JUAN 12
12
Betania llaqtapi q'apaq hawinawan hawisqa kasqan
(Mt 26.6-13; Mr 14.3-9)
1Diospa Alqaspa Pasarparisqan Yuyarina Fiestapaq soqta p'unchayraq kashaqtinmi, Jesusqa kawsarichisqan Lazaroq llaqtan Betaniata rirqan. 2Chaypin cenayta Jesuspaq wayk'urqanku. Martan servirqan, Lazarotaq Jesuswan mikhunanpaq tiyaqkunamanta huknin karqan. 3Mariataqmi ancha chaniyoq huk botella nardo q'apaq hawina aceitewan Jesuspa chakinta hawiykurqan, hinaspan chukchanwan ch'akichirqan. Wasimantaqmi hawinaq q'apaynin hunt'aykurqan. 4-5Hinan Jesusta hap'ichinanpaq kaq, yachachisqanmanta huknin, Judas Iscarioteqa nirqan: —Kay q'apaq hawinaqa kinsa pachak jornal qolqemanmi vendekunman karqan, hinaspan wakchakunaman qosqa kanman karqan, nispa. Judasqa yachachisqankunaq hukninmi karqan, paymi Jesusta hap'ichiqqa karqan. 6Chaytaqa nirqan manan wakchakunata khuyapayaspachu, aswanpas suwa kaspanmi. Paymi qolqe hap'iq karqan, hinaspan chay qolqemanta suwakullaqpuni.
7Chaymi Jesusqa nirqan: —Ama kay warmita hark'aychu, p'ampasqa kanay p'unchaypaqmi kaytaqa waqaychasharqan. 8Wakchakunaqa qankunawanmi kashallanqapuni, ñoqan ichaqa mana tukuy tiempochu qankunawan kasaq, nispa.
Lazarota wañuchinapaq rimanakusqanku
9Askha runakunan yacharqanku Jesuspa Betaniapi kashasqanta, hinaspan rirqanku Jesusta qhawaq, wañusqanmanta kawsarichisqan Lazarotawan qhawaq. 10Chaymi sacerdote umallikunaqa Lazarotapas wañuchinankupaq rimanakurqanku, 11Lázaro hawa askha runakuna paykunamanta t'aqakuspa Jesuspi iñiqtinku.
Jesuspa Jerusalén llaqtaman haykusqan
(Mt 21.1-11; Mr 11.1-11; Lc 19.28-40)
12Qhepantin p'unchaymi fiestaman riq askha runakuna Jerusalén llaqtaman Jesuspa rishasqanta yachaspa, 13palma k'allma hap'intinkama payta chaskiq lloqsirqanku, hinaspan kunkayoqta nirqanku:
¡Yupaychasqa kachun!
¡Saminchasqa kachun Señor Diospa sutinpi hamuqqa!
¡Saminchasqa kachun Israelpa reyninqa! nispa.
14Jesusmi malta asnota tarispa chaypi sillaykukurqan. Diospa Simin Qelqan nin:
15Ama manchakuychu, Sión llaqta,
qhawariy, Reyniykin hamushan
huk malta asnopi sillaykusqa, nispa.
16Chaykunatan yachachisqankunaqa chaypacha mana entienderqankuchu, ichaqa Jesús hanaq pachaman wichapuqtinñan yuyarirqanku chaykunaqa paymanta qelqasqa kasqanta, chaykunata Jesuspaq ruwasqankutawan.
17Jesuswan kashaq runakunan willakurqanku imaynatachus Jesusqa Lazarota aya p'ampana t'oqomanta waqyaspa wañusqanmanta kawsarichisqanta. 18Chaymi askha runakuna Jesusman taripaq lloqsirqanku, chay milagro ruwasqanta yachasqankurayku. 19Hinan fariseokunaqa*f** ninakurqanku: —Rikushanchismi, manan ima ruwaytapas atinchischu. Qhawariychis, llapallanmi paypa qhepanta ripushanku, nispa.
Griegokunaq Jesusta maskhasqanku
20Fiestapi yupaychanankupaq Jerusalenman wichariqkunataq wakin karqan Greciamanta kaq runakuna. 21Paykunan, Galileapi Betsaida llaqtayoq Felipeman asuykuspa valekurqanku: —Wiraqocháy, Jesús rikuytan munashayku, nispa.
22Hinan Felipeqa rispa Andresman willamurqan, Andrestaq Felipewan rispa chayta Jesusman willamurqanku. 23Chaymi Jesusqa paykunata nirqan: —Ñan tiempoña Diospa Kachamusqan Runa hatunchasqa kanaypaq. 24Cheqaqtapunin niykichis, trigo ruruchus yapusqaman mana chayanchu, manataq wañunpaschu chayqa, sapallanmi qhepan, wañuspanmi ichaqa askhata rurun. 25Kawsayninta munakuqqa chinkachinqan, kay pachapi kawsayninta cheqnikuqtaqmi wiñay kawsaypaq waqaychanqa. 26Pipas serviwaqqa qhepayta hamuchun, serviqniyqa maypichus kasqaypin kallanqataq. Pipas serviwaqniytaqa Yayaymi hatunchanqa.
Wañunanmanta Jesuspa willakusqan
27Kunanmi almayqa sinchi llakisqa kashan. ¿Ima nisaqtaq? Icha, ¿Yayáy, kay llakikuymanta qespichiway, nisaqchu? Manan, aswanpas ñak'ariqpunin hamurqani. 28Yayáy, sutiykita hatunchay, nispa.
Hinan hanaq pachamanta huk kunka nimurqan: —Hatuncharqaniñan, wakmantataq hatunchasaq, nispa.
29Chaypi kashaq runakunataq kunkata uyarispa nirqanku: —Q'aqyaqeqpa kunununuyninmi, nispa.
Wakintaq nirqanku: —Angelmi payta rimaykamun, nispa.
30Hinan Jesusqa nirqan: —Manan ñoqaraykuchu kay kunkaqa uyarikun, aswanpas qankunaraykun. 31Kunanmi kay pachapi kaqkunaqa juzgasqa kanqa, kunanmi kay pachapi kamachikuq supaypas qarqosqa kanqa. 32Chakatawaqtinkun ichaqa llapa runata ñoqa kikiyman asuykachikamusaq, nispa. 33Chaytaqa nirqan imaynatachus wañunanta entiendechispanmi.
34Chaymi runakunaqa payta nirqanku: —Ñoqaykuqa kamachikuy simipin yacharqayku Diospa Akllasqan Cristoqa wiñaypaq kawsananta. ¿Imaynataq qanri ninki: Diospa Kachamusqan Runaqa chakatasqapunin kanan, nispayki? ¿Pitaq chay Runaqa? nispa.
35Hinan Jesusqa paykunata nirqan: —Pisi tiempollatañan k'anchayqa qankunawan kanqa, k'anchay qankunawan kashaqtinraq puriychis ama laqhayaq hap'inasuykichispaq. Laqhayaqpi puriqqa manan yachanchu maytachus risqantapas. 36K'anchay qankunawan kashaqtinqa k'anchaypi iñiychis, k'anchaypi kashaq runakuna kanaykichispaq, nispa. Chaykunatan Jesusqa rimarqan, hinaspan ripuspa paykunamanta pakakurqan.
Runakunaq mana iñisqan
37Jesuspiqa manan runakunaqa iñirqankuchu askha milagrokunataña ñawpaqenkupi ruwashaqtinpas. 38Chaykunan karqan profeta*f** Isaiaspa qelqasqan hunt'akunanpaq. Paymi nirqan:
Señor, ¿pitaq creerqan willasqaykuta?
¿Pimantaq Señor Diosqa atiyninta rikuchirqan? nispa.
39-40Isaiasmi nillarqantaq:
Diosmi nin:
Ñawinkutan ñawsayachirqani,
sonqonkutan rumiyachirqani,
ñawinkuwan ama rikunankupaq,
sonqonkuwan ama entiendenankupaq,
ahinapi ama kutirikamuwanankupaq,
ama qhaliyachinaypaqwan, nispa.
Chaymi mana iñiyta atirqankuchu. 41Chaykunatan Isaiasqa nirqan Jesuspa ancha musphana kasqanta rikuspa, chaymi paymanta rimarqan.
42Chaywanpas, Judío umallikunamantaqa askhan Jesuspi iñirqanku, ichaqa fariseokunata*f** manchakuspankun mana rimarirqankuchu, Diosmanta yachachina wasimanta ama qarqosqa kanankupaq. 43Paykunaqa runakunaq hatunchanantan astawanqa munarqanku Diospa hatunchananmantaqa, nispa.
Jesuspa simin juzgananmanta
44Jesusmi kunkayoqta nirqan: —Pipas ñoqapi iñiqqa manan ñoqallapichu iñin, aswanpas kachamuwaqniypiwanmi. 45Pipas ñoqata rikuqqa kachamuwaqniytapas rikunmi. 46Ñoqa k'anchaymi kay pachaman hamuni, pipas ñoqapi iñiqqa mana laqhayaqpi kananpaq. 47Pipas simiykunata uyarishaspa chaykunata mana hunt'aqtaqa manan ñoqachu huchachasaq. Manan runakunata huchachanaypaqchu hamuni, aswanpas runakunata qespichinaypaqmi. 48Pipas pisichawaspa simiykunata mana kasukunqachu chayqa, kanmi payta huchachaq. Rimasqay simin p'uchukay p'unchaypi paytaqa huchachanqa. 49Manan ñoqaqa kikillaymantachu rimani, aswanpas kachamuwaqniy Yayan kamachiwarqan imatachus rimanaytapas yachachinaytapas. 50Yachanitaqmi kamachikuyninqa wiñaypaq kawsachiq kasqanta. Chaymi rimaspayqa Yayaq kamachiwasqanman hina rimani, nispa.
सध्या निवडलेले:
JUAN 12: QC88
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.
JUAN 12
12
Betania llaqtapi q'apaq hawinawan hawisqa kasqan
(Mt 26.6-13; Mr 14.3-9)
1Diospa Alqaspa Pasarparisqan Yuyarina Fiestapaq soqta p'unchayraq kashaqtinmi, Jesusqa kawsarichisqan Lazaroq llaqtan Betaniata rirqan. 2Chaypin cenayta Jesuspaq wayk'urqanku. Martan servirqan, Lazarotaq Jesuswan mikhunanpaq tiyaqkunamanta huknin karqan. 3Mariataqmi ancha chaniyoq huk botella nardo q'apaq hawina aceitewan Jesuspa chakinta hawiykurqan, hinaspan chukchanwan ch'akichirqan. Wasimantaqmi hawinaq q'apaynin hunt'aykurqan. 4-5Hinan Jesusta hap'ichinanpaq kaq, yachachisqanmanta huknin, Judas Iscarioteqa nirqan: —Kay q'apaq hawinaqa kinsa pachak jornal qolqemanmi vendekunman karqan, hinaspan wakchakunaman qosqa kanman karqan, nispa. Judasqa yachachisqankunaq hukninmi karqan, paymi Jesusta hap'ichiqqa karqan. 6Chaytaqa nirqan manan wakchakunata khuyapayaspachu, aswanpas suwa kaspanmi. Paymi qolqe hap'iq karqan, hinaspan chay qolqemanta suwakullaqpuni.
7Chaymi Jesusqa nirqan: —Ama kay warmita hark'aychu, p'ampasqa kanay p'unchaypaqmi kaytaqa waqaychasharqan. 8Wakchakunaqa qankunawanmi kashallanqapuni, ñoqan ichaqa mana tukuy tiempochu qankunawan kasaq, nispa.
Lazarota wañuchinapaq rimanakusqanku
9Askha runakunan yacharqanku Jesuspa Betaniapi kashasqanta, hinaspan rirqanku Jesusta qhawaq, wañusqanmanta kawsarichisqan Lazarotawan qhawaq. 10Chaymi sacerdote umallikunaqa Lazarotapas wañuchinankupaq rimanakurqanku, 11Lázaro hawa askha runakuna paykunamanta t'aqakuspa Jesuspi iñiqtinku.
Jesuspa Jerusalén llaqtaman haykusqan
(Mt 21.1-11; Mr 11.1-11; Lc 19.28-40)
12Qhepantin p'unchaymi fiestaman riq askha runakuna Jerusalén llaqtaman Jesuspa rishasqanta yachaspa, 13palma k'allma hap'intinkama payta chaskiq lloqsirqanku, hinaspan kunkayoqta nirqanku:
¡Yupaychasqa kachun!
¡Saminchasqa kachun Señor Diospa sutinpi hamuqqa!
¡Saminchasqa kachun Israelpa reyninqa! nispa.
14Jesusmi malta asnota tarispa chaypi sillaykukurqan. Diospa Simin Qelqan nin:
15Ama manchakuychu, Sión llaqta,
qhawariy, Reyniykin hamushan
huk malta asnopi sillaykusqa, nispa.
16Chaykunatan yachachisqankunaqa chaypacha mana entienderqankuchu, ichaqa Jesús hanaq pachaman wichapuqtinñan yuyarirqanku chaykunaqa paymanta qelqasqa kasqanta, chaykunata Jesuspaq ruwasqankutawan.
17Jesuswan kashaq runakunan willakurqanku imaynatachus Jesusqa Lazarota aya p'ampana t'oqomanta waqyaspa wañusqanmanta kawsarichisqanta. 18Chaymi askha runakuna Jesusman taripaq lloqsirqanku, chay milagro ruwasqanta yachasqankurayku. 19Hinan fariseokunaqa*f** ninakurqanku: —Rikushanchismi, manan ima ruwaytapas atinchischu. Qhawariychis, llapallanmi paypa qhepanta ripushanku, nispa.
Griegokunaq Jesusta maskhasqanku
20Fiestapi yupaychanankupaq Jerusalenman wichariqkunataq wakin karqan Greciamanta kaq runakuna. 21Paykunan, Galileapi Betsaida llaqtayoq Felipeman asuykuspa valekurqanku: —Wiraqocháy, Jesús rikuytan munashayku, nispa.
22Hinan Felipeqa rispa Andresman willamurqan, Andrestaq Felipewan rispa chayta Jesusman willamurqanku. 23Chaymi Jesusqa paykunata nirqan: —Ñan tiempoña Diospa Kachamusqan Runa hatunchasqa kanaypaq. 24Cheqaqtapunin niykichis, trigo ruruchus yapusqaman mana chayanchu, manataq wañunpaschu chayqa, sapallanmi qhepan, wañuspanmi ichaqa askhata rurun. 25Kawsayninta munakuqqa chinkachinqan, kay pachapi kawsayninta cheqnikuqtaqmi wiñay kawsaypaq waqaychanqa. 26Pipas serviwaqqa qhepayta hamuchun, serviqniyqa maypichus kasqaypin kallanqataq. Pipas serviwaqniytaqa Yayaymi hatunchanqa.
Wañunanmanta Jesuspa willakusqan
27Kunanmi almayqa sinchi llakisqa kashan. ¿Ima nisaqtaq? Icha, ¿Yayáy, kay llakikuymanta qespichiway, nisaqchu? Manan, aswanpas ñak'ariqpunin hamurqani. 28Yayáy, sutiykita hatunchay, nispa.
Hinan hanaq pachamanta huk kunka nimurqan: —Hatuncharqaniñan, wakmantataq hatunchasaq, nispa.
29Chaypi kashaq runakunataq kunkata uyarispa nirqanku: —Q'aqyaqeqpa kunununuyninmi, nispa.
Wakintaq nirqanku: —Angelmi payta rimaykamun, nispa.
30Hinan Jesusqa nirqan: —Manan ñoqaraykuchu kay kunkaqa uyarikun, aswanpas qankunaraykun. 31Kunanmi kay pachapi kaqkunaqa juzgasqa kanqa, kunanmi kay pachapi kamachikuq supaypas qarqosqa kanqa. 32Chakatawaqtinkun ichaqa llapa runata ñoqa kikiyman asuykachikamusaq, nispa. 33Chaytaqa nirqan imaynatachus wañunanta entiendechispanmi.
34Chaymi runakunaqa payta nirqanku: —Ñoqaykuqa kamachikuy simipin yacharqayku Diospa Akllasqan Cristoqa wiñaypaq kawsananta. ¿Imaynataq qanri ninki: Diospa Kachamusqan Runaqa chakatasqapunin kanan, nispayki? ¿Pitaq chay Runaqa? nispa.
35Hinan Jesusqa paykunata nirqan: —Pisi tiempollatañan k'anchayqa qankunawan kanqa, k'anchay qankunawan kashaqtinraq puriychis ama laqhayaq hap'inasuykichispaq. Laqhayaqpi puriqqa manan yachanchu maytachus risqantapas. 36K'anchay qankunawan kashaqtinqa k'anchaypi iñiychis, k'anchaypi kashaq runakuna kanaykichispaq, nispa. Chaykunatan Jesusqa rimarqan, hinaspan ripuspa paykunamanta pakakurqan.
Runakunaq mana iñisqan
37Jesuspiqa manan runakunaqa iñirqankuchu askha milagrokunataña ñawpaqenkupi ruwashaqtinpas. 38Chaykunan karqan profeta*f** Isaiaspa qelqasqan hunt'akunanpaq. Paymi nirqan:
Señor, ¿pitaq creerqan willasqaykuta?
¿Pimantaq Señor Diosqa atiyninta rikuchirqan? nispa.
39-40Isaiasmi nillarqantaq:
Diosmi nin:
Ñawinkutan ñawsayachirqani,
sonqonkutan rumiyachirqani,
ñawinkuwan ama rikunankupaq,
sonqonkuwan ama entiendenankupaq,
ahinapi ama kutirikamuwanankupaq,
ama qhaliyachinaypaqwan, nispa.
Chaymi mana iñiyta atirqankuchu. 41Chaykunatan Isaiasqa nirqan Jesuspa ancha musphana kasqanta rikuspa, chaymi paymanta rimarqan.
42Chaywanpas, Judío umallikunamantaqa askhan Jesuspi iñirqanku, ichaqa fariseokunata*f** manchakuspankun mana rimarirqankuchu, Diosmanta yachachina wasimanta ama qarqosqa kanankupaq. 43Paykunaqa runakunaq hatunchanantan astawanqa munarqanku Diospa hatunchananmantaqa, nispa.
Jesuspa simin juzgananmanta
44Jesusmi kunkayoqta nirqan: —Pipas ñoqapi iñiqqa manan ñoqallapichu iñin, aswanpas kachamuwaqniypiwanmi. 45Pipas ñoqata rikuqqa kachamuwaqniytapas rikunmi. 46Ñoqa k'anchaymi kay pachaman hamuni, pipas ñoqapi iñiqqa mana laqhayaqpi kananpaq. 47Pipas simiykunata uyarishaspa chaykunata mana hunt'aqtaqa manan ñoqachu huchachasaq. Manan runakunata huchachanaypaqchu hamuni, aswanpas runakunata qespichinaypaqmi. 48Pipas pisichawaspa simiykunata mana kasukunqachu chayqa, kanmi payta huchachaq. Rimasqay simin p'uchukay p'unchaypi paytaqa huchachanqa. 49Manan ñoqaqa kikillaymantachu rimani, aswanpas kachamuwaqniy Yayan kamachiwarqan imatachus rimanaytapas yachachinaytapas. 50Yachanitaqmi kamachikuyninqa wiñaypaq kawsachiq kasqanta. Chaymi rimaspayqa Yayaq kamachiwasqanman hina rimani, nispa.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.