Ageun 21
21
1 #
1 Sam 2:21; Age 17:19; 18:10; Gal 4:23. Koanyana EJAKAIT Sara kwape kinerar, ido kiswamak EJAKAIT Sara kwape alimokinia. 2#Bur 11:11; Asw 7:8. Kopotuu Sara, kourik Aburaam ikoku yenitelepat, kemoion, toma apak nin nakelimokinit ŋes Edeke. 3#Age 17:19. Komaik Aburaam ikoku yenaurikini Sara ekekiror Isaak. 4#Age 17:12; Asw 7:8. Kokep Aburaam okokuke Isaak kedau apaarasia akanykauni, kwape ecorakinitor ŋes Edeke. 5Ido adaunit Aburaam ikar akwatat eurikinio ŋes ikokuke Isaak. 6#Sab 126:2; Isa 54:1; Luk 1:14,58. Kotema Sara atiar, “Ketekien Edeke, ŋinitunanan yeniirari kikienenei keoŋ.” 7#Age 18:11. Kotema atiar, “Iŋai nol lo tiketema Aburaam ebe, ‘Ebuni Sara aitanak ikedwe’? Naarai aurik ŋes ikoku yenitelepat kamoionuke.”
8Kopoloor ikoku, kojaka: kipo Aburaam epucit loepol kapaaran kanaajakaria Isaak. 9#Age 16:1,4,15; Gal 4:29. Koany Sara ikoku yenika Kagar Amisiriat yenaurikini Aburaam, isekelo. 10#Gal 4:29-30; Age 25:6; 36:6,7. Ŋes ketemaria Sara Aburaam atiar, “Kirenea abulesit na ka ikekoku, naarai ikoku yenika abulesit kana mam epedori araun ekeruman nepepe kikakoku, ŋes Isaak.” 11#Age 17:18. Korau akirot nin naapagal noi kakonyen nuka Aburaam kanuka ikekoku. 12#Rom 9:7; Bur 11:18. Kotema Edeke Aburaam atiar, “Kinye araut naepagal kakonyenekon kanuka ikoku, ido kanuka abulesitikon; kere nukilimokini Sara, kopupununei eporotoke; naarai kotoma Isaak ŋes enyaraununere akoniwur; 13#Age 16:10; 17:20; 25:12. Ido kotoma okoku loka abulesit elomuni ateker, naarai ŋes aurikon.” 14#Yok 8:35. Konyou Aburaam tupuruc sek, kolem aimuj ka eriagi loka emukule loka akipi, koinak Kagar, kibwaik okeperike, ka ikoku da, kotwar: kolot ipasitoi toma amodiŋ naka Beer-seba.
15 #
Mar 20:5; Sab 63:1. Kodaunos akip nukotoma omukule, kirupak ŋesi ikoku amoni; 16#Age 44:34. Kikunyak, kiboikin kwap kobwatara bala apak naegumario ekojo: naarai abu kobala ebe, “Sirikete ikoku etwani.” Kiboikin kobwatara, kodelo, komony. 17#Any 3:7; 2 Ika 13:4,23. Kiira Edeke eporoto loka etelepat, kiworo emalaika loka Edeke Kagar ebuni kokuju, kotema atiar, “Inyo bo itururwoo ijo? Sirikikurianar; naarai eira Edeke eporoto loka etelepat kaneejai. 18#Age 21:13; 25:12; Tub 8:24. Konyou, kitonyou etelepat, kitin kakonikan; naarai abuni aituluor ŋes ateker naepol.” 19#Mar 22:31; 2 Ika 6:17; Luk 24:16. Kitekweny Edeke akekonye, koany atan naka akipi; kolot kileleb akipi toma oriagi, kitamat etelepat. 20#Age 16:12; 39:2,3. Kojai Edeke nepepe ketelepat, kopoloor; kiboienenei kamodiŋ, koluor ekaguman imalia. 21#Age 24:4; 20:2; 26:28; Isa 8:10. Kiboienenei kamodiŋ naka Paran; komanyak totoke ŋes aberu kotoma akwap nako Misiri.
22 #
Age 26:26. Kosodi kapakio kanun apotu Abimelek ka Pikol ekapolon loka ajoreke kolimokis Aburaam ebe, “Ejai Edeke nepepe kajo kotoma kanuiswamai kere; 23#Yos 2:12; 1 Sam 24:21. Aso kiyapoikinoi kane kokiror loka Edeke ebe, Mam kimodakin eoŋ, karaida okokuka, karaida okoku loka okokuka; konye kwape eiaar asianut naabu keswamak, ijo da kiswamakinai eoŋ kwaŋin, ka akwap da nakiboieneneo.” 24Kotema Aburaam atiar, “Eyapoi.”
25 #
Age 26:15-22. Kitoron Aburaam Abimelek kanuka Atan naka akipi, naapotu ibulesin luka Abimelek kodemasi kagogon, 26Kotema Abimelek atiar, “Mam ajeni yenikiswamai kwaŋin; ido mam lem jo kisiiranari eoŋ, ido mam apupununei, dimarai akiirar ŋes lolo.” 27#Age 26:28-31. Koyana Aburaam amerekekin ka imoŋin koinak Abimelek; kitutukoto aitutuket kes iarei. 28Kibwaik Aburaam amerekekin akanykaarei nukotoma osipan owaikec bonik. 29#Age 33:8. Kotema Abimelek Aburaam atiar, “Amerekekin ŋun akanykaarei nuigitaa apoloukec inyo?” 30#Age 31:48. Kotema atiar, “Iyaŋaari amerekekin ŋun akanykaarei kakanika, tetere eraun aanyunet kama ajai aitejenun ebe eoŋ aboki atan ŋin.” 31#Age 26:33. Ŋes amaikinia aibois ŋin Beer-seba; naarai nen ŋes etutukioto kesi kere. 32#Yos 13:2. Kwaŋin kitutukoto aitutuket koBeer-seba: konyou Abimelek ka Pikol ekapolon loka ajoreke, kobonosi akwap naka Ipilisitian. 33#Ikis 33:27; Sab 9:7; Isa 9:6; Rom 16:26; Bur 13:8; 1 Tim 1:17; Apu 10:6. Kiraik Aburaam epeduru toma Beer-seba, kiwonei kanen ekiror loka EJAKAIT, Edeke lomam edaun. 34Kodau Aburaam apaarasia nuipu kakwap naka Ipilisitian.
सध्या निवडलेले:
Ageun 21: AOV1961
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Ateso Old Version Bible © United Bible Societies, 1961.