Matej 18
18
Ko si majbaro ando nebesko Carstvo
1Ande godova časo aviline ko Isus e učenikurja thaj phučline les: “Ko si askal majbaro ando Carstvo nebesko?” 2Pe godova o Isus akhardas peste e cikne čhavres, thaj čhuta les maškare maškar lende 3thaj phendas lenđe: “Čačes phenav tumenđe, ako či obratin tumen thaj či aven sago cikne čhavra, sigurno či dena ando Carstvo nebesko! 4Ando Carstvo nebesko, majbaro si okova savo ponizil pes sago akava cikno čhavro. 5Ko zbog mande prihvatil jećhe kasave čhavre, man prihvatil. 6Ali ko jećhe katar akala ciknen kaj paćan ande mande crdel po bezeh, avilosas lešće majlačhe te phanden lešće mlinsko bar oko e kor, thaj te tasadol ando more.”
O Isus upozoril kaj avena e kušnje
7O Isus majdur phendas: “Teško e manušenđe ando them kaj ćeren okova so navodil po bezeh! No gajda vareso moraš te avel. No teško okolešće prekal kaste avel. 8Ako ćiro vas ili ćiro pungro crdel tut po bezeh, čhin len thaj čhude len tutar. Kaj si tuće majlačhe te des ando večno trajo kljasto ili bango, nego te liduj vastenca ili pungrenca aves čhudino ande večno jag. 9Ako ćiri jak crdel tut po bezeh, inkal lat thaj čhude lat tutar! Kaj si tuće majlačhe jećhe jakhasa te des ando večno trajo nego te liduj jakhenca aves čhudino ande paklošći jag.
10Len sama te na dićhen barikane ni jećhe katar akala cikne. Kaj phenav tumenđe kaj lenđe anđelurja po nebo neprestalno ačhen anglo nebesko Dad. 11[Kaj me, o Čhavo e Manušesko, avilem te spasiv e hasarden.]”
O Isus phenel e prispodoba palo hasardo bakhro
12“So gindin? Ako si e manušes šel bakhre thaj jek lendar hasavol, či li mućela okolen injavardeš thaj inja ande gore thaj džal te rodel okole jećhe kaj hasajlo? 13Čačes phenav tumenđe, ako araćhel les, majbut raduilape kaj arakhlas godole jećhe nego okolen injavardeš thaj inja kaj či hasajle. 14Gajda vi tumaro nebesko Dad či kamel te hasavol thaj te propadnil ni jek katar akala cikne.”
Opomena aver vernikonenđe
15“Ako ćiro phral sagrešil protiv tute, le les tusa pe rig thaj prekorisar les. Te čhuta tute kan, palem dobisardan ćire phrales palpale. 16No ako či čhol kan tute, le tusa još jećhe ili duje phralen, gajda te ‘svako optužba temeljilpe pe alava duje ili trine svedokonenđi’. 17Ako odbil te čhol kan vi lende, inkal godova angle khanđiri. A ako odbil te čhol kan vi ke khanđiri, inćaren les sago manušes svo či pindžarel e Devles ili sago carenikos. 18Čačes phenav tumenđe, so god phanden pe phuv avela phanglo po nebo, thaj sa so razrešin pe phuv, avela razrešime vi po nebo. 19Isto gajda phenav tumenđe: ako duj džene tumendar akate pe phuv jećhe ilesa zamolin bilo so, mungro nebesko Dad dela tumen godova. 20Zato okote kaj ćidenpe duj ili trin džene ando mungro alav, okote sem vi me maškar lende.”
O Isus sikavel palo jartipe
21Askal o Petar avilo ko Isus thaj phendas lešće: “Gospode, kozom drom te jartosarav mungre phralešće savo sagrešisardas protiv mande? Dži ke efta drom?”
22A o Isus phendas lešće: “Na samo efta drom, nego efta drom po eftavardeš!
23O Carstvo nebesko si sago kana o caro kamel te poravnil e računurja pire slugenca.
24Thaj kana teljardine te ćeren obračun, andine leste jećhe savo sas lešće udžile deš milje gone sunakaj. 25Sar o manuš naštik boldelas o dugo, o caro zapovedisardas te bićinen le zajedno lešće romnjava thaj lešće čhavrenca thaj sa okoleja so sas len thaj gajda podmirin o dugo.
26O sluga pe godova pelas anglo caro pe koča e mujesa džike phuv thaj zamolisarda les: ‘Av strpljivo manca thaj sa boldava tuće!’ 27O caro sažalisajlo pe leste, oslobodisarda les thaj jartosardas lešće o dugo.
28Ali kana godova sluga inkljisto avri, maladas pire drugares, avre slugo, savo sas lešće udžile cara love. Astarda les pale kor thaj počnisardas te tasavel les, thaj phenel lešće: ‘Bolde manđe so san udžile!’
29O drugari lesko pelo angle leste pe koča e mujesa džike phuv thaj zamolisarda les: ‘Av strpljivo manca thaj boldava tuće!’ 30A vo či kamlas te ažućarel, nego inđarda les thaj čhuda les ande tamnica dok či boldel o dugo.
31Kana e aver sluge dikhline so dogodisajlo, zurales ražalostisajle thaj đeletar ko caro thaj obavestisardine les so sas. 32Pe godova o caro akhardas e slugos savešće jartosardas thaj phendas lešće: ‘Bilačho slugona! Me tuće jartosardem sa so sanas manđe udžile zato kaj zamolisardan man! 33Zar či vi tu trubujanas te smiluis tut ćire drugarešće sago kaj me smiluisajlem tuće?’ 34Askal o caro holjajlo thaj predaisarda les e mučiteljenđe dok či boldel sa o dugo.
35Gajda vi mungro nebesko Dad ćerela tumenca, ako či jarton tumare phralešće saste ileja.”
सध्या निवडलेले:
Matej 18: RČB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन