Ayat Alkitab yang Popular daripada 1. Mosebok 27

Kongsi

Gud gjeve deg dogg frå himmelen og rikeleg med grøde på jorda, korn og vin i mengd! Folkeslag skal tena deg, folk skal falla til fote for deg. Ver herre over dine brør! Sønene åt mor di skal bøya seg for deg! Forbanna vere dei som forbannar deg, og velsigna dei som velsignar deg!»

Då sa Esau: «Med rette har han fått namnet Jakob; for no har han lurt meg to gonger. Fyrst tok han odelen min, og no har han teke velsigninga med.» Så sa han: «Har du ikkje ei velsigning til meg òg?»

Då tok Isak til ords att og sa: «Langt borte frå den grøderike jord skal din bustad vera og utan dogg frå himmelen. Av sverdet ditt skal du leva, og bror din lyt du tena. Men når du ein gong slit deg laus, skal du riva åket hans av nakken din.»

Esau svara: «Har du berre denne eine velsigninga, far? Velsigna meg òg, far!» Og Esau gret høgt.