KARARIADI 28
28
1Bou e'e i Ishak nukui si Yakub, bou e'e nangal᷊amati si sie dang nangul᷊i, “Kumbahang i kau mukawing dingang ana mahua ngu tau Kanaan. 2Tamaite sarang Mesopotamia, sarang walagheng Betuel, i upungu, dang pukawingte dingang u singkatau bou ana i om Laban. 3Mal᷊umbako Mawu Ruata ko Makawasa mangal᷊amati pukakawingangu dang mangonggo si kau ana pung ko maul᷊i, hakiu i kau makoa i upung u bangsa maul᷊i! 4#Kar. 17:4-8Mal᷊umbako Mawu mangal᷊amati si kau dang hintou ngu kere ko seng nial᷊amateng-E i Abraham, dang mal᷊umbako i kau managhuang tana ko nikatanakeng u i'i, ko seng nionggo u Mawu Ruata si Abraham!” 5Kere'e i Ishak namilo i Yakub natamai sarang Mesopotamia, sarang koa i Laban, ana i Betuel tau Aram e'e. I Laban ko mahuane ngi Ribka i mama ngi Yakub sire rua ngi Esau.
I Esau sau nukawing
6I Esau nakaringihi himoneu i Ishak seng nangal᷊amati si Yakub dang namilo si sie nakoa sarang Mesopotamia tadeau mundea kawinge pai se'e. Himoneu l᷊ai su tempo ngu i Ishak nangal᷊amati si Yakub, i sie nularang si Yakub mukawing dingang ana mahua ngu tau Kanaan. 7Su l᷊ikuru e'e i Esau matitong i Yakub ko matuhu su didato ngi papa mamange dang seng natamai sarang Mesopotamia. 8Kuteu i Esau nakahingang himoneu i Ishak, papange, mandi su kowawine ngu Kanaan, 9Watu'u e'e i Esau natamai sarang koa i Ismael, ana i Abraham, dang nukawing dingang ana i Ismael arenge i Mahalat, wawine ngi Nebayot.
Ipi ngi Yakub su Betel
10I Yakub nanintang u Bersyeba dang nakoa sarang Haran. 11Su tempo ngu matangutiti nasira i sie nurating su tampa simbau, #28:11: su … tampa arako su … tampa ko susi.bou e'e natiki su se'e. I sie l᷊oka-l᷊oka seng matiki; timboe nanguleleng su watu simbau. 12#Yoh. 1:51Bou e'e i sie nipi ko i sie nakawua tukari simbau kararisi su dunia dang pondol᷊ie nurating u l᷊angi dang manga malaikati l᷊intu awi su tukari e'e. 13#Kar. 13:14-15Dang su sindihange pia#28:13: su sindihange arako su wawo u tukari e'e. Mawu risi-risi dang nuhengetang, “Ia Mawu, Mawu Ruata ko nisumba ngi Abraham dingang i Ishak. Ia sarung mangonggo si kau dang su hintou ngu tana tampa i kau l᷊oka-l᷊oka i'i. 14#Kar. 12:3, 22:18 Hintou ngu sarung kere awu su dunia ul᷊ie. I sire sarung mupakawunahi katanakeng i sire su patiku tampa, dang bo i kau l᷊au hintou ngu, sarung mangal᷊amati kaul᷊i u bangsa su dunia#28:14: Ia … kaul᷊i u bangsa arako kaul᷊i u bangsa sarung mukahioro si Sia tadeau ia mangal᷊amati si sire kere Ia seng nangal᷊amati si kau l᷊au hintoungu.. 15Putinaung, ia sarung mutul᷊ung dang mangintanuri si kau, maning sarang apa l᷊al᷊engang u dang ia sau mumbawa si kau musul᷊e sarang wanua i'i. Ia ta sarung manintang i kau sarang Daku ipakaganapi patiku apang ko Daku nipudiandi i'i.
16Bou e'e i Yakub napuko bou tikie dang nangul᷊i, Mawu ene su si'i, su tampa i'i, kateho mbuhue orasi i'i ia nakatitong!.” 17I sie nataku bou e'e nangul᷊i, “Wal᷊inge gampang makatataku tampa i'i! Tantu i'i ko Wal᷊e ngu Mawu Ruata, tukari sasukang sarang Sorga.”
18Ndai mal᷊ou mal᷊uka-l᷊ukari, i Yakub nuwangung, bou e'e nangal᷊a watu ko mbuae nipangulelenge dang nipararisie nakoa watu putatinaungang. Nisiwohie l᷊ana zaitung su wawo u watu e'e tadeau nitani guna ngu Mawu Ruata. 19Tampa e'e nisighonge Betel. #28:19: Betel: Arenge i'i su wahasa ngu Ibrani mangal᷊enge “wal᷊e ngu Mawu Ruata”. (Horo arenge Lus.) 20Bou e'e i Yakub nutewa, “Boko Mawu mutul᷊ung dang mangintanuri si sia su l᷊al᷊al᷊engang i'i l᷊au mangonggo si sia kang l᷊au pakeang 21hakiu ia musul᷊e sarang wal᷊e ngi papaku dingang sal᷊amati, Mawu sarung makoa Mawu Ruataku. 22Dang ia sarung mangonggo su Mawu simbahageang mapul᷊o bou patiku apang ko nionggo u Mawu si sia. Watu putatinaungang ko daku nipararisi i'i sarung makoa tampa pananumbang su Mawu.”
सध्या निवडलेले:
KARARIADI 28: PLT
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
KARARIADI 28
28
1Bou e'e i Ishak nukui si Yakub, bou e'e nangal᷊amati si sie dang nangul᷊i, “Kumbahang i kau mukawing dingang ana mahua ngu tau Kanaan. 2Tamaite sarang Mesopotamia, sarang walagheng Betuel, i upungu, dang pukawingte dingang u singkatau bou ana i om Laban. 3Mal᷊umbako Mawu Ruata ko Makawasa mangal᷊amati pukakawingangu dang mangonggo si kau ana pung ko maul᷊i, hakiu i kau makoa i upung u bangsa maul᷊i! 4#Kar. 17:4-8Mal᷊umbako Mawu mangal᷊amati si kau dang hintou ngu kere ko seng nial᷊amateng-E i Abraham, dang mal᷊umbako i kau managhuang tana ko nikatanakeng u i'i, ko seng nionggo u Mawu Ruata si Abraham!” 5Kere'e i Ishak namilo i Yakub natamai sarang Mesopotamia, sarang koa i Laban, ana i Betuel tau Aram e'e. I Laban ko mahuane ngi Ribka i mama ngi Yakub sire rua ngi Esau.
I Esau sau nukawing
6I Esau nakaringihi himoneu i Ishak seng nangal᷊amati si Yakub dang namilo si sie nakoa sarang Mesopotamia tadeau mundea kawinge pai se'e. Himoneu l᷊ai su tempo ngu i Ishak nangal᷊amati si Yakub, i sie nularang si Yakub mukawing dingang ana mahua ngu tau Kanaan. 7Su l᷊ikuru e'e i Esau matitong i Yakub ko matuhu su didato ngi papa mamange dang seng natamai sarang Mesopotamia. 8Kuteu i Esau nakahingang himoneu i Ishak, papange, mandi su kowawine ngu Kanaan, 9Watu'u e'e i Esau natamai sarang koa i Ismael, ana i Abraham, dang nukawing dingang ana i Ismael arenge i Mahalat, wawine ngi Nebayot.
Ipi ngi Yakub su Betel
10I Yakub nanintang u Bersyeba dang nakoa sarang Haran. 11Su tempo ngu matangutiti nasira i sie nurating su tampa simbau, #28:11: su … tampa arako su … tampa ko susi.bou e'e natiki su se'e. I sie l᷊oka-l᷊oka seng matiki; timboe nanguleleng su watu simbau. 12#Yoh. 1:51Bou e'e i sie nipi ko i sie nakawua tukari simbau kararisi su dunia dang pondol᷊ie nurating u l᷊angi dang manga malaikati l᷊intu awi su tukari e'e. 13#Kar. 13:14-15Dang su sindihange pia#28:13: su sindihange arako su wawo u tukari e'e. Mawu risi-risi dang nuhengetang, “Ia Mawu, Mawu Ruata ko nisumba ngi Abraham dingang i Ishak. Ia sarung mangonggo si kau dang su hintou ngu tana tampa i kau l᷊oka-l᷊oka i'i. 14#Kar. 12:3, 22:18 Hintou ngu sarung kere awu su dunia ul᷊ie. I sire sarung mupakawunahi katanakeng i sire su patiku tampa, dang bo i kau l᷊au hintou ngu, sarung mangal᷊amati kaul᷊i u bangsa su dunia#28:14: Ia … kaul᷊i u bangsa arako kaul᷊i u bangsa sarung mukahioro si Sia tadeau ia mangal᷊amati si sire kere Ia seng nangal᷊amati si kau l᷊au hintoungu.. 15Putinaung, ia sarung mutul᷊ung dang mangintanuri si kau, maning sarang apa l᷊al᷊engang u dang ia sau mumbawa si kau musul᷊e sarang wanua i'i. Ia ta sarung manintang i kau sarang Daku ipakaganapi patiku apang ko Daku nipudiandi i'i.
16Bou e'e i Yakub napuko bou tikie dang nangul᷊i, Mawu ene su si'i, su tampa i'i, kateho mbuhue orasi i'i ia nakatitong!.” 17I sie nataku bou e'e nangul᷊i, “Wal᷊inge gampang makatataku tampa i'i! Tantu i'i ko Wal᷊e ngu Mawu Ruata, tukari sasukang sarang Sorga.”
18Ndai mal᷊ou mal᷊uka-l᷊ukari, i Yakub nuwangung, bou e'e nangal᷊a watu ko mbuae nipangulelenge dang nipararisie nakoa watu putatinaungang. Nisiwohie l᷊ana zaitung su wawo u watu e'e tadeau nitani guna ngu Mawu Ruata. 19Tampa e'e nisighonge Betel. #28:19: Betel: Arenge i'i su wahasa ngu Ibrani mangal᷊enge “wal᷊e ngu Mawu Ruata”. (Horo arenge Lus.) 20Bou e'e i Yakub nutewa, “Boko Mawu mutul᷊ung dang mangintanuri si sia su l᷊al᷊al᷊engang i'i l᷊au mangonggo si sia kang l᷊au pakeang 21hakiu ia musul᷊e sarang wal᷊e ngi papaku dingang sal᷊amati, Mawu sarung makoa Mawu Ruataku. 22Dang ia sarung mangonggo su Mawu simbahageang mapul᷊o bou patiku apang ko nionggo u Mawu si sia. Watu putatinaungang ko daku nipararisi i'i sarung makoa tampa pananumbang su Mawu.”
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन