Ayat Alkitab yang Popular daripada Pupuꞌ 3

Kongsi

Ee'noko tenang tenie manikumai tee teu'koong sinang oovuko onou ee' oro' tavo'kuu', “Bakei aung sinang maa'koo tampara, oro'oro'noo' tampa' oro'ke, ee'noko maa'anko norukasi' deeng-antamupeu'.” Tee ninka noru' ninka tee-koo sinang-koo nkavura maa'kuu', ee'noko nii'ning napo' tenie tee ba'ung nari' otoretu'nung avuio' maa'uu'.

Ookara kapoo' avutevu' biikoori Kumponinge nkovuru'nanka-koo boru' bakei aa'na' toreearo'. Teie tee teni manikuma aa'puu', “Kumponinge ee masika' ookara anau-koo koi'nanka-koong sinang maa'koo orokoruresing?”

Ee'noko ninge tee dee'naanka da' ee'noko ani manikuma karenaanka deeng-antarampeaing ee'noko napo' teing dee'ke deurukaa' tee'ke kare-nupoong otoromaatoaing. Teni baurukaa'koo narunge da' bore'koo puuturuaing ee'noko dake tee kanko'bo-koo kakieai.”

Napo' teni manikuma aa'puu' Kumponinge, “Ninge tee da' pankaing sisikeera arompaing tenang parema mantompemaatoaing. Sisikeera ninka parematoaing. Nka tee, da'ung-koo pia otoi otoaing, ee'noko bakaang pia siompemaatoai.”

Ee'noko iontakaanang mintoontarama taamanimatoai, bera doora kansi'koo tororaravainoo'ke basi, te' ee'noo' da' nkorantu'noo', ai' da' tee da'mong, napo' da'mong-koo doonko tororaravaing.”

Ee'noko napo' Aadama-koo aa'puu', “Dake teni da'aang bakaang kara taaravera tee koi'koong sinang orokoantu'nung maa'eing-koo, ninge tee kansi' taamang keentoma barakosi'ansing taamananka tampa' nkoarava' otoainge, ee'noko da' pore'doma deeko' tee-koo kansi'koo taamanimatoaing ookara batei da' otoaining-koo.

Ee'noko Kumponinge aa'puu', “Da' baie simpenoi' otoing nauruing? Ai' tee koi'koong sinang orokorantu'navari-koong maa'ei?”

Tenang Kumponinge tering bata'ureta, tee-koo tenau-koo Iideni'nau-koo duaa' pomanoo'aapenameng-koo koosinunanka purinto'nanka donkong-antavuru', tee tevung taung koi' domang-anta-aape be'navung para'ai otoromaatoo'naang, bainatu nta'pina' urung kompai eevaavaama.

Ee'noko Aadamai teni ba'aang miring Iivi tampuu', ai' teni teni ookara nantoong amutemurii' bioko.