Génesis 8
8
Tej twe' k'ekab
1Ultzun Noé tuj t-ximbetz Dios cyuc'ix cycyakil ke txcup ate'cxtok tuc'il tuj matij barc. Tzaj tk'o'n Dios jun cyk'ik' tibaj tx'otx' ex cub lak'e' a'; 2e maket ke twi a' t-xe nintz mar, maket ttzi cya'j ex we'tzun jbal. 3Chebale cub ti'j a'. Tbajlenxi 150 k'ij, otok cub lak'e' a'. 4Atzun cub ten matij barc cywi witz tuj Ararat tuj wuklaj tajlal twukin xjaw. 5Atzunte a' in cub lak'e'tok, ex tuj tnejel k'ij tuj tlajin xjaw, maxitzun tk'ancha'lin cywi' junjun witz mas nmak cywa'l.
6Tbajlenxitzun 40 k'ij, ocx tjako'n Noé aju tventanil matij barc otok bant tu'n. 7Etztzun ttzokpi'n jun joj; atzunte joj nok o lipan tic', nne'lxi lak'e' ex nnu'lxi lak'e' ti'j matij barc tejxi tcub tzkij a'. 8Te tibajxi joj, etz ttzokpi'n Noé jun paloma tu'ntzun tque'yinte ka otok tzkij a' twitz tx'otx'. 9Minti' cnet jatum tu'n tcub we' tu'nju atxtok a' twitz tx'otx'. Ajtzun meltz'aj jatum ta'tok matij barc. Etz tk'o'n Noé tk'ab tzyulte ex ocx ti'n tuc'il.
10Ayon Noé wuk k'ijtl. Etztzun t-sama'n juntl maj aju paloma. 11Ch'ixtok toc yupj tej tul meltz'aj paloma k'i'ntok jun tal t-xak tze' olivo tu'n ttzi'. Tu'ntzun jlu el tnic' Noé ti'j cyja'tok tcub tzkij a' twitz tx'otx'. 12Ayon Noé wuk k'ijtl. Etztzun t-sama'n juntl maj aju paloma; atzunte paloma minti' ul meltz'aj juntl maj.
13Tuj abk'i tej tjapun Noé twi' 601 abk'i, tuj tnejel k'ij tuj tnejel xjaw, tzkij twitz tx'otx'. Eltzun ti'n Noé aju tmaksil matij barc ex o til otok tzkij twitz tx'otx'. 14Tuj 27 tajlal tcabin xjaw otok baj tzkij twitz tx'otx'. 15Tzajtzun tma'n Dios te Noé cyja': 16Tetza tuj matij barc, tuc'ix t-xu'jila, cyuc'ix ke tcy'ajala ex ke tliba. 17K'i'metza cycyakil ke txcup ate' tuc'ila: Ke chyu'j ex txkantl txcup in che lipan twitz cya'j, ke alumaj, ex ke txcup in xi cyjaku'n cyc'u'j twitz tx'otx', tu'n t-xi cysipan cyib twitz tx'otx', tu'n cypok'l ex tu'n tchmet cybaj twitz tx'otx', chi Dios. 18Etztzun Noé, cyuc'ix ke tcy'ajal, tuc'ix t-xu'jil ex ke tlib. 19E je'tz tuj matij barc cycyakil txcup in che yucch twitz tx'otx', cycyakil keju in xi cyjaku'n cyc'u'j ex keju in che lipan twitz cya'j, teyle te junjun tiyjil. 20Cubtzun tbincha'n Noé jun altar te patbil chojbil twitz Kman, e tzaj ti'n ke txcup ex ke chyu'j sak ke, jun ti'j teyle junjun wik, ex e cub tpatun te jun oyaj tibaj altar. 21Tejtzun tna'nte Kman tbanilxix tc'oc'jal oyaj, tma tuj tanmi cyja': Mlay tzaj nk'o'ntle sentens tibaj tx'otx' tu'n tlaj xjal, porque ate xjal atxix tuj tcu'xumal o'cx in ximan ti'j mya ba'n, ex mlay che najtl tcyakil txcaj jil wu'ne ic tza'n o nbinchaye.
22Acux atx tx'otx', cucx ctel tk'ijlalil awbil ex chembil twitz awal, tk'ijlalil cyak ex che'w, tk'ijlalil jbalil ex coresma, cucx ctzajel k'ijl ex konic'an, chi Kman.
सध्या निवडलेले:
Génesis 8: MAMH
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Mam del Norte © Sociedades Bíblicas Unidas 1993