<div class="version vid2123 iso6393ifk" data-vid="2123" data-iso6393="ifk">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt1"><span class="content">Hay mipanggep ketuwen liblu an Genesis</span></div><div class="ip"><span class="content">Hituwen liblu an Genesis di nitudokan nadan inat Apu Dios an nunlutuh kabunyan ya luta ya am-in nadan matagun wadah di. Hitu boy nitudokan nan ugge nangun-unudan handidan namangulun lalaki ya babai ke Apu Dios. Gapu ketuwen inat da ya naliwat da ot madadag nan maphod an nakihayyupan dan Apu Dios.</span></div><div class="ip"><span class="content">Mu takon di athidiy naat ya pinhod Apu Dios an mibangngad di maphod an pakihayyupan di tagun hiya. Kinali hinamad nan kinalin itud-ak nay mangihwang hi tatagu. (3:15) Ot hay inat nat umannung hituwen kinalina ya pinili nah Abraham an gayyum nan bendisyonanat wadan tuy ohan holag nah udum hi algon mangihwang hi taguh tuh luta (12:1-3).</span></div><div class="ip"><span class="content">Hay liblu an Genesis di nitudokan di pamaptok ya paminhod Apu Dios hi tatagun lintuna. Hituwen pamaptok na ya nipatibo nah inat na nadah tatagu, nadah pamilya, nadah holag ya nadah boble. Nipatiboh tuwen pamaptok nah tataguh nangipanaptokanan Abraham ya hi Isaac, hi Jacob ya nadan holag da.</span></div><div class="iot"><span class="content">Hanadan nitudok ketuwen liblu:</span></div><div class="io1"><span class="content">1. Hay nunlutuwan Apu Dios hi kabunyan ya luta. (1:1&#8212;2:25)</span></div><div class="io1"><span class="content">2. Hay nungngohayan nan namangulun tagu ot munliwat ke Apu Dios. (3:1-24)</span></div><div class="io1"><span class="content">3. Hanadan namangulun tatagu ya nadan holag da. (4:1&#8212;5:32)</span></div><div class="io1"><span class="content">4. Hay nangipaptokan Apu Dios ke Noah ya hay nalbongan di luta. (6:1&#8212;9:26)</span></div><div class="io1"><span class="content">5. Hanadan holag Noah ya hay nangipatnaan nadan tatagun mamohwat hi Tower an Babel. (10:1&#8212;11:26)</span></div><div class="io1"><span class="content">6. Hanadan inat Apu Dios ke Abraham. (11:27&#8212;25:11)</span></div><div class="io1"><span class="content">7. Hanadan holag Ishmael. (25:12-18)</span></div><div class="io1"><span class="content">8. Hanadan inat Apu Dios hi biyag Isaac ya nadan imbabalena ya hi Jacob ke Esau. (25:19&#8212;36:43)</span></div><div class="io1"><span class="content">9. Hanadan inat Apu Dios hi biyag Joseph. (37:1&#8212;50:26)</span></div>
        </div>
    </div>
</div>

Hay mipanggep ketuwen liblu an Genesis
Hituwen liblu an Genesis di nitudokan nadan inat Apu Dios an nunlutuh kabunyan ya luta ya am-in nadan matagun wadah di. Hitu boy nitudokan nan ugge nangun-unudan handidan namangulun lalaki ya babai ke Apu Dios. Gapu ketuwen inat da ya naliwat da ot madadag nan maphod an nakihayyupan dan Apu Dios.
Mu takon di athidiy naat ya pinhod Apu Dios an mibangngad di maphod an pakihayyupan di tagun hiya. Kinali hinamad nan kinalin itud-ak nay mangihwang hi tatagu. (3:15) Ot hay inat nat umannung hituwen kinalina ya pinili nah Abraham an gayyum nan bendisyonanat wadan tuy ohan holag nah udum hi algon mangihwang hi taguh tuh luta (12:1-3).
Hay liblu an Genesis di nitudokan di pamaptok ya paminhod Apu Dios hi tatagun lintuna. Hituwen pamaptok na ya nipatibo nah inat na nadah tatagu, nadah pamilya, nadah holag ya nadah boble. Nipatiboh tuwen pamaptok nah tataguh nangipanaptokanan Abraham ya hi Isaac, hi Jacob ya nadan holag da.
Hanadan nitudok ketuwen liblu:
1. Hay nunlutuwan Apu Dios hi kabunyan ya luta. (1:1—2:25)
2. Hay nungngohayan nan namangulun tagu ot munliwat ke Apu Dios. (3:1-24)
3. Hanadan namangulun tatagu ya nadan holag da. (4:1—5:32)
4. Hay nangipaptokan Apu Dios ke Noah ya hay nalbongan di luta. (6:1—9:26)
5. Hanadan holag Noah ya hay nangipatnaan nadan tatagun mamohwat hi Tower an Babel. (10:1—11:26)
6. Hanadan inat Apu Dios ke Abraham. (11:27—25:11)
7. Hanadan holag Ishmael. (25:12-18)
8. Hanadan inat Apu Dios hi biyag Isaac ya nadan imbabalena ya hi Jacob ke Esau. (25:19—36:43)
9. Hanadan inat Apu Dios hi biyag Joseph. (37:1—50:26)

Dengar Genesis Hay mipanggep ketuwen liblu an Genesis