स्तोत्रसंहिता 64

स्तोत्र 64

संगीत दिग्दर्शकासाठी. दावीदाचे स्तोत्र.

1हे परमेश्वरा, माझे गार्‍हाणे ऐका;

शत्रूंच्या भयापासून माझ्या जिवास सुरक्षित ठेवा.

2दुष्टांच्या षडयंत्रापासून आणि गुन्हेगार टोळक्यांच्या

कारस्थानापासून मला लपवा.

3तलवारीप्रमाणे ते आपल्या जिभांना धारदार करतात

आणि बाणांप्रमाणे तीक्ष्ण असलेल्या कटुशब्दांनी लक्ष्य करतात.

4दबा धरून ते निरपराध्यांवर बाण सोडतात;

ते निर्भयपणे अकस्मात त्यांच्यावर मारा करतात;

5दुष्कृत्य करण्यास ते एकमेकांना प्रोत्साहन देतात;

सापळे आखण्यासाठी ते गुप्तपणे एकत्र जमतात;

ते म्हणतात, “ते#64:5 ते किंवा आम्हाला कोण पाहणार?”

6ते कुटिल योजना बनवून म्हणतात,

“आता आम्ही उत्तम योजना तयार केली आहे!”

मानवी अंतःकरण आणि हृदय समजणे कठीण आहे.

7परंतु स्वतः परमेश्वरच त्यांचा बाण मारतील;

अचानक ते घायाळ होतील.

8परमेश्वर त्यांची जीभ त्यांच्याच विरुद्ध करतील

आणि त्यांचा नाश करतील.

जे सर्व त्यांना पाहतील, ते उपहासाने आपले डोके हालवतील.

9मग सर्व मानव घाबरतील;

ते परमेश्वराच्या कृत्यांची थोरवी गातील;

आणि त्यांनी केलेल्या चमत्काराविषयी मनन करतील.

10पण नीतिमान लोक याहवेहमध्ये आनंद करतील

व त्यांचा आश्रय घेतील,

सरळ हृदयाचे त्यांचे स्तवन करतील!

सध्या निवडलेले:

स्तोत्रसंहिता 64: MRCV

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

पवित्रशास्त्र, मराठी समकालीन आवृत्ती™

यांची परवानगी घेऊन केले गेले आहे.

सर्व अधिकार जगभरात राखीव.

Holy Bible, Marathi Contemporary Version™

Used with permission.

पवित्रशास्त्र, मराठी समकालीन आवृत्तीबद्दल अधिक जाणून घ्या

स्तोत्रसंहिता 64