Manya - 2023 SIM (OT NT Portions) Drama

<div class="version vid3590 iso6393mzj" data-vid="3590" data-iso6393="mzj">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Isa ka falifaamat&#596; d&#596; lak&#603;n&#603;ya teme</div><div class="p"> 1Wo k&#596;, Isa ka taa Jelusal&#603;mu ka b&#603;n Jahudiyalu ya selib&#596;lon d&#596; ma. 2Dala ba d&#596; yi Jelusal&#603;mu, Saalu Donda daf&#603;, ai y'a f&#596;la min ma Hebulukan n&#596; ko Betizada, ado bolon loolu le yi dala wo laminin n&#596;. 3Jangalot&#596; siyama lanin t&#603;&#603; bolon wolu k&#596;l&#596;, &#626;agb&#603;lu o, namalanilu o, ani falifaamat&#596;lu. 4[Ai t&#603;&#603; ji lamaamaa waate le mak&#596;n&#596;na. Kamas&#596;l&#596;n waate d&#596;lu l&#596;, Ala ya m&#603;l&#603;ka d&#596; t&#603;&#603; jiila dala wo l&#596; k'a ji lamaamaa. Wo t&#603;&#603; v&#603; k&#603;la, jangalot&#596; min t&#603;&#603; v&#603; jiila dala wo l&#596; kunf&#596;l&#596; le, wo tii t&#603;&#603; k&#603;n&#603;yale, hali jangalo suu suu t&#603;&#603; k&#603; a la.] 5K&#603;&#769; d&#596; t&#603;&#603; je, min t&#603;&#603; v&#603; san bisawa ni sein (38) k&#603; jangalo l&#596;. 6Isa ka k&#603;&#769; wo lanin ye ming&#603; k'a l&#596;n a t&#603;&#603; v&#603; m&#603;n jangalo l&#596;, a k'a ma&#626;ininga, a v&#603;&#603;: &#171;I y'a f&#603; i yi k&#603;n&#603;ya?&#187;</div><div class="p"> 7A do ka Isa javi, a v&#603;&#603;: &#171;&#504; Kuntii, m&#596;&#596; t&#603; m&#768; bolo min yi m&#768; mad&#603;m&#603;n ka &#505; lajii dala l&#596; ji lamaamaa waate. M&#768;'&#603; a f&#596;la &#505;'i jii a l&#596; kotan, m&#596;&#596; gb&#603;l&#603; le yi jiila &#505; &#626;a.&#187;</div><div class="p"> 8Isa do v&#603;&#603; a y&#603;: &#171;I wuli, i iya d&#603;v&#603; ta ka taama.&#187; 9K&#603;&#769; do ka k&#603;n&#603;ya telemanin. Wo k&#603;, a k'i wuli ka aa d&#603;v&#603; ta ka taama damina.</div><div class="p">Isa ka wo k&#603; N&#596;ning&#603;lon ne. 10Wo k&#603;, Jahudiya kuntiilu k'a f&#596; k&#603;&#769; lak&#603;n&#603;yanin wo y&#603;, ai v&#603;&#603;: &#171;N&#596;ning&#603;lon ne bi! Wo ma, a ladaannin t&#603; k'a f&#596; i iya d&#603;v&#603; ta i bolo ten.&#187;</div><div class="p"> 11K&#603;&#769; do k'ai javi, a v&#603;&#603;: &#171;K&#603;&#769; min na &#505; lak&#603;n&#603;yala, wo le n'a f&#596;la &#505; y&#603;, a v&#603;&#603;: &#8249;I iya d&#603;v&#603; ta, i yi taama.&#8250; &#187;</div><div class="p"> 12Ai do k'a ma&#626;ininga wo l&#596;, ai v&#603;&#603;: &#171;K&#603;&#769; jene yi wo le, min n'a f&#596;la i y&#603; ko i iya d&#603;v&#603; ta ka taama?&#187;</div><div class="p"> 13K&#603;&#603; k&#603;&#769; t&#603;&#603; m'a l&#596;n m&#596;&#596; kelen min n'a lak&#603;n&#603;yala, kamas&#596;l&#596;n Isa t&#603;&#603; v&#603; tunun jama wo t&#603;ma.</div><div class="p"> 14Wo k&#596;, Isa ka taa k&#603;&#769; wo talan l&#596;h&#596;l&#596;mabonba luu k&#596;n&#596; k'a f&#596; a y&#603;, a v&#603;&#603;: &#171;A ye, i la v&#603; k&#603;n&#603;ya yi ne. I do k&#224; k&#603; julumbutaba le butu, niwot&#603; kok&#603;won d&#596; yi k&#603;le i la min yi timin a kunf&#596;l&#596; ta la.&#187;</div><div class="p"> 15K&#603;&#769; wo v&#603; taala k'a f&#596; Jahudiya kuntiilu y&#603; ko Isa le na a lak&#603;n&#603;yala. 16Wo le k'a k&#603;, ai ka Isa lagbeya&#626;&#603; damina, kamas&#596;l&#596;n a deinin t&#603;&#603; ko suu wolu k&#603;la N&#596;ning&#603;lon ne la. 17K&#603;&#603; Isa k'ai javi, a v&#603;&#603;: &#171;&#504; Fa yi baalela hali bi, ani &#505;e gbu yi baalela.&#187;</div><div class="p"> 18Ka b&#603;n kuma wo ma, Jahudiya kuntiilu t&#603;&#603; Isa faako &#626;a&#626;ininna ka timin a kunf&#596;l&#596; ta la. N&#596;ning&#603;lon laana ti&#626;ako t&#603;&#603; t&#603; dein, k&#603;&#603; a t&#603;&#603; a f&#596;la k&#596;tunun Ala ma ko a Fa, k'a j&#603;l&#603; l&#596;ka&#626;a Ala ma wo l&#596;.</div><div class="s">Isa ya seetiiya</div><div class="p"> 19Wo l&#596;, Isa k'a f&#596; ai y&#603;, a v&#603;&#603;: &#171;&#504;'i tu&#626;a f&#596; &#224;i y&#603;, Denk&#603; t&#603; se foi k&#603;la a j&#603;l&#603; ma, maf&#596; a v'a Fa yena min k&#603;la dein. Kamas&#596;l&#596;n Fa yi ko ko si k&#603;la, a Denk&#603; fana yi wo &#626;&#596;&#596;zii le k&#603;la. 20Kamas&#596;l&#596;n Denk&#603; ya ko diyanin a Fa y&#603;. Wo le y'a ma, wo yi ko ko si k&#603;la, a yi wo b&#603; le jiyala a Denk&#603; la. A do k&#603;t&#596; ko gb&#603;l&#603;lu jiyala wo la ai k&#603;ko l&#596; minu bu&#626;anin d&#596; wolu le, f&#596;sa &#224;i yi kawakoya. 21Kamas&#596;l&#596;n Fa yi fulenilu lawulila ka niimaya di ai ma teme, wo bolo&#626;a kelen ma, a Denk&#603; yi niimaya dila m&#596;&#596;lu ma, minu v&#603; a diyala. 22K'a d&#596; la wo k&#596;kan, Fa t&#603; m&#596;&#596; foi ya kiti t&#603;&#603;la, kamas&#596;l&#596;n a na kitiko b&#603; tola a Denk&#603; le bolo, 23f&#596;sa b&#603; yi Denk&#603; bu&#626;a iwo ai y'a Fa bu&#626;ala teme. Ni m&#596;&#596; min ma Denk&#603; bu&#626;a, wo tii t&#603; a Fa fana bu&#626;ala min na wo kelayala.&#187;</div><div class="p"> 24&#171;&#504;'i tu&#626;a f&#596; &#224;i y&#603;, ni m&#596;&#596; m&#596;&#596; ka &#505; kumakan m&#603;n ka limaniya &#505; kelaba ma, niimaya banbali yi wo tii le y&#603;. Kiti t&#603;nala bilala wo tii la, k&#603;&#603; a do v&#603; b&#596; saya l&#596; ka don niimaya l&#596;. 25&#504;'i tu&#626;a f&#596; &#224;i y&#603;, waate d&#596; sent&#596;, a do v&#603; se butu, fulenilu k&#603;t&#596; Ala Denk&#603; kumakan m&#603;nna, ado minu v&#603; a kumakan m&#603;nna, wolu le k&#603;t&#596; niimaya k&#603;la. 26Kamas&#596;l&#596;n Fa yi niimayatii le teme, a v'a Denk&#603; k&#603; niimayatii le wo bolo&#626;a kelen ne ma. 27A do na kitit&#603;&#603; seetiiya dila a ma, kamas&#596;l&#596;n ale le M&#596;&#596;nivin Tanin ne. 28-29&#192;i k&#224; kawakoya wo l&#596;, kamas&#596;l&#596;n waate d&#596; sent&#596;, fulenilu k&#603;t&#596; a kumakan m&#603;nna, k'i wuli ka b&#596; aiya kabululu l&#596;. M&#596;&#596; minu na kokeinnu k&#603;la, wolu k&#603;t&#596; ai wulila ka niimaya banbali le s&#596;l&#596;n, ani minu na koyonnu k&#603;la, wolu k&#603;t&#596; ai wulila ka kolat&#596;n ne s&#596;l&#596;n.&#187;</div><div class="s">Isa ya selelu</div><div class="p"> 30&#171;&#504; t&#603; se foi k&#603;la &#505; j&#603;l&#603; ma. &#504;'i min m&#603;nna, &#505;'i kiti t&#603;&#603;la ka b&#603;n wo le ma. Wo le y'a ma, &#505;a kiti telenyine, kamas&#596;l&#596;n &#505; t&#603; &#505;e gbu sawonanko &#626;a&#626;ininna, maf&#596; &#505; kelaba sawonanko. 31Ni &#505; ka seleya di ka b&#603;n &#505;e gbu ma, &#505;a seleya t&#603;nala jatela tu&#626;a le. 32K&#603;&#603; a d&#596;gb&#603;l&#603; yi je min yi seleya dila ka b&#603;n m&#768; ma. &#504;e do k'a l&#596;n ne ko wo ya seleyakan ka b&#603;n m&#768; ma, wo yi tu&#626;a le le. 33#Yohana 1.19-27; 3.27-30.&#192;i na m&#596;&#596; d&#596;lu kelayala Makolik&#603;ba Yaya ma. A na seleya min dila ka b&#603;n m&#768; ma, wo yi tu&#626;a le le. 34&#504; t&#603; adamadennu ya seleyakan &#626;ininna ka b&#603;n &#505;e gbu ma, k&#603;&#603; &#505;'i minu f&#596;la yi ne, f&#596;sa &#224;i yi kisi. 35Yaya t&#603;&#603; fitina le le min t&#603;&#603; m&#603;n&#603;nna gbesekele. &#192;i do ka di&#626;a ka waateni k&#603; sawala aa k&#603;n&#603;ya l&#596;. 36K&#603;&#603; seleya v&#603; m&#768; bolo min bu&#626;anin v&#603; Yaya ta le. Kamas&#596;l&#596;n &#505; Fa na baale minu dila m&#768; ma k'ai dafa, &#505;'i wolu gbugbu le k&#603;la yi ne. Wolu le yi seleya dila ka b&#603;n m&#768; ma, ko &#505; Fa le na &#505; kelayala. 37#Matiyu 3.17; Mal&#603;k&#603; 1.11; Luka 3.22.Ado &#505; Fa min na &#505; kelayala, wo gbu yi seleya dila ka b&#603;n m&#768; ma. K&#603;&#603; &#224;i do ma a kan m&#603;n ba, kumat&#603; ka a &#626;ak&#596;l&#596;la ye. 38A kumakan sawatinin t&#603; &#224;i josokun n&#596;, kamas&#596;l&#596;n a na m&#596;&#596; min kelayala, &#224;i ma limaniya wo tii ma. 39&#192;i yi kitabulu maf&#603;l&#603;nna kos&#603;v&#603;, kamas&#596;l&#596;n a &#224;i k&#596;n&#596; ko &#224;i k&#603;t&#596; niimaya banbali s&#596;l&#596;nna wolu le f&#603;, k'a talan kitabu wolu gbu le yi seleya dila ka b&#603;n m&#768; ma. 40&#192;i do t&#603; di&#626;ala ka na m&#768; ma f&#596;sa &#224;i yi niimaya s&#596;l&#596;n.</div><div class="p"> 41&#171;&#504; t&#603; adamadennu ya magbiliyali &#626;ininna. 42Kamas&#596;l&#596;n &#505; k'&#224;i l&#596;n ko Ala ya kanundeya t&#603; &#224;i josokun n&#596;. 43&#504; nanin &#505; Fa t&#596;&#596; le l&#596;, k&#603;&#603; &#224;i do ma di&#626;a k'&#224;i bolo sii &#505; k&#596;l&#596;. Ni a d&#596;gb&#603;l&#603; ka na a j&#603;l&#603;kanu t&#596;&#596; l&#596;, &#224;i k&#603;t&#596; &#224;i bolo siila wo tii k&#596;l&#596;. 44&#192;i yi se limaniyala di, k'a talan &#224;i yi magbiliyali &#626;ininna i &#626;&#596;&#596; f&#603;, k&#603;&#603; &#224;i do t&#603; magbiliyali wo &#626;ininna min yi b&#596;la Ala kelenpesa f&#603;? 45&#192;i k'&#224;i mili ko &#505;e gbu le k&#603;t&#596; &#224;i jalakila &#505; Fa &#626;ak&#596;l&#596;. M&#596;&#596; min k&#603;t&#596; &#224;i jalakila, wo tii le Nabi Musa le, &#224;i jei siinin min na. 46Ni &#224;i t&#603;&#603; v&#603; lala Nabi Musa la, &#224;i t&#603;&#603; lale &#505;e fana la, kamas&#596;l&#596;n ale le na s&#603;v&#603;la ka b&#603;n m&#768; ma aa Taulati l&#596;. 47Ni do &#224;i ma la aa s&#603;v&#603;li wolu la, &#224;i k&#603;t&#596; lala &#505; kumakannu la di wo l&#596;?&#187;</div>
 </div>
 </div>
</div>

Manya Bible Translation, © SIM International, 2023 

Wo kɔ, Isa ka taa Jelusalɛmu ka bɛn Jahudiyalu ya selibɔlon dɔ ma. Dala ba dɔ yi Jelusalɛmu, Saalu Donda dafɛ, ai y'a fɔla min ma Hebulukan nɔ ko Betizada, ado bolon loolu le yi dala wo laminin nɔ. Jangalotɔ siyama lanin tɛɛ bolon wolu kɔlɔ, ɲagbɛlu o, namalanilu o, ani falifaamatɔlu. [Ai tɛɛ ji lamaamaa waate le makɔnɔna. Kamasɔlɔn waate dɔlu lɔ, Ala ya mɛlɛka dɔ tɛɛ jiila dala wo lɔ k'a ji lamaamaa. Wo tɛɛ vɛ kɛla, jangalotɔ min tɛɛ vɛ jiila dala wo lɔ kunfɔlɔ le, wo tii tɛɛ kɛnɛyale, hali jangalo suu suu tɛɛ kɛ a la.] Kɛ́ dɔ tɛɛ je, min tɛɛ vɛ san bisawa ni sein (38) kɛ jangalo lɔ. Isa ka kɛ́ wo lanin ye mingɛ k'a lɔn a tɛɛ vɛ mɛn jangalo lɔ, a k'a maɲininga, a vɛɛ: «I y'a fɛ i yi kɛnɛya?»
A do ka Isa javi, a vɛɛ: «Ǹ Kuntii, mɔɔ tɛ m̀ bolo min yi m̀ madɛmɛn ka ǹ lajii dala lɔ ji lamaamaa waate. M̀'ɛ a fɔla ǹ'i jii a lɔ kotan, mɔɔ gbɛlɛ le yi jiila ǹ ɲa.»
Isa do vɛɛ a yɛ: «I wuli, i iya dɛvɛ ta ka taama.» Kɛ́ do ka kɛnɛya telemanin. Wo kɛ, a k'i wuli ka aa dɛvɛ ta ka taama damina.
Isa ka wo kɛ Nɔningɛlon ne. Wo kɛ, Jahudiya kuntiilu k'a fɔ kɛ́ lakɛnɛyanin wo yɛ, ai vɛɛ: «Nɔningɛlon ne bi! Wo ma, a ladaannin tɛ k'a fɔ i iya dɛvɛ ta i bolo ten.»
Kɛ́ do k'ai javi, a vɛɛ: «Kɛ́ min na ǹ lakɛnɛyala, wo le n'a fɔla ǹ yɛ, a vɛɛ: ‹I iya dɛvɛ ta, i yi taama.› »
Ai do k'a maɲininga wo lɔ, ai vɛɛ: «Kɛ́ jene yi wo le, min n'a fɔla i yɛ ko i iya dɛvɛ ta ka taama?»
Kɛɛ kɛ́ tɛɛ m'a lɔn mɔɔ kelen min n'a lakɛnɛyala, kamasɔlɔn Isa tɛɛ vɛ tunun jama wo tɛma.
Wo kɔ, Isa ka taa kɛ́ wo talan lɔhɔlɔmabonba luu kɔnɔ k'a fɔ a yɛ, a vɛɛ: «A ye, i la vɛ kɛnɛya yi ne. I do kà kɛ julumbutaba le butu, niwotɛ kokɛwon dɔ yi kɛle i la min yi timin a kunfɔlɔ ta la.»
Kɛ́ wo vɛ taala k'a fɔ Jahudiya kuntiilu yɛ ko Isa le na a lakɛnɛyala. Wo le k'a kɛ, ai ka Isa lagbeyaɲɛ damina, kamasɔlɔn a deinin tɛɛ ko suu wolu kɛla Nɔningɛlon ne la. Kɛɛ Isa k'ai javi, a vɛɛ: «Ǹ Fa yi baalela hali bi, ani ǹe gbu yi baalela.»
Ka bɛn kuma wo ma, Jahudiya kuntiilu tɛɛ Isa faako ɲaɲininna ka timin a kunfɔlɔ ta la. Nɔningɛlon laana tiɲako tɛɛ tɛ dein, kɛɛ a tɛɛ a fɔla kɔtunun Ala ma ko a Fa, k'a jɛlɛ lɔkaɲa Ala ma wo lɔ.

Wo lɔ, Isa k'a fɔ ai yɛ, a vɛɛ: «Ǹ'i tuɲa fɔ ài yɛ, Denkɛ tɛ se foi kɛla a jɛlɛ ma, mafɔ a v'a Fa yena min kɛla dein. Kamasɔlɔn Fa yi ko ko si kɛla, a Denkɛ fana yi wo ɲɔɔzii le kɛla. Kamasɔlɔn Denkɛ ya ko diyanin a Fa yɛ. Wo le y'a ma, wo yi ko ko si kɛla, a yi wo bɛ le jiyala a Denkɛ la. A do kɛtɔ ko gbɛlɛlu jiyala wo la ai kɛko lɔ minu buɲanin dɔ wolu le, fɔsa ài yi kawakoya. Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala. K'a dɔ la wo kɔkan, Fa tɛ mɔɔ foi ya kiti tɛɛla, kamasɔlɔn a na kitiko bɛ tola a Denkɛ le bolo, fɔsa bɛ yi Denkɛ buɲa iwo ai y'a Fa buɲala teme. Ni mɔɔ min ma Denkɛ buɲa, wo tii tɛ a Fa fana buɲala min na wo kelayala.»
«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ. Ǹ'i tuɲa fɔ ài yɛ, waate dɔ sentɔ, a do vɛ se butu, fulenilu kɛtɔ Ala Denkɛ kumakan mɛnna, ado minu vɛ a kumakan mɛnna, wolu le kɛtɔ niimaya kɛla. Kamasɔlɔn Fa yi niimayatii le teme, a v'a Denkɛ kɛ niimayatii le wo boloɲa kelen ne ma. A do na kititɛɛ seetiiya dila a ma, kamasɔlɔn ale le Mɔɔnivin Tanin ne. Ài kà kawakoya wo lɔ, kamasɔlɔn waate dɔ sentɔ, fulenilu kɛtɔ a kumakan mɛnna, k'i wuli ka bɔ aiya kabululu lɔ. Mɔɔ minu na kokeinnu kɛla, wolu kɛtɔ ai wulila ka niimaya banbali le sɔlɔn, ani minu na koyonnu kɛla, wolu kɛtɔ ai wulila ka kolatɔn ne sɔlɔn.»

«Ǹ tɛ se foi kɛla ǹ jɛlɛ ma. Ǹ'i min mɛnna, ǹ'i kiti tɛɛla ka bɛn wo le ma. Wo le y'a ma, ǹa kiti telenyine, kamasɔlɔn ǹ tɛ ǹe gbu sawonanko ɲaɲininna, mafɔ ǹ kelaba sawonanko. Ni ǹ ka seleya di ka bɛn ǹe gbu ma, ǹa seleya tɛnala jatela tuɲa le. Kɛɛ a dɔgbɛlɛ yi je min yi seleya dila ka bɛn m̀ ma. Ǹe do k'a lɔn ne ko wo ya seleyakan ka bɛn m̀ ma, wo yi tuɲa le le. Ài na mɔɔ dɔlu kelayala Makolikɛba Yaya ma. A na seleya min dila ka bɛn m̀ ma, wo yi tuɲa le le. Ǹ tɛ adamadennu ya seleyakan ɲininna ka bɛn ǹe gbu ma, kɛɛ ǹ'i minu fɔla yi ne, fɔsa ài yi kisi. Yaya tɛɛ fitina le le min tɛɛ mɛnɛnna gbesekele. Ài do ka diɲa ka waateni kɛ sawala aa kɛnɛya lɔ. Kɛɛ seleya vɛ m̀ bolo min buɲanin vɛ Yaya ta le. Kamasɔlɔn ǹ Fa na baale minu dila m̀ ma k'ai dafa, ǹ'i wolu gbugbu le kɛla yi ne. Wolu le yi seleya dila ka bɛn m̀ ma, ko ǹ Fa le na ǹ kelayala. Ado ǹ Fa min na ǹ kelayala, wo gbu yi seleya dila ka bɛn m̀ ma. Kɛɛ ài do ma a kan mɛn ba, kumatɛ ka a ɲakɔlɔla ye. A kumakan sawatinin tɛ ài josokun nɔ, kamasɔlɔn a na mɔɔ min kelayala, ài ma limaniya wo tii ma. Ài yi kitabulu mafɛlɛnna kosɛvɛ, kamasɔlɔn a ài kɔnɔ ko ài kɛtɔ niimaya banbali sɔlɔnna wolu le fɛ, k'a talan kitabu wolu gbu le yi seleya dila ka bɛn m̀ ma. Ài do tɛ diɲala ka na m̀ ma fɔsa ài yi niimaya sɔlɔn.
«Ǹ tɛ adamadennu ya magbiliyali ɲininna. Kamasɔlɔn ǹ k'ài lɔn ko Ala ya kanundeya tɛ ài josokun nɔ. Ǹ nanin ǹ Fa tɔɔ le lɔ, kɛɛ ài do ma diɲa k'ài bolo sii ǹ kɔlɔ. Ni a dɔgbɛlɛ ka na a jɛlɛkanu tɔɔ lɔ, ài kɛtɔ ài bolo siila wo tii kɔlɔ. Ài yi se limaniyala di, k'a talan ài yi magbiliyali ɲininna i ɲɔɔ fɛ, kɛɛ ài do tɛ magbiliyali wo ɲininna min yi bɔla Ala kelenpesa fɛ? Ài k'ài mili ko ǹe gbu le kɛtɔ ài jalakila ǹ Fa ɲakɔlɔ. Mɔɔ min kɛtɔ ài jalakila, wo tii le Nabi Musa le, ài jei siinin min na. Ni ài tɛɛ vɛ lala Nabi Musa la, ài tɛɛ lale ǹe fana la, kamasɔlɔn ale le na sɛvɛla ka bɛn m̀ ma aa Taulati lɔ. Ni do ài ma la aa sɛvɛli wolu la, ài kɛtɔ lala ǹ kumakannu la di wo lɔ?»

Dengar Yohana 5