Sélimɛ 5
5
Tofɔlɛɛyi mɛ́ɛyɛ n séli Adami na n sáà nan Nowe na
1Adami yòdaʔayi sɛ́bɛ wi nyɛ wee naa: Cángee na Kolocɔlɔɔ syɔɔn faan lè, wi maa wi sámaga a wi woro Kolocɔlɔɔ wíri. 2#Sél 1:27-28 #Sél 1:27; Mat 19:4; Mar 10:6 Wi maa be faan nàɔn ní cɔlɔɔ. Cángee na wi be faan lè, a wi dùbaw taʔa be na níì mɛ́ʔɛ le be na ni be yiri syɔɔn ye.
3A Adami ga yɛ̀ʔɛlɛ togoye kɔrɔni ní kpɔrigɔ taa, a wi nànbile see woro félege a li tɔ̀nɔ n wi wíri. A wi li mɛ́ɛgi le ni li yiri Sɛti. 4Sɛti seeli kàdoʔo ma, a Adami níì yɛ̀ʔɛlɛ saala sicɛrɛ taa. Wi si maa níì nànbiigèle kèle see n fàra calipiigèlē na. 5Adami sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔni ní kpɔrigɔ, á wi kùu.
6A Sɛti ga taa yɛ̀ʔɛlɛ dabata ní kagunɔ, a wi Enɔsyi see. 7Enɔsyi seeli kàdoʔo ma, a Sɛti níì yɛ̀ʔɛlɛ saala sicɛrɛ ní kɔrɔsiin taa. Wi si maa níì nànbiigèle kèle see n fàra calipiigèlē na. 8Sɛti sìíw yɛ̀ʔɛlɛ myɛ nyɔ́ɔ n pye saala sicɛrɛ ní dabata ní kpɔrigɔ ní siin, á wi kùu.
9A Enɔsyi ga yɛ̀ʔɛlɛ togoye sicɛrɛ ní kpɔrigɔ taa, a wi Kenan see. 10Kenan seeli kàdoʔo ma, a Enɔsyi níì yɛ̀ʔɛlɛ saala sicɛrɛ ní kpɔrigɔ ní kagunɔ taa. Wi si maa níì nànbiigèle kèle see n fàra calipiigèlē na. 11Enɔsyi sìíw yɛ̀ʔɛlɛ myɛ nyɔ́ɔ n pye saala sicɛrɛ ní dabata ní kagunɔ, á wi kùu.
12A Kenan ga yɛ̀ʔɛlɛ togoye taanri ní kpɔrigɔ taa, a wi Mahalaleyɛli see. 13Mahalaleyɛli seeli kàdoʔo ma, a Kenan níì yɛ̀ʔɛlɛ saala sicɛrɛ ní togoye siin taa. Wi si maa níì nànbiigèle kèle see n fàra calipiigèlē na. 14Kenan sìíw yɛ̀ʔɛlɛ myɛ nyɔ́ɔ n pye saala sicɛrɛ ní dabata ní kpɔrigɔ, á wi kùu.
15A Mahalaleyɛli ga yɛ̀ʔɛlɛ togoye taanri ní kagunɔ taa, a wi Yeredi see. 16Yeredi seeli kàdoʔo ma, a Mahalaleyɛli níì yɛ̀ʔɛlɛ saala sicɛrɛ ní toko ní kpɔrigɔ taa. Wi si maa níì nànbiigèle kèle see n fàra calipiigèlē na. 17Mahalaleyɛli sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye sicɛrɛ ní kpɔrigɔ ní kagunɔ, á wi kùu.
18A Yeredi ga yɛ̀ʔɛlɛ togoye kɔrɔtaanri ní siin taa, a wi Henɔki see. 19Henɔki seeli kàdoʔo ma, a Yeredi níì yɛ̀ʔɛlɛ saala sicɛrɛ taa. Wi si maa níì nànbiigèle kèle see n fàra calipiigèlē na. 20Yeredi sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔtaanri ní siin, á wi kùu.
21A Henɔki ga yɛ̀ʔɛlɛ togoye taanri ní kagunɔ taa, a wi Matusalɛmi see. 22Matusalɛmi seeli kàdoʔo ma, a Henɔki níì yɛ̀ʔɛlɛ sirakele ní dabata taa pínɛnyɛnnɛgɛ na ní Kolocɔlɔɔ ní. Wi si maa níì nànbiigèle kèle see n fàra calipiigèlē na. 23Henɔki sìíw yɛ̀ʔɛlɛ myɛ nyɔ́ɔ n pye sirakele ní togoye kɔrɔtaanri ní kagunɔ. 24#Zyu 14; Heb 11:5 Henɔki maa pye pínɛnyɛnnɛgɛ na ní Kolocɔlɔɔ ní. Koro kàdoʔo ma a be fɔ̀n wi ni níì cán Kolocɔlɔɔ maa wi láa.
25A Matusalɛmi ga yɛ̀ʔɛlɛ togoye kpanjɛrɛ ní kɔrɔsiin taa, a wi Lemɛki see. 26Lemɛki seeli kàdoʔo ma, a Matusalɛmi níì yɛ̀ʔɛlɛ saala taanri ní togoye kpanjɛrɛ ní siin taa. Wi si maa níì nànbiigèle kèle see n fàra calipiigèlē na. 27Matusalɛmi sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔtaanri ní kpanjɛrɛ, á wi kùu.
28A Lemɛki ga yɛ̀ʔɛlɛ togoye kpanjɛrɛ ní siin taa, a wi nànbile see. 29A wi li mɛ́ɛgi le ni li yiri Nowe. Ncan wi maa jo: «Faligbanyi ní fɔ̀rɔyi myɛ na wolo nyɛ lè tári naa na, dee Yawe dánga lè, pìíw naa wi a ba wolo kpɛʔɛlɛ kérigèle bee na.» 30Nowe seeli kàdoʔo ma, a Lemɛki níì yɛ̀ʔɛlɛ saala siin ní togoye kpanjɛrɛ ní kpɔrigɔ ní kagunɔ taa. Wi si maa níì nànbiigèle kèle see n fàra calipiigèlē na. 31Lemɛki sìíw yɛ̀ʔɛlɛ myɛ nyɔ́ɔ n pye saala taanri ní togoye kɔrɔtaanri ní kpɔrigɔ ní kɔrɔsiin, á wi kùu.
32A Nowe yɛ̀ʔɛlɛ saala siin ní dabata taa níì Sɛmi, ní Kami, ní Zyafɛti see.
सध्या निवडलेले:
Sélimɛ 5: CB10
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Kolocɔlɔɔ Syɛ́ɛnri © Bible Society of Côte d'Ivoire, 2008.