bati; Unalangire kwendeko ikakuhatatanaya, kandi ukabuga uti, Nindi wamanyitulako kwehi? 32Naye mwatimbya meso erilebya oyu riakola atya. 33Nikwa omukali inianasi ekyamamubyako, mwasa neriubaha nerititimana mwa gwa ahisi embere siwe, mwamubwira ebyekwenene byosi. 34Naye mwabuga naye, ati, Mwali wage, erikirirya ryawe ryamakulamya; ugende buholo, ulamibawe kwendwala yawe.
35Abere anemobuga, abandi benyumba yomurongani we nyumba yerihindana bati, Mwali wawe abirihola. Ukinaswalu hiraya oMukangirirya yoki kwehi? 36Nikwa Yesu mwatahira mwebyo babuga momatwi mwabwira omurongani wenyumba yerihindana ati, Sigubahe, wikiriraye risa. 37Neryo mwataliga ogundi mundu akamukwama nina Petero na Yakobo na Yoane mugala wabo Yakobo. 38Babere bahika oko nyumba yomurongani wenyumba yerihindana, mwalangira olukanda naba karira nerisusumana kutsibu. 39Neryo abere ingira, mwabuga nabo ati, Busana naki mukabugaya olukanda neririra kwehi? Omwana siaholire nikwa agotsere. 40Mobamuseka kutsibu, Nikwa mwahulukiryabo eyihya abosi, mwimya ise womwana na nyinya nababya haguma naye, mwaya aho omwana ari. 41Mwamuwata oko byala mwamubwira ati, Talita kumi; eribindula ambu, Akana karo, ngabuga nawe nyiti, Hangana. 42Neryo-neryo akana kato mokahangana mokalendera; ku sangwa amatabuga emituta erikumi nibiri abutirwe. Neryo neryo mobasweka nerisweka inene. 43Neryo mwategekabo kutsibu sihabye mundu oyu kaminya eki, neryo mwabwirabo bamuhe akerirya.
सध्या निवडलेले:
Mariko 5: NTN62
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Le Nouveau Testament et les Psaumes en Ndandi © British and Foreign Bible Society, 1962.