Wapongte hibi

<div class="version vid870 iso6393mpp" data-vid="870" data-iso6393="mpp">
 <div class="book bkMAT">
 <div class="chapter ch4" data-usfm="MAT.4">
 <div class="label">4</div><div class="s">Yesu lokwesacka lowec</div><div class="r"> Mrk 1:12-13; Luk 4:1-13</div><div class="p"> 1Aime Aleng Sugucnenginengti Yesu lokwesacka lonale Asudi mengockeme himong kisiwa misaine mikacka hikewec.#Hib 2:18; 4:15 2Hikeme Yesu ye iwa deboc hadeng 40 nosing-sawe galu nosingte homawec.#Wah 34:28 3Inguc aime Lokwesac Ngicti yela kwesilu miwec, &#8220;Ga Wapongte Madec noine gagicka posa yago miyengka bafaliyelu bret aina!&#8221;</div><div class="p"> 4Inguc mime Yesudi yowa ameine bafaliyecnolu yanguc edowec, &#8220;Yowa yanguc kwelengkeicne fagac,</div><div class="q1"> &#8216;Ngicti nosingka sugu mi ganoga, miyac. Ye Wapongte mickacni yowa ofecaigac, yogo sasawa balu ganoga.&#8217;&#160;&#8221; (Yef 8:3) </div><div class="p"> 5Inguc mime Aleng Sugucnenginengti Yesu mengockeme taon gbagbacna#4:5 Ibu-mac Yerusalem iwa domawecte taon gbagbacne wackeibong. hikelu Ibu-mac feina wilinibenang, iwa lome domawec. Domame edolu yanguc micnowec, 6&#8220;Ga Wapongte Madec noine gagicka gageuctihac yawacni wintackelu haunong. Yowa yanguc kwelengkeicne fagac,</div><div class="q1">&#8216;Ye gale ailu angelofocine bole-yowa yeleme yengi molengineng feina sesegubong, posa monicti higegone nalic mi helockedaicte.&#8217;&#160;&#8221; (Mige 91:11-12) </div><div class="p"> 7Inguc mime Yesudi yanguc edowec, &#8220;Ailu hatacmac yowa yanguc kwelengkeicne fagac,</div><div class="q1"> &#8216;Ga Sugucne Waponggone lokwesacka mi lonong.&#8217;&#160;&#8221; (Yef 6:16) </div><div class="p"> 8Inguc mime Aleng Sugucnenginengti Yesu hatacmac mengockeme tiki sugucne monicka fewec. Felu himongtowa himong gamangnginengkolec nga tapili nga hibi-angocine haicine monic-monic, yogo edalilu 9miwec, &#8220;Ngagegic, ga ngosockelu ketadi holenelelu afenuengka, wiyac sasawa yago geledacte.&#8221;</div><div class="p"> 10Inguc mime Yesudi yanguc edowec, &#8220;Satang, ga baickenong. Yowa yanguc kwelengkeicne fagac,</div><div class="q1"> &#8216;Ga Sugucne Waponggone, ye moniyang sugu afeelu kwelec kwecnodamec.&#8217;&#160;&#8221; (Yef 6:13) </div><div class="p"> 11Inguc mime Aleng Sugucnengineng ye hegilelu hikeme angelo yengi kwesilu Yesu bafickelu gaibong.</div><div class="s">Yesu boleine molickelu bawec</div><div class="r"> Mrk 1:14-15; Luk 4:14-15</div><div class="p"> 12Ngic yenge yowa yogo miibong, &#8220;Yengi Yoane muc-macka lobong ngiyegac.&#8221; Yesu ye yogo ngagelu Galili prowinswa Nasaret taonka hefaliye hikewec.#Mat 14:3; Mrk 6:17; Luk 3:19-20 13Hikelu Nasaret hegilelu Sebulun nga Nafatali yekele himong Galili lifuc mecina, Kapeneam taonka hikelu gawec. 14Aime Wapongte siduc-mimi ngic Yesaiyadi yanguc miwec, yogolec noine fikewec,</div><div class="q1"> 15&#8220;Yodan misa nebocina yefe lifucka hikegac, Sebulun nga Nafatali himong iwa Israel yengele alingkacni miyac, yengi Galili prowinswa gagaing. 16Ngic-ngigac yogo yenge kundungka gagaing, yenge angoc sugucne nganiibong. Aime ngic-ngigac himongka homacte bagewa gaibong, yengele hewacka angocine fikewec.&#8221; (Yes 9:1-2) </div><div class="m">Yowa yogo noine ainale ye Kapeneam taonka ngiye-fangkec ailu gawec. 17Dameng iwa Yesudi ngic-ngigac yowa yanguc edocebalu weduyelelu gawec, &#8220;Honocmengte ngani-damongti biyac bangkalegacte ngenge kwelengineng hefaliyena.&#8221;#Mat 3:2; 10:7</div><div class="s">Mic-tengteng wacebawec</div><div class="r"> Mrk 1:16-20; Luk 5:1-11</div><div class="p"> 18Hadeng monicka Yesu ye Galili lifuc mecina haulu dingong balaibelu hikecgu hae-gba yaeckang nganicepame uficnginec lifucka wickelu domaiboc. Yogo Saimon, wacine monic Pita wackelu gaibong nga gbaine Endru. Yeke misa-sic baba ngic gaiboc. 19Yeke nganicepalu yanguc edocepawec, &#8220;Ngeke wele na balaibecnunic. Ngic yengi misa-sic bacaigaing, ngeke silicine yogo ingucnehac ngic-baba bole banicte wedungetedacte.&#8221; 20Inguc mime yeke iwahac uficnginec hegilelu Yesu balaibeiboc.</div><div class="p"> 21Aime iwacni lelu hatacmac hae-gba yaeckang, Sebedi madeckecine, Yakobos nga gbaine Yoane nganicepawec. Nganicepame yeke mamacnginec Sebediholec gombawa uficngineng bamadickelu gaebongka wacepawec. 22Wacepame yeke dameng iwahac mamacnginec nga gomba hegilelu ye balaibeiboc.</div><div class="s">Siduc Madicne edocebawec</div><div class="r"> Luk 6:17-19</div><div class="p"> 23Yesu ye Galili iwa himongsoc lolickelu kpakpaduc macnginang felu wewedu bole balu ngani-damongte Siduc Madicne edocebalu weduyelelu gawec. Ailu ye ngic-ngigac huc haicine monic monicti bacebame tapilingineng waicne yenge sasawa bamadicebayackewec.#Mat 9:35; Mrk 1:39; Sale 10:38 24Inguc aime yele siducti hikelu Siria prowins sasawa saweyackewec. Saweme ngic-ngigac madicne yenge huc haicine monic monicti ngic-ngigac basowalecebaicne nga doic ngagecaigaing. Ailu ngic alengkolec nga gocne homa-gbolic aicaigaing, ailu ngic-ngigac hige-molengineng homaicne, yenge sasawa Yesula bacebalu hikeyackebong yedi bamadicebawec.#Mrk 6:55 25Aime Galili prowinswacni nga Dekapolis, iwacni ailu Yerusalem taonkacni nga Yudeya himong ailu Yodan nebocinacni ngic-ngigac habutowadi ye balaibeibong.#Mrk 3:7-8</div>
 </div>
 </div>
</div>

Aime Aleng Sugucnenginengti Yesu lokwesacka lonale Asudi mengockeme himong kisiwa misaine mikacka hikewec. Hikeme Yesu ye iwa deboc hadeng 40 nosing-sawe galu nosingte homawec. Inguc aime Lokwesac Ngicti yela kwesilu miwec, “Ga Wapongte Madec noine gagicka posa yago miyengka bafaliyelu bret aina!”
Inguc mime Yesudi yowa ameine bafaliyecnolu yanguc edowec, “Yowa yanguc kwelengkeicne fagac,
‘Ngicti nosingka sugu mi ganoga, miyac. Ye Wapongte mickacni yowa ofecaigac, yogo sasawa balu ganoga.’ ”
Inguc mime Aleng Sugucnenginengti Yesu mengockeme taon gbagbacna hikelu Ibu-mac feina wilinibenang, iwa lome domawec. Domame edolu yanguc micnowec, “Ga Wapongte Madec noine gagicka gageuctihac yawacni wintackelu haunong. Yowa yanguc kwelengkeicne fagac,
‘Ye gale ailu angelofocine bole-yowa yeleme yengi molengineng feina sesegubong, posa monicti higegone nalic mi helockedaicte.’ ”
Inguc mime Yesudi yanguc edowec, “Ailu hatacmac yowa yanguc kwelengkeicne fagac,
‘Ga Sugucne Waponggone lokwesacka mi lonong.’ ”
Inguc mime Aleng Sugucnenginengti Yesu hatacmac mengockeme tiki sugucne monicka fewec. Felu himongtowa himong gamangnginengkolec nga tapili nga hibi-angocine haicine monic-monic, yogo edalilu miwec, “Ngagegic, ga ngosockelu ketadi holenelelu afenuengka, wiyac sasawa yago geledacte.”
Inguc mime Yesudi yanguc edowec, “Satang, ga baickenong. Yowa yanguc kwelengkeicne fagac,
‘Ga Sugucne Waponggone, ye moniyang sugu afeelu kwelec kwecnodamec.’ ”
Inguc mime Aleng Sugucnengineng ye hegilelu hikeme angelo yengi kwesilu Yesu bafickelu gaibong.


Ngic yenge yowa yogo miibong, “Yengi Yoane muc-macka lobong ngiyegac.” Yesu ye yogo ngagelu Galili prowinswa Nasaret taonka hefaliye hikewec. Hikelu Nasaret hegilelu Sebulun nga Nafatali yekele himong Galili lifuc mecina, Kapeneam taonka hikelu gawec. Aime Wapongte siduc-mimi ngic Yesaiyadi yanguc miwec, yogolec noine fikewec,
“Yodan misa nebocina yefe lifucka hikegac, Sebulun nga Nafatali himong iwa Israel yengele alingkacni miyac, yengi Galili prowinswa gagaing. Ngic-ngigac yogo yenge kundungka gagaing, yenge angoc sugucne nganiibong. Aime ngic-ngigac himongka homacte bagewa gaibong, yengele hewacka angocine fikewec.”
Yowa yogo noine ainale ye Kapeneam taonka ngiye-fangkec ailu gawec. Dameng iwa Yesudi ngic-ngigac yowa yanguc edocebalu weduyelelu gawec, “Honocmengte ngani-damongti biyac bangkalegacte ngenge kwelengineng hefaliyena.”


Hadeng monicka Yesu ye Galili lifuc mecina haulu dingong balaibelu hikecgu hae-gba yaeckang nganicepame uficnginec lifucka wickelu domaiboc. Yogo Saimon, wacine monic Pita wackelu gaibong nga gbaine Endru. Yeke misa-sic baba ngic gaiboc. Yeke nganicepalu yanguc edocepawec, “Ngeke wele na balaibecnunic. Ngic yengi misa-sic bacaigaing, ngeke silicine yogo ingucnehac ngic-baba bole banicte wedungetedacte.” Inguc mime yeke iwahac uficnginec hegilelu Yesu balaibeiboc.
Aime iwacni lelu hatacmac hae-gba yaeckang, Sebedi madeckecine, Yakobos nga gbaine Yoane nganicepawec. Nganicepame yeke mamacnginec Sebediholec gombawa uficngineng bamadickelu gaebongka wacepawec. Wacepame yeke dameng iwahac mamacnginec nga gomba hegilelu ye balaibeiboc.


Yesu ye Galili iwa himongsoc lolickelu kpakpaduc macnginang felu wewedu bole balu ngani-damongte Siduc Madicne edocebalu weduyelelu gawec. Ailu ye ngic-ngigac huc haicine monic monicti bacebame tapilingineng waicne yenge sasawa bamadicebayackewec. Inguc aime yele siducti hikelu Siria prowins sasawa saweyackewec. Saweme ngic-ngigac madicne yenge huc haicine monic monicti ngic-ngigac basowalecebaicne nga doic ngagecaigaing. Ailu ngic alengkolec nga gocne homa-gbolic aicaigaing, ailu ngic-ngigac hige-molengineng homaicne, yenge sasawa Yesula bacebalu hikeyackebong yedi bamadicebawec. Aime Galili prowinswacni nga Dekapolis, iwacni ailu Yerusalem taonkacni nga Yudeya himong ailu Yodan nebocinacni ngic-ngigac habutowadi ye balaibeibong.

Dengar Mataio 4