Ayat Alkitab yang Popular daripada Yohane 7

Kongsi

Ulya angyiiṙikyia inyi, chandu kyikyiṟeie ipfo shiṟeionyi shiele, mfo ya mṟinga uwoṙe moo yechiwuka mrimenyi kokye.”

Na mfiri o furumia, mfiri ulya ung'anyi o mṟumoe, Yesu kagoṟoka, kakuilenga na ṟui lying'anyi, echigamba, “Mndu kawoṙo nyi nyoṙa, nache na koko nawone kyindo kyenyo.

Kyiyeri Yesu aweiṙeṙa naweionguo mbonyi tsa Mumuyo o Ruwa, walya wamwiṙikyie wechimwambilyia kyiyeri kya numa; cha kyipfa Mumuyo o Ruwa alekoamcha-pfo, cha kyipfa Yesu alekoamwirio wuye na ienengo kyiṟumi-pfo.

Kyasia mulaanduye mndu kui imwambuya ipfo kyanja, indi anduyenyi wandu kui sungusinyi.”

Ulya aṙeṙa kui wuchilyi wokye amonyi tupu nekyepfula kyiṟumi kyakye amonyi; indi ulya apfula kyiṟumi kya ulya alemṙuma, icho nyi o loi, maa mrimenyi kokye kuwoṙe wunyamaṟi-pfo.

Kyasia Yesu kawagaluo, kagamba, “Malosho gako chi gako inyi-pfo, indi nyi ga ulya alengyiṙuma.

Wandu wa wuyana weiṙima imsuo nyoe-pfo; indi wangyisuuye inyi, cha kyipfa inyi ngyiṟingyishia kye mawuto gawo gamawicho.