Ayat Alkitab yang Popular daripada Yoane 6

Kongsi

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Yesu nawe aasuka ati, “Cino Leza akulonda kuti mucite, ukutaila muli wino watuma.”

Onsi yano Tata wampeela yaliza kunondi, na wino wensi uwiza kunondi ntalamuzinga.

Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Kusi umwi angiza kunondi, suka sile Tata wino uwantuma ndi wamuleta kunondi, nga nani ndaleka azyukuke aye nu umi pa wanda wampelelekezyo.

Pano cakulya cino Leza akapeela awiyo uwafuma kwiyulu, wino akapeela umi ku antu amu nsi onsi.”

Nene Cakulya icikapela umi.

Yesu atoola mikate ataizya kuli Leza, nga aankanya antu yano atenzi penepo. Mu musango uli onga atoola inswi ataizya kuli Leza, nga aankanya antu suka vikumana mu antu yonsi kulingana na vino yalondanga. Lino antu yonsi yalya iikuta, anena alondezi yakwe ati, “Kolonganikini mvungwa zino zisile zitatangana.”

Walanga alondezi yafiya wato ukuya mukasi kakwe yemba, manye kulingana na makilomita yatatu na citika, yalola Yesu akupalama ku wato, ala akupita pa manzi. Alino yuvwa intete. Lelo ayanena ati, “Anene! Mutoopa.”