KARARIADI 29
29
I Yakub nurating u wal᷊e ngi Laban
1I Yakub nanurusi l᷊al᷊al᷊engange dang nakoa sarang wanua su simbuka ngu raki bou Kanaan. 2Singkahuwiu nikawuae simbau pahighi su tenenge, dang su sindihange kal᷊al᷊oka tilu ghapang kambing domba ko sintinia ionggol᷊ang u inung su se'e. Pahighi e'e katataka u watu ko l᷊abo. 3Boko kaul᷊i u ghapang u kambing domba e'e seng nakomol᷊i su tampa e'e, manga mul᷊al᷊ukari binatang mul᷊unggi ngu watu e'e su sindihange, bou e'e kambing domba e'e ionggol᷊ang u inung. Bou e'e manga mul᷊al᷊ukari binatang e'e sau manaka pahighi e'e.
4Bou e'e i Yakub nakina su manga mul᷊al᷊ukari binatang ko ene su se'e, “Ei ghawe, ko bou apa i kumu i'i?”
“Bou Haran,” nisimbahi sire.
5I Yakub sau nakina, “Apa i kumu matitong i Laban ana i Nahor?”
“Matitong,” nisimbahi sire.
6I Yakub sau nakina, “Kirapa kakakoae?”
“Mangkate mapia,” nisimbahi sire. “Tuhungete mai, e'e anae kowawine arenge i Rahel. I sie kapumbawae ghapang u kambing domba ngi papae.”
7Angkung i Yakub, “L᷊ou i'i mborong pia suange dang mborong tangkeng temponge kambing domba e'e i pasu su l᷊al᷊ung u kuhung. Nakurawe manga binatang e'e ta nionggol᷊ang i kumu inung, bou e'e wala pakang onasi sau?”
8I sire nusumimbahi, “I kami hindo botonge mangonggo inung su manga domba e'e boko kaul᷊i u ghapang u domba seng nakomol᷊i su si'i dang watu tataka seng nil᷊unggi.”
9Su tempo ngi Yakub kapudidatonge dingang i sire, i Rahel nasongo dingang u ghapang u dombae. 10Su tempo ngi Yakub nakawua si Rahel singkahindo dingang u ghapang u kambing dombae e'e, i Yakub natamai sarang pahighi e'e, bou e'e nul᷊unggi watu tatakae sarang sindihange dang nangonggo inung su ghapang u domba e'e. 11Bou e'e i sie nangimbu si Rahel, dang nusumangi ual᷊ingu l᷊iaghie. 12I sie nangul᷊i si Rahel, “Ia ana i Ribka, wawine ngi papau.”
Bou e'e i Rahel nutumal᷊ang napul᷊e sarang wal᷊enge dang nuwuke ngu hal᷊i e'e si papange. 13Su tempo ngi Laban nakaringihi hal᷊i i Yakub, ana u ghe'e, i sie nutumal᷊ang mo musombang. I Laban nul᷊ahuku dang nangimbu si Yakub, bou e'e niwawae pasu sarang l᷊al᷊ung u wal᷊e. Suapang i Yakub nuwuke kaul᷊i u hal᷊i kakakoae si Laban, 14I Laban nangul᷊i, “Mang tingari, i kau ghe masandighi dingangku.”
I Yakub natana su wal᷊e e'e simbul᷊ang l᷊iwuenge.
I Yakub nuhal᷊i su koa i Laban tadeau makarea si Rahel dingang i Lea
15Pia su silou i Laban nangul᷊i si Yakub, “Ta hinonge i kau muhal᷊i si sia dingang takoae l᷊uange, kitang ual᷊ing i kau ko ana u wawineku. Ko pira wawaehi su kaou?” 16I Laban pia anae kowawine darua; ko iyakang arenge i Lea, dang tuaringe arenge i Rahel. 17I Lea matange masidopo,#29:17: masidopoarako matange mabuha. arawe i Rahel badange masetari dang pahesie masidada.
18I Yakub pia naunge si Rahel, watu e'e i sie nusumimbahi si Laban, “Ia mo muhal᷊i pitu taung l᷊iwuenge boko i papa akang mupakawala ngu ia mukawing dingang i Rahel.”
19I Laban nangul᷊i, “Mapiang ia mangonggo i sie si kau sul᷊ung u su taumata ko wal᷊inge; inau katanae su si'i.” 20Kuteu i Yakub nuhal᷊i pitu taung l᷊iwuenge tadeau makarea si Rahel, dang si sie pira taung e'e mal᷊iu kere kitang manga pira l᷊ou, ual᷊ingu kaoe su ana ko mahua e'e.
21Bou e'e i Yakub nangul᷊i si Laban, “Pitu taung seng nal᷊iu; pakawalako ia mukawing dingang ana i papa akang.” 22Kuteu i Laban nukoa sal᷊iwang u kawing dang nunoti kaul᷊i u taumata su soa e'e. 23Kateho su huwi e'e, wal᷊inge i Rahel, kateho ko i Lea ninturi i Laban si Yakub, dang i Yakub nutatamba dingange. (24I Laban nangonggo l᷊ange kowawine arenge i Zilpa si Lea, tadeau makoa l᷊ange) 25Hindo ndai mal᷊ou i Yakub nakatitong himoneu ko i Lea nipukawingange. Bou e'e i Yakub natamai sarang koa i Laban dang nangul᷊i, “Nakurawe i papa akang nukoa si sia kiri'i? Wal᷊ingewe ia nuhal᷊i tadeau makarea si Rahel? Nakurawe i papa akang nangakal᷊i si sia?”
26I Laban nusumimbahi, “Tumuhu adati su si'i, ko tuari ta botonge mukawing horo bou ko iyakang. 27Pangampal᷊i sarang masue sal᷊iwang pitu l᷊ou pukakawing. Hindo ia mangonggo i Rahel si kau l᷊ai, asal᷊i i kau mo muhal᷊i pitu taung l᷊ai.”
28I Yakub nukumire, dang suapang sal᷊iwang e'e nal᷊iu i Laban nangonggo si sie i Rahel nakoa kawinge. (29I Laban nangonggo l᷊ange kowawine arenge i Bilha si Rahel, tadeau makoa l᷊ange.) 30I Yakub nutatamba dingang i Rahel l᷊ai, dang i sie lebe makindaghi si Rahel bo i Lea. Bou e'e i sie nuhal᷊i pitu taung sau.
Manga ana i Yakub
31Su tempo ngu Mawu nakawua himoneu i Lea ta tumaniu nikindaghi kere si Rahel, Mawu nupakawala ngi Lea pahinding ana, arawe i Rahel tatapi ta nakarea ana. 32I Lea pia kal᷊uwaenge bou e'e nahinding singkatau ana ko ese. Angkunge, “Mawu seng nakawua kasasusaku, dang su orasi i'i kawingku sarung mukumindaghi u ia.” Bou e'e nisighonge anae e'e i Ruben. #29:32: Ruben: Areng i'i raringihang kere su wahasa ngu Ibrani mangal᷊enge “tuhunge ko singkatau ana ko ese” “l᷊au seng nakawua kasasusaku”. 33I Lea sau pia kal᷊uwaenge bou e'e sau nahinding singkatau ana ko ese. Angkung i Lea, “Mawu seng nangonggo si sia ana i'i sau ual᷊ingu nikaringihi-E himoneu ia ko ta nikindaghi.” Bou e'e nisighonge ana e'e i Simeon.#29:33: Simeon: Areng i'i raringihang kere su wahasa ngu Ibrani mangal᷊enge “daringihe”. 34I Lea sau pia kal᷊uwaenge bou e'e nahinding singkatau ana ko ese. Angkunge, “Su orasi i'i kawingku sarung lebe maiki si sia ual᷊ingu ia seng nahinding ana ko ese tatilu.” Bou e'e nisighonge ana e'e i Lewi.#29:34: Lewi: Areng i'i raringihang kere su wahasa ngu Ibrani mangal᷊enge “kal᷊aiki”. 35Bou e'e i Lea sau pia kal᷊uwaenge dang nahinding singkatau ana ko ese. Angkunge, “Paghisa i'i ia sarung mundalo Mawu.” Bou e'e nisighonge ana e'e i Yehuda.#29:35: Yehuda: Areng i'i raringihang kere su wahasa ngu Ibrani mangal᷊enge “dalo”. Bou e'e i Lea seng ta sau nahinding.
सध्या निवडलेले:
KARARIADI 29: PLT
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
KARARIADI 29
29
I Yakub nurating u wal᷊e ngi Laban
1I Yakub nanurusi l᷊al᷊al᷊engange dang nakoa sarang wanua su simbuka ngu raki bou Kanaan. 2Singkahuwiu nikawuae simbau pahighi su tenenge, dang su sindihange kal᷊al᷊oka tilu ghapang kambing domba ko sintinia ionggol᷊ang u inung su se'e. Pahighi e'e katataka u watu ko l᷊abo. 3Boko kaul᷊i u ghapang u kambing domba e'e seng nakomol᷊i su tampa e'e, manga mul᷊al᷊ukari binatang mul᷊unggi ngu watu e'e su sindihange, bou e'e kambing domba e'e ionggol᷊ang u inung. Bou e'e manga mul᷊al᷊ukari binatang e'e sau manaka pahighi e'e.
4Bou e'e i Yakub nakina su manga mul᷊al᷊ukari binatang ko ene su se'e, “Ei ghawe, ko bou apa i kumu i'i?”
“Bou Haran,” nisimbahi sire.
5I Yakub sau nakina, “Apa i kumu matitong i Laban ana i Nahor?”
“Matitong,” nisimbahi sire.
6I Yakub sau nakina, “Kirapa kakakoae?”
“Mangkate mapia,” nisimbahi sire. “Tuhungete mai, e'e anae kowawine arenge i Rahel. I sie kapumbawae ghapang u kambing domba ngi papae.”
7Angkung i Yakub, “L᷊ou i'i mborong pia suange dang mborong tangkeng temponge kambing domba e'e i pasu su l᷊al᷊ung u kuhung. Nakurawe manga binatang e'e ta nionggol᷊ang i kumu inung, bou e'e wala pakang onasi sau?”
8I sire nusumimbahi, “I kami hindo botonge mangonggo inung su manga domba e'e boko kaul᷊i u ghapang u domba seng nakomol᷊i su si'i dang watu tataka seng nil᷊unggi.”
9Su tempo ngi Yakub kapudidatonge dingang i sire, i Rahel nasongo dingang u ghapang u dombae. 10Su tempo ngi Yakub nakawua si Rahel singkahindo dingang u ghapang u kambing dombae e'e, i Yakub natamai sarang pahighi e'e, bou e'e nul᷊unggi watu tatakae sarang sindihange dang nangonggo inung su ghapang u domba e'e. 11Bou e'e i sie nangimbu si Rahel, dang nusumangi ual᷊ingu l᷊iaghie. 12I sie nangul᷊i si Rahel, “Ia ana i Ribka, wawine ngi papau.”
Bou e'e i Rahel nutumal᷊ang napul᷊e sarang wal᷊enge dang nuwuke ngu hal᷊i e'e si papange. 13Su tempo ngi Laban nakaringihi hal᷊i i Yakub, ana u ghe'e, i sie nutumal᷊ang mo musombang. I Laban nul᷊ahuku dang nangimbu si Yakub, bou e'e niwawae pasu sarang l᷊al᷊ung u wal᷊e. Suapang i Yakub nuwuke kaul᷊i u hal᷊i kakakoae si Laban, 14I Laban nangul᷊i, “Mang tingari, i kau ghe masandighi dingangku.”
I Yakub natana su wal᷊e e'e simbul᷊ang l᷊iwuenge.
I Yakub nuhal᷊i su koa i Laban tadeau makarea si Rahel dingang i Lea
15Pia su silou i Laban nangul᷊i si Yakub, “Ta hinonge i kau muhal᷊i si sia dingang takoae l᷊uange, kitang ual᷊ing i kau ko ana u wawineku. Ko pira wawaehi su kaou?” 16I Laban pia anae kowawine darua; ko iyakang arenge i Lea, dang tuaringe arenge i Rahel. 17I Lea matange masidopo,#29:17: masidopoarako matange mabuha. arawe i Rahel badange masetari dang pahesie masidada.
18I Yakub pia naunge si Rahel, watu e'e i sie nusumimbahi si Laban, “Ia mo muhal᷊i pitu taung l᷊iwuenge boko i papa akang mupakawala ngu ia mukawing dingang i Rahel.”
19I Laban nangul᷊i, “Mapiang ia mangonggo i sie si kau sul᷊ung u su taumata ko wal᷊inge; inau katanae su si'i.” 20Kuteu i Yakub nuhal᷊i pitu taung l᷊iwuenge tadeau makarea si Rahel, dang si sie pira taung e'e mal᷊iu kere kitang manga pira l᷊ou, ual᷊ingu kaoe su ana ko mahua e'e.
21Bou e'e i Yakub nangul᷊i si Laban, “Pitu taung seng nal᷊iu; pakawalako ia mukawing dingang ana i papa akang.” 22Kuteu i Laban nukoa sal᷊iwang u kawing dang nunoti kaul᷊i u taumata su soa e'e. 23Kateho su huwi e'e, wal᷊inge i Rahel, kateho ko i Lea ninturi i Laban si Yakub, dang i Yakub nutatamba dingange. (24I Laban nangonggo l᷊ange kowawine arenge i Zilpa si Lea, tadeau makoa l᷊ange) 25Hindo ndai mal᷊ou i Yakub nakatitong himoneu ko i Lea nipukawingange. Bou e'e i Yakub natamai sarang koa i Laban dang nangul᷊i, “Nakurawe i papa akang nukoa si sia kiri'i? Wal᷊ingewe ia nuhal᷊i tadeau makarea si Rahel? Nakurawe i papa akang nangakal᷊i si sia?”
26I Laban nusumimbahi, “Tumuhu adati su si'i, ko tuari ta botonge mukawing horo bou ko iyakang. 27Pangampal᷊i sarang masue sal᷊iwang pitu l᷊ou pukakawing. Hindo ia mangonggo i Rahel si kau l᷊ai, asal᷊i i kau mo muhal᷊i pitu taung l᷊ai.”
28I Yakub nukumire, dang suapang sal᷊iwang e'e nal᷊iu i Laban nangonggo si sie i Rahel nakoa kawinge. (29I Laban nangonggo l᷊ange kowawine arenge i Bilha si Rahel, tadeau makoa l᷊ange.) 30I Yakub nutatamba dingang i Rahel l᷊ai, dang i sie lebe makindaghi si Rahel bo i Lea. Bou e'e i sie nuhal᷊i pitu taung sau.
Manga ana i Yakub
31Su tempo ngu Mawu nakawua himoneu i Lea ta tumaniu nikindaghi kere si Rahel, Mawu nupakawala ngi Lea pahinding ana, arawe i Rahel tatapi ta nakarea ana. 32I Lea pia kal᷊uwaenge bou e'e nahinding singkatau ana ko ese. Angkunge, “Mawu seng nakawua kasasusaku, dang su orasi i'i kawingku sarung mukumindaghi u ia.” Bou e'e nisighonge anae e'e i Ruben. #29:32: Ruben: Areng i'i raringihang kere su wahasa ngu Ibrani mangal᷊enge “tuhunge ko singkatau ana ko ese” “l᷊au seng nakawua kasasusaku”. 33I Lea sau pia kal᷊uwaenge bou e'e sau nahinding singkatau ana ko ese. Angkung i Lea, “Mawu seng nangonggo si sia ana i'i sau ual᷊ingu nikaringihi-E himoneu ia ko ta nikindaghi.” Bou e'e nisighonge ana e'e i Simeon.#29:33: Simeon: Areng i'i raringihang kere su wahasa ngu Ibrani mangal᷊enge “daringihe”. 34I Lea sau pia kal᷊uwaenge bou e'e nahinding singkatau ana ko ese. Angkunge, “Su orasi i'i kawingku sarung lebe maiki si sia ual᷊ingu ia seng nahinding ana ko ese tatilu.” Bou e'e nisighonge ana e'e i Lewi.#29:34: Lewi: Areng i'i raringihang kere su wahasa ngu Ibrani mangal᷊enge “kal᷊aiki”. 35Bou e'e i Lea sau pia kal᷊uwaenge dang nahinding singkatau ana ko ese. Angkunge, “Paghisa i'i ia sarung mundalo Mawu.” Bou e'e nisighonge ana e'e i Yehuda.#29:35: Yehuda: Areng i'i raringihang kere su wahasa ngu Ibrani mangal᷊enge “dalo”. Bou e'e i Lea seng ta sau nahinding.
सध्या निवडलेले:
:
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन