JUAN 13
13
Jesuspa yachachisqankunaq chakinta mayllisqan
1Diospa Alqaspa Pasarparisqan Yuyarina Fiesta ñawpaqtaraqmi Jesusqa kay pachamanta Yayanman kutipunanpaq tiempo chayamusqanta yacharqan. Imaynatachus kay pachapi paypa kaqkunata munakuqpuni, ahinatan paykunataqa tukukuykama munakurqan.
2Jesusqa yachachisqankunawan manaraq cenashaqtinkun, supayqa Simonpa churin Judas Iscarioteta sonqonpi yuyaykachirqanña Jesusta hap'ichinanpaq. 3Jesusqa yacharqanmi lliw atiyta Yayaq payman qosqanta, Diosmanta hamusqantapas, Diosman kutipunantapas. 4Cenasqanmanta hatarispataqmi pata p'achanta ch'utikuspa toallawan cinturanta wataykukurqan. 5Hinaspan puruñaman unuta hich'aykuspa yachachisqakunaq chakin maylliyta qallarirqan, watakusqan toallawantaq ch'akichirqan.
6Simón Pedroman qayllaykuqtintaq Pedroqa nirqan: —Señorníy, ¿qanchu chakiyta maylliwankiman? nispa.
7Jesustaq nirqan: —Kunanqa manan entiendenkichu kay ruwasqayta, qhepamanñan entiendenki, nispa.
8Chaymi Pedroqa nirqan: —Manapunin chakiytaqa maylliwankimanchu, nispa.
Jesustaq payta nirqan: —Mana maylliqtiyqa manan ñoqawanñachu kanki, nispa.
9Hinan Simón Pedroqa nirqan: —Señorníy, ama chakillaytachu maylliway, aswanpas makiytawan umaytawan, nispa.
10Jesustaq payta nirqan: —Bañasqa kaqqa limpioñan, chakillantañan mayllikunan. Qankunaqa limpioñan kashankichis, ichaqa manan llapaykichischu, nispa. 11(Jesusqa yacharqanmi pichus payta hap'ichinanta, chaymi nirqan: —Manan llapaykichischu limpioqa kashankichis, nispa).
12Chakinkuta maylliyta tukuspataq pata p'achanwan churaykukuspa wakmanta tiyaykurqan, hinaspan paykunata nirqan: —¿Entiendenkichischu imatachus ruwarqaykichis chayta? 13Qankunan niwankichis: Yachachikuq, Señor, nispa, chaytaqa allintan ninkichis, chaypunin kani. 14Ñoqa Señorpas Yachachikuqpas kashaspay chakiykichista maylliqtiyqa, qankunapas chakiykichista mayllinakunaykichismi. 15Yachaqakunaykichispaqmi rikuchiykichis, imaynan ñoqa ruwani ahinata qankunapas ruwanaykichispaq. 16Cheqaqtapunin niykichis, kamachiqa manan patronninmanta kurakchu, manallataq kachasqapas kachaqninmanta kurakchu. 17Kaykunata yachaspachus ruwankichis chayqa, kusisamiyoqmi kankichis.
18Manan llapaykichismantachu rimani, ñoqan yachani pikunatachus akllasqayta, ichaqa kayta nini “T'anta mikhuqmasiymi ñoqa contra sayarirqan” niq Qelqa hunt'akunanpaq. 19Kunanmantapachan kayta nishaykichis, manaraq chaykuna sucedeshaqtin, chaykuna sucedeqtinñataqmi pichus ñoqa kasqayta creenkichis. 20Cheqaqtapunin niykichis, pipas ñoqaq kachasqayta chaskiqqa, ñoqatan chaskiwan, ñoqata chaskiwaqtaq kachamuwaqniyta chaskin, nispa.
Hap'ichisqa kananmanta Jesuspa willakusqan
(Mt 26.20-25; Mr 14.17-21; Lc 22.21-23)
21Jesusqa chayta nispanmi sonqonpi llakikurqan, hinaspan sut'inta nirqan: —Cheqaqtapunin niykichis, hukniykichismi hap'ichiwanqa, nispa.
22Chaymi yachachisqakunaqa qhawanakurqanku pimantachus nisqanta mana yachaspa. 23Jesuspa munakusqan huknin yachachisqantaq Jesusman k'iraykurisqa kasharqan. 24Paytan Simón Pedroqa ch'illmipayarqan, pimantachus chayta Jesuspa nisqanta tapunanpaq.
25Chaymi payqa Jesusman k'iraykurisqa kaspa tapuykurqan: —Señorníy, ¿pitaq chayri? nispa.
26Hinan Jesusqa nirqan: —Chay runaqa pimanchus t'antata challpuykuspa qosaq chaymi, nispa. T'antata challpuykuspataq Simonpa churin Judas Iscarioteman qorqan. 27Chaymi t'antata mikhuykuqtin hina Satanasqa payman haykurqan, hinan Jesusqa Judasta nirqan: —Imachus ruwanaykita usqhaylla ruway, nispa.
28Ichaqa manan mayqenninkupas entienderqankuchu, imanaqtinchus chayta nisqanta. 29Wakintaq yuyarqanku Judasqa qolqeta hap'isqanrayku Jesusqa: Fiestapaq munasqanchista rantimuy, otaq wakchakunaman qomuy, nispa payta nisqanta. 30Judasqa t'antata mikhuykuspan lloqsirqanpacha. Tutañataq karqan.
Mosoq kamachikuymanta
31Judas lloqsiqtin hinan Jesusqa nirqan: —Kunanmi Diospa Kachamusqan Runaqa hatunchasqa kani, ñoqawantaq Diospas hatunchasqa kashan. 32Dioschus ñoqawan hatunchasqa kashan chayqa, kikin Diosmi ñoqata hatunchawanqa, kunanmantapachataqmi hatunchawanqa. 33Wawallaykuna, pisillatañan qankunawan kasaq. Maskhawankichismi, ichaqa, imaynan Judío umallikunamanpas nirqani: Ñoqaq risqaymanqa manan hamuyta atiwaqchischu, nispa, ahinatan qankunatapas kunan niykichis. 34Mosoq kamachikuytan churapuykichis: Qankuna pura munanakuychis. Imaynan ñoqapas munakuykichis, ahinata qankunapas munanakuychis. 35Chhaynapin ñoqaq yachachisqaykuna kasqaykichista llapa yachanqaku qankuna munanakuqtiykichis, nispa.
Pedroq negananmanta
(Mt 26.31-35; Mr 14.27-31; Lc 22.31-34)
36Simón Pedron Jesusta nirqan: —Señorníy, ¿maytataq rinkiri? nispa.
Jesustaq payta nirqan: —Ñoqaq risqaymanqa manaraqmi kunan hamuyta atiwaqchischu, qhepatañan ichaqa hamuyta atinkichis, nispa.
37Pedrotaq nirqan: —Señorníy, ¿imaraykun kunanqa qhepayki hamuyta mana atiymanchu? Qanraykun wañusaqpas, nispa.
38Chaymi Jesusqa payta nirqan: —¿Ñoqaraykuchu wañunki? Cheqaqtapunin niyki: Manaraq gallo waqashaqtinmi reqsiwasqaykita kinsa kutita mananchakunki, nispa.
सध्या निवडलेले:
JUAN 13: QC88
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.
JUAN 13
13
Jesuspa yachachisqankunaq chakinta mayllisqan
1Diospa Alqaspa Pasarparisqan Yuyarina Fiesta ñawpaqtaraqmi Jesusqa kay pachamanta Yayanman kutipunanpaq tiempo chayamusqanta yacharqan. Imaynatachus kay pachapi paypa kaqkunata munakuqpuni, ahinatan paykunataqa tukukuykama munakurqan.
2Jesusqa yachachisqankunawan manaraq cenashaqtinkun, supayqa Simonpa churin Judas Iscarioteta sonqonpi yuyaykachirqanña Jesusta hap'ichinanpaq. 3Jesusqa yacharqanmi lliw atiyta Yayaq payman qosqanta, Diosmanta hamusqantapas, Diosman kutipunantapas. 4Cenasqanmanta hatarispataqmi pata p'achanta ch'utikuspa toallawan cinturanta wataykukurqan. 5Hinaspan puruñaman unuta hich'aykuspa yachachisqakunaq chakin maylliyta qallarirqan, watakusqan toallawantaq ch'akichirqan.
6Simón Pedroman qayllaykuqtintaq Pedroqa nirqan: —Señorníy, ¿qanchu chakiyta maylliwankiman? nispa.
7Jesustaq nirqan: —Kunanqa manan entiendenkichu kay ruwasqayta, qhepamanñan entiendenki, nispa.
8Chaymi Pedroqa nirqan: —Manapunin chakiytaqa maylliwankimanchu, nispa.
Jesustaq payta nirqan: —Mana maylliqtiyqa manan ñoqawanñachu kanki, nispa.
9Hinan Simón Pedroqa nirqan: —Señorníy, ama chakillaytachu maylliway, aswanpas makiytawan umaytawan, nispa.
10Jesustaq payta nirqan: —Bañasqa kaqqa limpioñan, chakillantañan mayllikunan. Qankunaqa limpioñan kashankichis, ichaqa manan llapaykichischu, nispa. 11(Jesusqa yacharqanmi pichus payta hap'ichinanta, chaymi nirqan: —Manan llapaykichischu limpioqa kashankichis, nispa).
12Chakinkuta maylliyta tukuspataq pata p'achanwan churaykukuspa wakmanta tiyaykurqan, hinaspan paykunata nirqan: —¿Entiendenkichischu imatachus ruwarqaykichis chayta? 13Qankunan niwankichis: Yachachikuq, Señor, nispa, chaytaqa allintan ninkichis, chaypunin kani. 14Ñoqa Señorpas Yachachikuqpas kashaspay chakiykichista maylliqtiyqa, qankunapas chakiykichista mayllinakunaykichismi. 15Yachaqakunaykichispaqmi rikuchiykichis, imaynan ñoqa ruwani ahinata qankunapas ruwanaykichispaq. 16Cheqaqtapunin niykichis, kamachiqa manan patronninmanta kurakchu, manallataq kachasqapas kachaqninmanta kurakchu. 17Kaykunata yachaspachus ruwankichis chayqa, kusisamiyoqmi kankichis.
18Manan llapaykichismantachu rimani, ñoqan yachani pikunatachus akllasqayta, ichaqa kayta nini “T'anta mikhuqmasiymi ñoqa contra sayarirqan” niq Qelqa hunt'akunanpaq. 19Kunanmantapachan kayta nishaykichis, manaraq chaykuna sucedeshaqtin, chaykuna sucedeqtinñataqmi pichus ñoqa kasqayta creenkichis. 20Cheqaqtapunin niykichis, pipas ñoqaq kachasqayta chaskiqqa, ñoqatan chaskiwan, ñoqata chaskiwaqtaq kachamuwaqniyta chaskin, nispa.
Hap'ichisqa kananmanta Jesuspa willakusqan
(Mt 26.20-25; Mr 14.17-21; Lc 22.21-23)
21Jesusqa chayta nispanmi sonqonpi llakikurqan, hinaspan sut'inta nirqan: —Cheqaqtapunin niykichis, hukniykichismi hap'ichiwanqa, nispa.
22Chaymi yachachisqakunaqa qhawanakurqanku pimantachus nisqanta mana yachaspa. 23Jesuspa munakusqan huknin yachachisqantaq Jesusman k'iraykurisqa kasharqan. 24Paytan Simón Pedroqa ch'illmipayarqan, pimantachus chayta Jesuspa nisqanta tapunanpaq.
25Chaymi payqa Jesusman k'iraykurisqa kaspa tapuykurqan: —Señorníy, ¿pitaq chayri? nispa.
26Hinan Jesusqa nirqan: —Chay runaqa pimanchus t'antata challpuykuspa qosaq chaymi, nispa. T'antata challpuykuspataq Simonpa churin Judas Iscarioteman qorqan. 27Chaymi t'antata mikhuykuqtin hina Satanasqa payman haykurqan, hinan Jesusqa Judasta nirqan: —Imachus ruwanaykita usqhaylla ruway, nispa.
28Ichaqa manan mayqenninkupas entienderqankuchu, imanaqtinchus chayta nisqanta. 29Wakintaq yuyarqanku Judasqa qolqeta hap'isqanrayku Jesusqa: Fiestapaq munasqanchista rantimuy, otaq wakchakunaman qomuy, nispa payta nisqanta. 30Judasqa t'antata mikhuykuspan lloqsirqanpacha. Tutañataq karqan.
Mosoq kamachikuymanta
31Judas lloqsiqtin hinan Jesusqa nirqan: —Kunanmi Diospa Kachamusqan Runaqa hatunchasqa kani, ñoqawantaq Diospas hatunchasqa kashan. 32Dioschus ñoqawan hatunchasqa kashan chayqa, kikin Diosmi ñoqata hatunchawanqa, kunanmantapachataqmi hatunchawanqa. 33Wawallaykuna, pisillatañan qankunawan kasaq. Maskhawankichismi, ichaqa, imaynan Judío umallikunamanpas nirqani: Ñoqaq risqaymanqa manan hamuyta atiwaqchischu, nispa, ahinatan qankunatapas kunan niykichis. 34Mosoq kamachikuytan churapuykichis: Qankuna pura munanakuychis. Imaynan ñoqapas munakuykichis, ahinata qankunapas munanakuychis. 35Chhaynapin ñoqaq yachachisqaykuna kasqaykichista llapa yachanqaku qankuna munanakuqtiykichis, nispa.
Pedroq negananmanta
(Mt 26.31-35; Mr 14.27-31; Lc 22.31-34)
36Simón Pedron Jesusta nirqan: —Señorníy, ¿maytataq rinkiri? nispa.
Jesustaq payta nirqan: —Ñoqaq risqaymanqa manaraqmi kunan hamuyta atiwaqchischu, qhepatañan ichaqa hamuyta atinkichis, nispa.
37Pedrotaq nirqan: —Señorníy, ¿imaraykun kunanqa qhepayki hamuyta mana atiymanchu? Qanraykun wañusaqpas, nispa.
38Chaymi Jesusqa payta nirqan: —¿Ñoqaraykuchu wañunki? Cheqaqtapunin niyki: Manaraq gallo waqashaqtinmi reqsiwasqaykita kinsa kutita mananchakunki, nispa.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Biblia en Quechua de Cuzco © Sociedades Bíblicas Unidas, 1988.