Kîam 40
40
Josefu nîwataûrire iroto cia mîgwate
1Vuvarî, mûndû ûrîa wamenyagîrîra ndivei ya mûthamaki wa Misiri na mûrugi wake wa mîgate nîmaavîtîrie mûthamaki wa Misiri. 2Mûthamaki wa Misiri nîwarakarire nîûndû wa ndungata icio ciake cioîrî. 3Kwoguo nîwamaikirie njeera îrîa yarî nyomba kwa mûnene wa arangîri, kûrîa Josefu wanake aarî. 4Mûnene wa arangîri nîwatuire Josefu ndungata yao na mûmamenyereri. Nao nîmeekarire njeera îvinda îraca.
5Ûtukû ûmwe marî kûu njeera, mûmenyereri ndivei na mûrugi wa mîgate ya mûthamaki wa Misiri arîa moovetwe njeera, nîmaarotire wa mûndû kîroto gîake. Wa kîroto Kîamrî na ûrîa Kîamugaga. 6Rîrîa Josefu aathiîre kûrî o kîraûko, nîwonire marî na ûndû wamathînagia. 7Kwoguo nîwamaûririe atîrî, “Nî ndûî kîmûmakîtie ûguo?”
8Nao nîmaamwîrire atîrî, “Tûrarotire na tûtirî na mûndû wa gûtûtaûrîra iroto icio cietû.”
Josefu nîwamerire atîrî, “Ngai tîke ûvecanaga ûvoti wa gûtaûra iroto. Namûthaitha mûmbîre iroto cienyu.”
9Kwoguo mûmenyereri wa ndivei ya mûthamaki nîwerire Josefu atîrî, “Kîrotorî gîakwa nîronire mûthavibu mbere yakwa. 10Mûthavibu ûcio ûrarî na mvûa ithatû. Namo mathangû maumîra wa rîo, waruta marao na thavibu ciatunîva. 11Nie nîranyitîte gîkombe Kîam mûthamaki wa Misiri na njara. Kwoguo nîrocire thavibu na naivivîra gîkomberî Kîam mûthamaki na namûnengera.”
12Josefu nîwamwîrire atîrî, “Kîroto kîu kîrauga û: Mvûa icio ithatû nî mîthenya îthatû. 13Mîthenya îthatû îkîthira, mûthamaki wa Misiri nîagûkûruta njeera, akwovere na agûcokie wîrarî waku. Nawe ûgacoka kûnengagîra mûthamaki gîkombe wata ûrîa watwîre wîkaga rîrîa warî mûmenyereri wa ndivei yake. 14Rîrîa maûndû maku makaagîra, nakûthaitha ûkaandirikana ûmbîguîre ntha na ûkaangweta kûrî mûthamaki nîguo ndutwe gûkû njeera. 15Nîûndû, ûvoro wa ma nî atî nie nîkwa naîirwe kuuma vûrûrirî wa Ahibirania na gûkû Misiri gûtirî ûndû mbîkîte wa gûtûma mvingîrwe njeera.”
16Rîrîa mûtongoria wa arugi a mîgate eegwire ûrîa ûtaûri ûcio warî mwaro, nîwerire Josefu atîrî, “Wa nanie nînîrarotire. Kîrotorî kîu gîakwa nîronire nguuîte ikavu ithatû cia mîgate na kîongo. 17Gîkavu kîrîa kîrarî îgûrû nîkîo kîrarî na mîgate ya mîthemba yonthe îrîa îrugagîrwa mûthamaki. Nacio iconi nîirarîcaga mîgate îo.”
18Josefu nîwamwîrire atîrî, “Kîroto kîu gîaku kîrauga û: Ikavu icio ithatû nî mîthenya îthatû. 19Mîthenya îthatû îkîthira, mûthamaki nîagaakûruta njeera na akûrengithie kîongo! Agaacoka agûcurie mûtîrî, nacio iconi nîikaarîa nyama cia mwîrî waku.”
20Mûthenya wa kathatû kuuma vîndî îo, warî wa gûkûngûîra gûciarwa kwa mûthamaki wa Misiri. Kwoguo nîwarûthîre ndungata ciake cionthe kîrugo. Nîwarutire mûnene wa amenyereri ndivei vamwe na mûnene wa arugi mîgate njeera, na akîmavira mbere ya ndungata ciake. 21Nîwacokirie mûnene wa amenyereri ndivei wîrarî ûrîa warî wake wa kûmûvirîra ndivei, 22na agîcuria mûnene wa arugi mîgate, wata ûrîa Josefu aamataûrîrîte iroto ciao. 23Mûnene wa amenyereri ndivei ya mûthamaki ndaacoka kûririkana Josefu rîngî.
सध्या निवडलेले:
Kîam 40: KKB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
©Bible Society of Kenya, 2019