انجیلِ مَتّی 1
1
عیسی مسیح شجره نومه
1عیسی مسیح شجره نومه،
که داوود پاتشاه زا و ابراهیم پیغمبر نسلَ به هِمنه عه:
2ابراهیم، اسحاق پِه،
اسحاق، یعقوب پِه
یعقوب، یهودا و چو برارون په به.
3یهودا، فِرِص و زِراح پِه بِه
و چون ما نومَ تامار بِه.
فِرِص، حِصْرون پِه
و حِصْرون، رام پِه،
4رام، عَمّیناداب پِه،
و عَمّیناداب، نَحْشون پِه
نَحْشون، سَلمون پِه بِه.
5سَلمون، بوعَز پِه بِه. و بوعَزِ ما نومَ راحاب بِه.
بوعَز، عوبید پِه به و عوبیدِ ما نومَ
روت بِه.
عوبید، یَسا پِه به
6و یَسا، داوود پاتشاه پِه به.
داوود، سلیمان پِه به.
سلیمانِ ما پیش از اَم که داوود پاتشا زنِگ ببیه، اوریا زنِگ بِه.
7سلیمان، رِحُبعام پِه،
و رِحُبعام، اَبیّا پِه، اَبیّا، آسا پِه بِه.
8آسا، یِهوشافاطِ په،
و یِهوشافاط، یورام په،
یورام، عُزّیا پِه به.
9و عُزّیا، یوتامِ په، یوتام، آحازِ پِه،
و آحاز، حِزِقیا په به.
10حِزِقیا، مَنَسِی په، مَنَسِی، آمون په
آمون، یوشیا په به.
11یوشیا، یِکُنیا و چو براعونِ په بِه که
اَم زمون، یهودیون تبعید ببنده به بابِل سرزمین.
12یهودیونِ تبعیدِ پَش به بابِل:
یکُنیا، شَئَلتَئیل پِه و شَئَلتیئیل زِروبابل
پِه بِه.
13زِروبابِل، اَبیهود په،
اَبیهود، اِلیاقیم په،
و اِلیاقیم، عازور پِه بِه.
14عازور، صادوق په،
صادوق، اَخیم په،
اَخیم، اِلیود پِه بِه.
15و اِلیود، اِلعازار پِه و اِلعازار، مَتّانِ په،
مَتّان، یعقوبِ په به.
16یعقوب، یوسف پِه و یوسف مریمِ شِو به،
و مریمِ، عیسی ای که اَوِشون مسیح واتَی
دِنیاش بایرد.
17هِمنَه، ابراهیم پیغمبرِ زَمُون تا داوود پاتشاه زمُون چهارده نسل و داوود پاتشاه زَمُون تا زمونی که یهودیون به بابِل تبعید بِبنده چهارده نسل و تبعید زمُون تا مسیح زمُون چهارده نسل بِنده.
عیسی مسیح دنیا اومییَن
18عیسی مسیح دِنیا اومییَن هِمنَه بِه: عیسی ما مَریمِ، یوسفِ پِیوندی بِه. امّا پیش از اَم که عروسی بکرنده وختی که مریمِ کِلِگ بِه معلوم ببه که روح القدوسَ دَ آوِراسَ. 19مریمِ شِو، یوسُف، که صالح مَردکی به و نِگَوِسِشَه مریمِ رِسوا بیبیَه، تصمیمش بگَت که بی صص مَریم دَ جِدا بیبی. 20امّا وختی یوسف هنو هَم فِکرَ دَ به ای دفه خداوندِ ای ملائکه ایی، چو خواوَ دِرومه و بِواتِش: «ای یوسف، داوود پاتشاه زا، اِشته زَنِگییَم مریَمییَم پَیوند کردنَ مترس، چون اَ خوردگی که چو تِرنه دَ اِسِه، روح القدوسَ دَ اِسِه. 21مَریم ای زایی ای دِنیا آیره و تَه چُو نوم عیسی اُنی، چون اَو اِشتن قومه، چون گناهانِ دَ نجات دی.» 22اَم چیه همَّه اتفاق دِکَت تا اَ چیون که خداوند، اِشعَیای پیغمبره زَونَ واتِش به، اتفاق دِگِنه که
23«ای کِلَگی آور آبی و زایی دِنیا آیریه
و چُو نوم عِمانوئیل اونینده»
که چُو معنی «خدا چَما خَمناعه» اِسه. 24وختی یوسف خواوَ اوپاب ببه هر چه که خداونده ملائکه اَجوش فرمان داعه به، انجامش بدا و مریمِیم که چو زَنِگ به پیوندش بِکَه. 25امّا چواَم نُخوت تا وختی که مریمِ اِشتن زاش دِنیا بایرد، و یوسف، اَ خوردگِ نومش عیسی اونا.
सध्या निवडलेले:
انجیلِ مَتّی 1: KTT
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
@ 2024 Korpu Company