<div class="version vid2166 iso6393ahk" data-vid="2166" data-iso6393="ahk">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt1"><span class="content">Jashaw-eu Dawq</span></div><div class="ip"><span class="content">Yaerbof yawoer-euq lafkhoer Meqsirya oe mae laer Miqyaer gharduq ghawqmya gar ngaeqdan taq-euq mae. Miqyaer, Yaerbof yawoer-euq lafkhoer dawq ngaeqsaq saq-awr 400 khof aerghaq byanlar ngae, aqyawf-euq Zaqyo, mirtsaq-euq khoertav bi&#8217;oe-euq mae. Guiqlanqdawq oeq pur luf-euq lafkhoer laqkhaq caer-eu guiqlanqdawq, Yeqsur-euq daefzir, yashir-awr ghofdaef lar-euq garkawv boftaq-euq mae. Yeqsur-aq, Yaerbof yawoer-euq lafkhoer Miqyaer gharduq ngaeqdan taq-euq dawq byanlar-euq mae laer bimawrni, A.D. 50 khof-anr Maqtaeq, sanqbof heupur bof-euq mae. Yurdav tsawrhaq, Yeqsur-aq Meqsirya nga laer bijan-eu gharduq bof-euq mae.</span></div><div class="ip"><span class="content">Maqtaeq-euq tsawrmyanr yawqmyanr yawq-aq, Leqbir laer kur-eu mae. Aqyawf, Yeqsur-anr cantae-euq maeqhu, jeq taf-eu tsawrhaq geufyaf-euq mae (Mk 2:14). Khoerngae yamq-anr Lormav, Yurdav tsawrhaq-anr uvlanr luf-eu mirnae, Yurdav tsawrhaq, Lormav-anr muir-eu deuq laer sawxtaq-euq mae. Jeq taf-eu tsawrhaq, Lormav-euq gharduq taf ngae, aqyawfmaf aqmyanluf yawqha-euq gharduq khawf, yurdov geuf-eu mae. Sanqpaq Yeqsur, Maqtaeq zawr doer-eu gar heu mrmr-aer jawrluf-eu gar nae kur-euq mae. Khoernar-aq, aqyawf-euq daefzir lavmuiq lavpar naeq-awr, aqyawf-anr ghaqkhaer bigeufni kur-euq uqtaf, laqkhaq caer-eu guiqlanqdawq heupur bibofni khawf zmq-euq mae.</span></div><div class="ip"><span class="content">Sanqbof heupur-euq deuvzaq yawbae deuv, Yeqsur-aq Meqsirya mae laer sanqbof heupur-euq nuinoeq uqdzan toeqmaeq taq-euq mae. Yeqsur-aq, Aqbyaqhaq-euq Zaqyo mae laer Maqtaeq deuvma tif lafkhoer tsuif boftaq-euq mae. Yeqsur-aq, Daqbir-euq Zaqyo khawf pyeuf-eu mae laer, Maqtaeq sanqbof-euq lafkhoer ghawqmya gar Daqbir hawr-eu Daqbir-euq dzoeqdzaq-anr aerkeuv taq-euq mae. Yeqsur-aq, Yaerbof yawoer-euq lafkhoer Miqyaer gharduq ngaeqdan-eu dawqdeuq byanlar-euq Sanqpaq mae. Yeqsur-aq, Irsaqleqlav-euq Meqsirya mae. Yeqsur-aq, tsawrjeuq tsawrca dawqtawv luf-euq Meqsirya khawf ngeur-eu mae. Maqtaeq sanqbof arsaq saq-ir gar, tsawrjeuq tsawrca dawqtawvluf zaqlanr pyeuflarni janr-ir laer Yeqsur nae bifsaq saq-euq khaerdawq boftaq-euq mae.</span></div><div class="ip"><span class="content">Maqtaeq, aqyawf nae bof-euq nuinoeq uqdzan-anr gui-eu deuq yawmuiq-aer ghovshawnya paq-aer arkawv yawmuiq paq-aer kawvtaq-euq mae. Maqtaeq, Yeqsur-euq daefzir hawr-eu guiqlanq-euq gar mr-euq smq pav heulof-aer birpav taq-euq mae. Sanqpaq-euq gharduq laeqhmq-eu (Mt 1:1-4:16), Sanqpaq guiqlanq-euq gar mr-euq (Mt 4:17-16:20), Sanqpaq shir-awr bi bafpanq-awr ghofdaef lar-euq (Mt 16:21-28:20). Aqyawf pav aqyawf-euq lafkhoer, Maqtaeq, Yeqsur-euq daefzir-anr taf-eu garkawv uqdzan deuq tser-awr boftaq-euq mae. Aqyawf zirga dzanrga hawr-eu maeq-awr tsov-eu jeq khawf boftaq-euq mae. Yeqsur nae maeq-euq gar nae, aqcawq siqnya dzaeqdzaeq-eu-aq Gawqjawq-anr Maeq-euq Maeqdawq Mae (Mt 5-7).</span></div><div class="ip"><span class="content">Yeqsur-aq, tsawrjeuq tsawrca dawqtawv luf-euq Sanqpaq hawr-eu Meqsirya mae. Aqdui, aqyawf-anr jan-awr cantae-eu tsaq mae.</span></div><div class="iot"><span class="content">Maqtaeq Sanqbof-euq Mawrkawr:</span></div><div class="io1"><span class="content">I. Sanqpaq-euq gharduq laeqhmq-eu (Mt 1:1-4:16)</span></div><div class="io1"><span class="content">II. Sanqpaq guiqlanq-euq gar mr-euq (Mt 4:17-16:20)</span></div><div class="io1"><span class="content">III. Sanqpaq shir-awr bi bafpanq-euq gar nae ghofdaef lar-euq (Mt 16:21-28:20)</span></div>
        </div>
    </div>
</div>

2018 © Bibles International ® The Bible Society of Baptist Mid-Missions

Jashaw-eu Dawq
Yaerbof yawoer-euq lafkhoer Meqsirya oe mae laer Miqyaer gharduq ghawqmya gar ngaeqdan taq-euq mae. Miqyaer, Yaerbof yawoer-euq lafkhoer dawq ngaeqsaq saq-awr 400 khof aerghaq byanlar ngae, aqyawf-euq Zaqyo, mirtsaq-euq khoertav bi’oe-euq mae. Guiqlanqdawq oeq pur luf-euq lafkhoer laqkhaq caer-eu guiqlanqdawq, Yeqsur-euq daefzir, yashir-awr ghofdaef lar-euq garkawv boftaq-euq mae. Yeqsur-aq, Yaerbof yawoer-euq lafkhoer Miqyaer gharduq ngaeqdan taq-euq dawq byanlar-euq mae laer bimawrni, A.D. 50 khof-anr Maqtaeq, sanqbof heupur bof-euq mae. Yurdav tsawrhaq, Yeqsur-aq Meqsirya nga laer bijan-eu gharduq bof-euq mae.
Maqtaeq-euq tsawrmyanr yawqmyanr yawq-aq, Leqbir laer kur-eu mae. Aqyawf, Yeqsur-anr cantae-euq maeqhu, jeq taf-eu tsawrhaq geufyaf-euq mae (Mk 2:14). Khoerngae yamq-anr Lormav, Yurdav tsawrhaq-anr uvlanr luf-eu mirnae, Yurdav tsawrhaq, Lormav-anr muir-eu deuq laer sawxtaq-euq mae. Jeq taf-eu tsawrhaq, Lormav-euq gharduq taf ngae, aqyawfmaf aqmyanluf yawqha-euq gharduq khawf, yurdov geuf-eu mae. Sanqpaq Yeqsur, Maqtaeq zawr doer-eu gar heu mrmr-aer jawrluf-eu gar nae kur-euq mae. Khoernar-aq, aqyawf-euq daefzir lavmuiq lavpar naeq-awr, aqyawf-anr ghaqkhaer bigeufni kur-euq uqtaf, laqkhaq caer-eu guiqlanqdawq heupur bibofni khawf zmq-euq mae.
Sanqbof heupur-euq deuvzaq yawbae deuv, Yeqsur-aq Meqsirya mae laer sanqbof heupur-euq nuinoeq uqdzan toeqmaeq taq-euq mae. Yeqsur-aq, Aqbyaqhaq-euq Zaqyo mae laer Maqtaeq deuvma tif lafkhoer tsuif boftaq-euq mae. Yeqsur-aq, Daqbir-euq Zaqyo khawf pyeuf-eu mae laer, Maqtaeq sanqbof-euq lafkhoer ghawqmya gar Daqbir hawr-eu Daqbir-euq dzoeqdzaq-anr aerkeuv taq-euq mae. Yeqsur-aq, Yaerbof yawoer-euq lafkhoer Miqyaer gharduq ngaeqdan-eu dawqdeuq byanlar-euq Sanqpaq mae. Yeqsur-aq, Irsaqleqlav-euq Meqsirya mae. Yeqsur-aq, tsawrjeuq tsawrca dawqtawv luf-euq Meqsirya khawf ngeur-eu mae. Maqtaeq sanqbof arsaq saq-ir gar, tsawrjeuq tsawrca dawqtawvluf zaqlanr pyeuflarni janr-ir laer Yeqsur nae bifsaq saq-euq khaerdawq boftaq-euq mae.
Maqtaeq, aqyawf nae bof-euq nuinoeq uqdzan-anr gui-eu deuq yawmuiq-aer ghovshawnya paq-aer arkawv yawmuiq paq-aer kawvtaq-euq mae. Maqtaeq, Yeqsur-euq daefzir hawr-eu guiqlanq-euq gar mr-euq smq pav heulof-aer birpav taq-euq mae. Sanqpaq-euq gharduq laeqhmq-eu (Mt 1:1-4:16), Sanqpaq guiqlanq-euq gar mr-euq (Mt 4:17-16:20), Sanqpaq shir-awr bi bafpanq-awr ghofdaef lar-euq (Mt 16:21-28:20). Aqyawf pav aqyawf-euq lafkhoer, Maqtaeq, Yeqsur-euq daefzir-anr taf-eu garkawv uqdzan deuq tser-awr boftaq-euq mae. Aqyawf zirga dzanrga hawr-eu maeq-awr tsov-eu jeq khawf boftaq-euq mae. Yeqsur nae maeq-euq gar nae, aqcawq siqnya dzaeqdzaeq-eu-aq Gawqjawq-anr Maeq-euq Maeqdawq Mae (Mt 5-7).
Yeqsur-aq, tsawrjeuq tsawrca dawqtawv luf-euq Sanqpaq hawr-eu Meqsirya mae. Aqdui, aqyawf-anr jan-awr cantae-eu tsaq mae.
Maqtaeq Sanqbof-euq Mawrkawr:
I. Sanqpaq-euq gharduq laeqhmq-eu (Mt 1:1-4:16)
II. Sanqpaq guiqlanq-euq gar mr-euq (Mt 4:17-16:20)
III. Sanqpaq shir-awr bi bafpanq-euq gar nae ghofdaef lar-euq (Mt 16:21-28:20)

Dengar Maqtaeq Jashaw-eu Dawq