Yohaanisa Gaatha Qofa
Gaatha Qofa
Yohaanisi Yesuusa, “Ase gididi asa giddon bentida Xoossa Qaala” yaagidi qoncisees. Ha wongelay xaafetiday, maxaafa nabbabiya oonika Yesuusi ase ashshanaw yaana geetetida Xoossa Na7a gideysa ammanana melanne iya ammaneysatas merina de7oy de7eysa enti erana melasa (20:31).
Wongelas koyro kifiley merinaw de7iya Xoossa qaalaynne Yesuusi issino gideysa odees. Yohaanisa wongelay, Yesuusi ashsheysa gididi yaana gida Xoossa Na7a gideysa bessiya dumma dumma malaatata qoncisees. Ha wongela xaafey, Yesuus Kiristoosi ba huuphen tuma Xoossa Na7anne Xoossa aawara issino gideysa (1:1) qoncisis. Yesuusi ba huuphen, “Taani Abrahaamepe kase de7ayis” (8:58) yaagis. Wursethan Toomasi, “Ta Godaw, ta Xoossaw” yaagidi xeegis (20:28). Hessafe kaallidi, ha malaatatape bentida ayfiya odiya taariketi kaalloosona. Ha kifiley issi issi asi Yesuusa ammanidi iya kaalliya asi gididaysa odees; qassi harati iyara waanidi eqetidakonne waanidi ammanonna ixidaako odoosona. Shempo 13-17 gakanaw Yesuusi oyketida omarsi, ba tamaaretara iyaw ay mela mino gahetethi de7iyako, qassi wontetha gallas kaqetanaape sinthe giigetethinne minthetho qaala entaw odidaysa qoncisees. Wursetha shempoti Yesuusi oyketidabanne pirdas shiiqidaba, iya kaqetetha, iya denduwanne ba tamaaretas qoncida qoncetha odoosona.
Maxaafa Ayfe Qofata
Gelo qofa (1:1-18)
Xammaqiya Yohaanisanne koyro Yesuusa tamaareta (1:19-51)
Yesuusi qoncen ooso oykis (2:1—12:50)
Yerusalaame heeran aathida wursetha saaminta (13:1—19:42)
Hayqope dendonne asaas bentuwa (20:1-31)
Galilan zaaridi ba tamaaretas bentuwa (21:1-25)
सध्या निवडलेले:
Yohaanisa Gaatha Qofa: GFBLVF
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
The Word for the World International and The Word for the World Ethiopia