Matthaisioi Phrinzangpo 7
7
1Khyenti thikpo michadpa khyentes (euni) thikpo madhadshik.
2Chiazorbana khyentes thikpo chadpi zosteka khyenti thikpo chadcha chhok; yang khyentes stabse tangkhnn dyana breo na khyentanga-ang stabse tangcha chhok. 3Ni, khyeri phonoe migiang yodkhan shingbua khyeres chialted ?
Yang, khyeri mikpeang yodkhan rdungmawa khyeranga chia rshtaḵẖspa med. 4Hana khyeri phonoa khyeri mikpeang yodkhan shingbu nga-a phingchuk zerba khyeranga gatsuga nyaned ? Yang ltosang rdungmao khyeri mikpeang duk. 5Wa, salyakh rchokhan, snanla khyeri mikpeangma rdungmao phing yang khyeri phonoe mikpeangna shingbu phingma khyeranga rgyala base thongnuk.
6Rtsangma yodkhanun khyiunla matangshik, hana khyenti mutigun phaquni dunla maphangshik/chishe/dounis doun kangmi yoqa rdoqnyes tangnuga yang diltek loqse khyentanga so tabtuga ?
7Rtsodshik yang khyentanga tangcha chhok; tsalshik yang khyentanga thobtuk; (zgo) rdungshik yang khyentanga (zgo) phecha chhok; 8Chiazerbana rtsodkhanpo rerea thobcha chhed yang tsalkhanpoa laqa yongcha chhed, yang (zgo) rdungkhanpoa (zgo) phecha chhed. 9Hana khyentiangna inkhan miyus rangi buthsaos ṯaki rtsodsedna khoa rdoek tangnuga ? 10Yang taqdir khos nyek tsalsedna khoa zbrulchik tangnuga ? 11Dekana taqdir khyentang rtsoqpo dukse rangi buthsaunla rgyala skyesun tangma shesedna, ni, rshnamuniang yodkhan khyenti Ataos khoranga jukhanunla rgyalaun tsamtsek mangmo saluk ?
12Dephya, ga lasun miunis khyentanga bashikpa zere samchao na tsoḵẖspo khyentes khongunla bashik! Chiazerbana Thorat nang Khyenkhanun (-i shoqbu-un) dya in.
13Doqmo staqos jukshik, chiazerbana jikluksiang chhachukkhan staqo phalphal yang lampo phalchan yod, yang des jukkhanun mangmo yod. 14Amma sonluksiang chhe staqo doqsmo yang doang chhachukkhan lampo phalmed yod, yang do thobkhanun nyuntse yod.
15Amma/nangltek zakhan shangku dukse katodis lu-i phaqspa gone khyenti shitia yongskhan rdzoni khyenkhanunla snanga jaqshik! 16Doun rangi phalu-unika khyentanga-ang ngozin chhok. Thsermika rgun hana rzothsodikana seyab khongis tuida ? 17Do natsoḵẖspo ga rgyala staqji-ika noro phalu-un khured, amma nganpa staqjia qoni phalu-un khured. 18Rgyala staqjia rtsoqpo phalu-un khurcha men, hana nganpa staqjia noro phalu-un khurcha men. 19Rgyala phalu mikhurkhan staqji jung chade meang phanged. 20Ni, mantaḵẖsika khonguni phalu-unika khyentanga khongun ngozin chhok.
21Nga-a kasa Ashipa, kasa Ashipa zerkhanuniang garere saq rshnami rgyastridiang mihleb, dobasang rshnamuniang yodkhan ngi Ati ranlukspo gangrgya chhachukkhanpo (deang hlebtuk). 22Dejaqa mangmos nga-a zeruk Kasa Ashipa, kasa Ashipa, ngachas yeri mingtaḵẖspeka kliyen ma khyensa ? Yang yeri mingtaḵẖspeka dreun ma phingsa ? Yang yeri mingtaḵẖspeka khyudpariks las mangmo ma basa ? 23Dekana ngas khongunla sal phose zeruk, khyentanga Nga mana mashespa las bakhanun ngi shitiana songshikl 24Dephya ngi di tamun gose yodkhanpos doun gangrgya basna rangi khangmao braqika rtikskhan kosondo miyu na nga zdured. 25Ni, chharpa yongs, yang chhurud khyongs, yang raru langs, yang de khangmeka phoq; yang do mardib; chiazerbana de smeang rdo braqpoka tangsedpin, 26Amma ngi di tamun gose yodkhanpo dounika druls ma druls na, rangi khanmao byamika tangskhan rshkangmed miyu na ḏanḏa chhok. 27Ni, chharpa yongs, yang chhurud khyongs, yang raru langs, yang de khangmeka phoqse rdib, yang de rdibse yodkhanpo mana chhopo song.
28Yang ḏinḏek song : Yeshus di tamun thsangshuksena mibongsun khoe ltsabzo gose rgyal. 29Chiazerbana Khos khonguni chhos zbrikhanuni zostao men dobasang khos bashani zosteka khonga ltsabspin.
सध्या निवडलेले:
Matthaisioi Phrinzangpo 7: SOMA
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© Société Biblique de Genève