Ayat Alkitab yang Popular daripada Yoni 3

Kongsi

Gotiʼa ma mopafi vayaʼaifeʼmo lusi kava huno hau ayamopafiʼmo hauʼniyaʼmofeʼmo ani aiya magoke mafaʼneʼamo avaleno apamiʼniye. Ina lagimo mafaʼneʼaeʼmo apakesamo afiʼa fatago nehisafigeʼa alagi ofaliʼa alagepa huʼa maige maige huʼa maisayafeʼmo avaleno apamiʼniye.

Gotiʼa ma mopafi vayaʼmo agoti huno apatetenoʼaeʼmo, hosu kavaʼmo huʼnae, huno hisiyafeʼmo mafaʼneʼamo alino ateʼnigeno emiʼnoʼmeʼnifa apakufamo alino katino apateteno hapau vaisiyafeʼmo alino ateʼnigeno emineʼniye.

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo

Goti Mafaʼneʼaeʼmo apakesa afiʼa fatago nehaya vayaʼmo agoti huno apatetenoʼaeʼmo, hosu vayaʼmo maiʼnae, huno nosiyaʼmonanafa apakesamo afiʼa fatago nosaya vayaʼmo ago agoti huno apatetenoʼaeʼmo, hosu vayaʼmo maiʼnae, huno huʼniye. Apakesamo afiʼa fatago osuʼnayaʼmofeʼmae.

Gotiʼa agoti huno apatetenoʼaeʼmo, hosu vayaʼmo maiʼnae, huno huʼniya gemo aepaʼamo haneʼniyana ha le yaʼamo ma mopafiʼmo ago afole aiʼniyaʼmonanafa vayaʼmogi ha le yafeʼmo apaini huʼa hani yafekeʼmo hapauʼniye. Hosu kavakeʼmo nehayaʼmofeʼmae.

Agiʼamoʼmo anagamo kosime kosime uno nehaisigeno nagiʼnimoʼmo aise aise hume hume afelaga uno lamigiye.

Hosu kavaʼmo nehaya vayaʼmogimo ha le yafeʼmo alagi ohapauʼnigeʼapaeʼmo hosu kavaʼapimo afole oʼaisiyafeʼmo ha le yategamo alagi noʼmae.

Muki vayaʼamogi Mafaʼneʼaeʼmo apakesamo afiʼa fatago nehisaya vayaʼmogimo alagepa huʼa maige maige huʼa maisaya yaʼmo ago aliʼnae. Muki vayaʼmogimo Mafaʼneʼamo geʼamo akame nosisaya vayaʼmo Gotiʼa aipamo leno neʼapateya kavaʼamo apakaeteʼmo alagi hanege hanege huno hanegaiyaʼmofeʼmo alagi alagepa huʼa maige maige huʼa oʼmaigae.

Moseseʼa kaʼme kotegamo nagaloʼyavemo auneʼamo yosaleʼmo alino maleno nofi kiteno alino he tino ateʼniya agufa kavaʼmo huʼa Vemo Mafaʼnemo aliʼa he tiʼa ategae.

Muki yaʼmo Afoʼamoʼmo mafaʼneʼaeʼmo hau ayamopafiʼmo hauʼnigenoʼaeʼmo muki yateʼe vayaʼaiteʼeʼmo yagaino apatesiya himamuʼamo amiʼniye.