Ayat Alkitab yang Popular daripada SAN MATEO 3

Kongsi

To bairi mʉjaare Dio cʉ̃ ca-popiyeyepere Diore netoo rotiri caroa macare ája mʉjaa. Caroare mʉja cá-áto tʉjʉʉ, ‘Na yeri wajoama,’ mʉja ĩi tʉjʉ majigʉmi Dio yua,” na ca-ĩiñupʉ Juan.

To bairo ca-bairi paʉna Dio ʉmʉrecóopʉ oco bairo ca-ĩi wadayupʉ: —Ani yʉ Macʉ, yʉ ca-maii ãmi. Cʉ̃ mena yʉ wariñuu, ca-ĩi wadayupʉ Dio.

Cʉ̃re cʉ̃ ca-bautisa yaparoro Jesú riapʉ ca-ñujãricʉ ca-maa nʉcañupʉ. Cʉ̃ ca-maa nʉcari paʉna ʉmʉrecóo ca-pãañupe. Ca-pãaro Dio Espíritu Santo buare baii cʉ̃ bui cʉ̃ ca-rui ejaro ca-tʉjʉyupʉ Jesú.

Mʉjaare yʉ bautisa oco mena, “Caroorije jã cá-átie jʉtiritiri jã yeri wajoagarã, mʉja ca-ĩiro. Yʉ bero anigʉmi yʉ netoro ca-ãcʉ̃. Cʉ̃ mena cawatoa ca-ãcʉ̃ majuu yʉ ãa yʉa. Cʉ̃ maca Dio Espíritu Santore mʉja joogʉmi mʉja yeripʉ caroorije mʉja cá-átiere majiriori.

Caroa macare mʉja cá-átiquẽpata yucʉacã mʉja reegʉmi Dio. Yucʉ ca-rica maniire quetí joe rocaricarore bairona mʉja átigʉmi Dio.

Juan ca-añupʉ, “Apeĩ anigʉmi,” Isaía ãnacʉ Dio ye quetire buiori majocʉ cʉ̃ ca-ĩricʉ. Oco bairo ca-ĩi ucayupi Isaía ãnacʉ Juan cʉ̃ ca-baipere: Jicãʉ camaja na ca-manopʉ awajari oco bairo ĩi buiogʉmi cʉ̃ tʉpʉ ca-ejarãre: “Caroaro quenoo yuuya mʉja yerire, cariape tʉgooñari mani Ʉpaʉ cʉ̃ cá-atíparo jʉgoye. Caroa macare ája,” ĩi buiogʉmi, ca-ĩi ucayupi Isaía tirʉmʉpʉ macacʉ.